الخدامه فى الغربة

[اسرار70]

:eh_s(8):السلام عليكم ياأحلى بنات

ودى اعرف شلون اتعاملون مع الخدم من ناحية الطلعة تاخذونها معاكم

ولا فى اماكن معينة بس لان سمعت اذا الخدامة طلعتيها احتمال تنحاش::eh_s(10):

 

[اسرار70]

مافى أحد عندة خدامة
او عندة اى معلومات:bbbiu:

 

[اسرار70]

:eh_s(11):شدعوة كلمة ولو جبر خاطر


معلومة سامعتها يمكن تفيد

 

[كندية]

والله شووفي انا ماعندي ولا اعرف احد يعرف بس بقووولج الكلام اللي اسمعه....
اول شيء على حسب انتي بتتغربين يعني جم سنه او سياحه...لان شووفي مانصحج تاخذين معاج خير شر...
اول شيء غصبن عليج تمشين على قوانين الدوله اللي انتي فيها من ناحية المعاش والمعامله...يعني في دول المعاش بسااعات وكل اسبوعين ونادر تلاقين احد عنده خدامه عايشه عندهم هذا ناااااااااااادر اللي اذا كنتي مليونيره...وغير هذا ماتجبرينها على القعده عندج او على طلعات وروحات...وغير ان غصبن عليج تعطينها مو اقل من يومين عطله لها...وطبعا مالج شغل فيها وين اتروح....

واي غلطه تروحين بستين داهيه..مادري اذا سمعتي الاخباااار جم شيخه وشيخ رااحو سبب الخدم اللي ياخذونهم...لان حبيبتي لاتخافين عليهم بعرفووون كل القوانين ويشيخون عليج...فيعني انا 15 سنه غربه ولا مره شفت احد يايب خدم..يعني اشوف حريم مساكين عمرها ماطبت مطبخ تجبر عمرها ولا اتيب خدامه....

اسهل شيء اتيبين احد كل جم يوم او حتى تيج كل يوم جم ساعه وبس فكي عمرج​

 

[ام عبدالوهاب555]

انا ماعندي خدامة



بس شفت عوايل عندها خدم


بعضهم جايبينهم من الكويت ومدلعينها وتتغدى معاهم وراتب عالي بس ما تطلع وايد


وعايلة ثانية جايبة من المقيمين فتكون شبعانة من الديرة وراضية بالشغل والراتب

 

[UniquẼ ♥ ώomaN]

رد : الخدامه فى الغربة

انا استغرب من اللي ياخذون خدمهم معاهم بالسفر سواء سياحه ولادراسه

كل هذا كسل مالهم خلق يشتغلون الغربه حلاتها انج تعتمدين على نفسج واصلا يصير وقتج وشغلج كله منظم اشتغلووو شوي حركوو دمكم وبعدين ماتسوي عليكم الخدامه تتبلى ولايكبر راسها ووقتها يلا عاد فكي نفسج شكثر شباب خليجين انسجنوا بسبب خدمهم

صح ان الشغل احيانا يصير غثثثثثيث و في اشياء مانحب نسويها مثلا غسيل المواعين ويييع بس اضطرينا نغسل والله يخلي غسالة المواعين

في حالات استثنائيه تضطر لمساعده مثلا حامل ولامريضه بالحاله هذي تدور وحده تساعدها تتفق معاها على عدد الايام والساعات ويكون راتبهم زين موغالي وتمشي امورها

والله يعيييينكم حبايبي على شغل البيت والغربه

 

[رهف المذهله]

انا اذا بسافر ما راح اخذ الخدامه معنها اساسيه في ديرتنا بس الواحد يخاف منهم بالكويت اشلون بالغربه وعلى قولت البنات نتحرك والله كريم

 

[نونه الزعفرانه]

الله يعينج
انا الصراحه انصج تييبني اللي بالساعات

 

[mweegah]

والله يا بنات يعتمد على وضع الوحده, انا تمنى اخذ معاي خدامه لاني مفكره اكمل بره و عندي بنتي ما كملت 6 شهور, يعني الريال مسكين زين مستحمل غربه بعد ياهل و حوسه, اصلا قاعده افكر ااجل سنه علشان بنتي تكبر شوي و تدش حضانه, الله يسهل عليكم كلكم
و ترى رفيجاتي الي بره يقولون الوضع يصير سهل هناك لان محد عنده خدامه فكل شي مسهلينه و الله يعافي الصحون النايلون

 

[ليبراليه]

حبيبتي انصحج لا تاخذينها لان القانون برا غير وحسب الدوله وتقدر تهدج وترفع عليج قضيه وتبهذلج اخر بهذله وهالشي صار مع خالتي وكانت مدلعتها اخر دلع بس اهي فلبينيه وفروا راسها فلبينيات عشان تشتغل عندهم واغروها طلعات ووناسه شافت الحياه غير ولا معاشها اعلى جان ترفع قضيه ولا تطلب تعويض بعد .

 

[ليبراليه]

حبيبتي انصحج لا تاخذينها لان القانون برا غير وحسب الدوله وتقدر تهدج وترفع عليج قضيه وتبهذلج اخر بهذله وهالشي صار مع خالتي وكانت مدلعتها اخر دلع بس اهي فلبينيه وفروا راسها فلبينيات عشان تشتغل عندهم واغروها طلعات ووناسه شافت الحياه غير ولا معاشها اعلى جان ترفع قضيه ولا تطلب تعويض بعد .

 

[اسرار70]

مشكورين خواتى
انا معاكم ان الخدامة بالغربة هم بس اذا الوحدة مريضة فوق كل هذا يهال وريل حنان يبى كل شى زاهب
بس للحين محد رد على سوالى الى عندها خدامة اطلعها ولا تخليها فى البيت

 

[قلبي ابيض]

اختي تاخذ الخدامة معاها ويين ماتروح احسن << دراسة مع ريلها

وانا مرة اخذت معاي خدامتي كنا رايحين سياحة اسبوع مادري تحسفت لأني احب كل شي اسويه بروحي ونظمت وقتي حسيت مالها لزمة

 

[اسرار70]

واى احس صعبة اخذها معاى كل مكان
صج شر لا بد منه

 

[اسرار70]

للرفع للرفع للرفع

 

[نظرة اعجاب]

خليها بالبيت وطلعي

واذا عندج يهال خليها معاهم بالحديقه وروحي مع زوجج


انا ودي اخذ خدامتي لانه بيكون معاي ثلاث يهال صغاار احاتي الطياره ما اقدر امسك اثنين بوقت واحد .؟؟؟ *

 

[اسرار70]

هلا والله نظرة اعجاب
انا ما اخلى اعيالى عند خدم ما اقدر وعيالي مو متعودين انا اسبح والبس واوكل كل شى انا اسويه حقهم
بس انا ابيها حق تنظيف البيت الطبخ

 

[ام خالد 78]

انصحج ماتاخذينها هذيلاء مصايب

 

[اسرار70]

صاجه مصايب شر لابد منه
الله يستر

 

[Miss Chanel]

البنات ماقصرو