الخدااااااامه + المطاعم = بليز رايكم يهمني

[mafio98]

بنات عندي موضوع محيرني وودي استشيركم فيه :bbbiu:

بالنسبه حقق الخدم والطلعات والمطاعم!!!!

انا عن نفسي شي طبيعي كل طلعه اخذ معاي خدامتي لانه ولدي صغير ويبي له مجابل بالمقابل حتى المطاعم لازم تكون

معاي فيها سواء مطعم رخيص غالي الي اهو المهم راح تكون متوجده معاي وعلى هلاساس لازم تاكل معاي نفس الاكل :nocommint:

فحبيت اعرف منكم هل توكلونهم نفس الاكل لانه بصراحه شغله مكلفه مو بخل لا والله بس لو بتفكرون فيها اكلها بيطلع اكثر

حتى من معاشها !!! عن نفسي اقل شي اطلع 3-4 طلعات بلاسبوع وطبعا اذا باكل فاست فود مو مشكله الوجبه بتطلع

دينار ونص عليها بالف عافيه بس المشكله اذا رحت مطاعم غاليه اقل وجبه باخذها لها 5 دنانير هذي اقل وجبه وانا ملزومه

فيها ملزومه اوكلها ونفس اكلي ولما :flower: اقول حق امي ميخالف لاتاكل نفس اكلنا خل تاخذ لها وجبه فاست فود

ماترضى تقول هذي ادميه حالها من حالنا اوكي ماقلنا شي بس لو بحسبها اقل شي اكل 3 مرات بمطاعم كشخه بلاسبوع

وغير الفاست فود الي مجبورة اشتري لها حتى اذا باكل بالبيت :rgewrg: لانه على قولتها هذي نفس وادميه اوكي ماقلنا شي بس جذي اكلها بروحه بيصير فوق ال60 يعني حتى اكثر من معاشها!!!

فالي بعرفه منكم هل انتوا تسون نفس الشي وهل فعلا انا اظلمها لما مااوكلها من نفس المطاعم واخليها تشتري فاست فود؟؟؟!!

لانه بصراحه الموضوع صار يضايق وانا اغلب طلعاتي مع امي وحتى لو بدش ستاربكس اشتري لي شي تقولي حرام اشتري لها لو عصير !!!​

 

[قمر وخدودها عسل]

هذا آنا قبل الحين لا 00 احنا مو قاعدين على بنك بس ترا برضو مدلعتها0

 

[رنة جرس]

هذا شي يرجعلج حبيبتي تبين تطلبيلها نفس الاكل اللي تاكلين منه او فاست فود شي راجعلج يعني مو ملزومه تشترين لها نفس اكلج بالضبط المهم إنج ما تستأثمين فيها وتموتينها يوع تشتريلها اكل يسد يوعها

 

[للزين هيبه]

:sfg:لااااااا



انا مااحب اخذها معااي مطاعم


مادري احس غلط



..؟؟!!



بلله انا مشتهيه شي غاالي



ومامعااي فلووس او مو ملزووومه اعطيها معااشها واطلبلها بعد





حلوووه هذي




تخيلي رحت مطعم ابي اطلب اكل غاالي نفسي فيه

وطلبتلها شي رخيص



ووصل الطلب




:s141:




وحط اكلي جداامي

ووجبتها جداامهاا






من داخلها بتشوووف اكلي وبتحقد



:eh_s(12):





وبتعطيني عيين برجع اكلي كله







:cxxxp:




لا يبا اذا بطلع بنتي




بهاليووم اتعشى بماكدونلز بيتزا برقر





اماا بااقي الايام افضي نفسي واطلع اتعشى بأي مطعم ابيـه :O_SHH_:




وبس


مو مجبووره كل مارحت انقلها معااي جنها مديرة اعماالي



تقبلي مرووري خيتوو​

 

[mafio98]

مشكووووووووورين كل اللي ردوا والله حدكم ونستوني بس بالنسبه لي مجبورة اطلعها معاي لان ماحب اخلي ولدي عند احد وبالنسبه للمطاعم والله كل مكان معاي حتى اذا كنا متغدين وبنروح نحلي لازم اطلبلها معاي لان امي تقول حرام نفس وتشتهي والخ وانتي تظلمينها جذي!!!!!

بس اشوه ريحتوني الله يريحكم لاني صج ماني عارفه شسوي

 

[الشيخه ام شيخه]

رد : الخدااااااامه + المطاعم = بليز رايكم يهمني

انا عن نفسي لما اطلع طلعة فيها عيالي ما اروح اماكن غالية لأنهم يهال صغار و يبون يلعبون واغلب اماكن اللعب إللي للأطفال يكون يمها مطاعم فاست فوود فآخذ للخدم وجبات معانا نفس الشي

بس إذا بروح مطعم غالي وابي اقعد واستمتع بوقتي مع زوجي بصراحة مو مال لا يهال ولا خدم مو عشان الفلوس لا والله عليهم بالعافية بعد الخدم غير انهم ارواح و بشر لا تنسين ان عيالنا بيدهم يعني هم لازم بعد نكون زينين معاهم عشان لا يحطون حرتهم باليهال الله لا يقوله ان شاء الله بس حلات المطاعم السنعه بلا صيحة يهال ولوية خدم بس انا و ريلي :friends:

واليهال اوديهم عند امي ان كان ويك اند اما ايام الاسبوع فما نروح إلا معشيتهم و منيمتهم تالي اطلع وآخذ راحتي وما احاتي اليهال لأن اسم الله عليهم يكونون نايمين وراهم فزعه من الصبح حق الروضة و الحضانة

​

 

[ام الدرر]

حبيبتي
حتى لو بتطلبين لها من مطعم رخيص وبتاكلون بمطعم غالي
شلون بتخلينها بمطعم وبتقعدين مع امج بمطعم
او بتشترين لها وجبة وبتاخذينها معاج المطعم اللي بتاكلين فيه <<<<<المطعم الثاني مايرضى
او بتوكلينها اول وعقب بتدخلون مطعم تاكلون وهي تقعد تطالعكم
كل اللي فوق ذوقيا غير مقبول
حبيبتي الحلول الثانية وايد
طلعه من ال3 بالاسبوع اخذيها وياج يعني تكونين عارفة انج بتطولين عشان تمسك ولدج
والايام الباقي اما تخلينها وتاخذين ولدج وياج
ما اعتقد بياذيج ساعة او ساعتين
او تخلين طلعتج حزة نومة ولدج وهي تكون عنده
او تخلينه ببيت امج منها خدم امج يكونون موجودين
واخيرا
اللهم لاحسد طلعتج 3 او 4 مرات بالاسبوع
ميزانية عليج حتى لو انتي وامج
ممكن تستبدلينها بقعده عند امج وتطلبون خفايف بالبيت ​

 

[frketa1]

عذرا يعني بس انا استغرب من الحريم والله شالسالفة ولد واحد مو قادرة عليه كل طلعة رازة الخدامة معاج خليها بالبيت واخذي ولدج وانتي جابليه شنو هالامهات مالج خلق ولدج كلش مو متحملته يعني انا كل ما طلعت اشوف وحدة مع زوجها وبيبي واحد ووياهم الخدامة اشدعوة اثنينكم مو قادرين عليه شنو هذا وين الخصوصية بتطالعج بالاكل وبكل شي تشترينه وتدخلين المحلات وتشترين ملابس يمكن تدفعين بمحل واحد كثر معاشها شهر كامل عبالج ما تشوف ترى عندها مشاعر تودينها اماكن تشوف كل شي وما تقدر تشتري خليها بالبيت تطبخ لها اللي تبي وطلعي انتي وامج وولدج واخذي راحتج بكل شي مو بس بالاكل، الا اذا بتروحين العاب وبعدين بتطلبين وجبات سريعة اخذيها مرة ولا مرتين بالشهر كافي وهذا رايي وياريت ما تزعلين بس انغث الصراحة من هالمنظر بالسوق

 

[ساندريلا]

انا مااحب اطلعها معاي احب تكون طلعتي اسريه مع ان عيالي اسمالله عليهم شيااطييين
بس بعض المرات اظطر اطلعها معاي خصوصا اذا تعبانه ومالي خلق حنة اليهال اغلب شي اطلب لها مع اليهال فاست فود
اذا بوديها معاي المطاعم الغاليه هذا بروحه يعتبر مصرف ثاني حبيبتي لاتزعلين بس انتي وايد مدلعتها

 

[mafio98]

بنات كل الي ردوا علي مشكوووورين بس بالنسبه للي قالوا ليش تاخذينها معااااج انا ماحب اخلي ولدي عند احد ولا اامن اصلا اخليه عند اخد غير هذا اغلب طلعاتي مع امي ولما اطلع سوق والعاب ومطعم مو اقل من 4-5 ساعات وولدي بوسنه وجم شهر وشي طبيعي اخذها معاي اول شي اسم الله عليه حنه وتوه بادي يمشي فلازم احد يركض وراه ومو معقوله انا براكض وراااه !!!!!! غير هذا وانتوا بكرامه دخلته الحمام وتبديله كلها عساره بعساره يعني مستحيل مااخذها بطلعاتي الطويله واغلب طلعاتي طويله!!!
فخلاصة الكلام لازم تروح معاي المطاعم الغاليه والرخيصه بس هل انتوا تحسون ان في ظلم او غلط اذا طلبت لها من مطعم عادي وانا كليت فمطعم احسن من؟؟؟ ولا هذا شي عادي لانه بصراحه مابي اخذ ذنبها

 

[أوتــار الهــوى]

رد : الخدااااااامه + المطاعم = بليز رايكم يهمني

أنا ماأحب آخذها معي
شتبي تطلع معي تراقبني وتراقب زوجي وتراقب أكلنا وسوالفنا أنا طالعه أستانس
مو كفايه إنها مراقبتني في البيت ومو ماخذه راحتي منها بس علشان الضروره جبتها

 

[Alia]

اذا بطلع الصراحة ما اخذها معاي ما ابي اتعود واعود بنتي عليها ... سهالات جربي مره يمكن ترتاحين من واحدة مجابلتكم ! انا مره طلعتها معانا مادري مارتحت

لكن للامانه اذا مرات بنطلع انا وخواتي وعيالهم وخدمهم اخذها تغير جو وتستانس هم اهي روح تبي الارواح واطلب لها وجبة معاهم

 

[أم حمودي**MALL**]

ولا خدامه تستاهل كل هذا نصيحه اخذيها مني لا ادلعينها زياده عن اللزوم
ولدج بوسنه حطيه بالعربانه وربطيه وعوديه يقعد مكانه ترى بعد صغير
واذا رحتوا المطعم طلبي كرسي الاطفال وهم خل يقعد فيه مو معقوله جذيه لازم تعودينه
ميخالف تحملي تغيير البامبرز واللويه ولا ترزينها معاج بكل مكان ترى هالخدم ما يبين بعينهم
وفي شغله انا مستغربتها من امج؟!
اشدعوه حتى ستاربكس تاخذينلها نفسها فيه؟!
اسمحيلي بس ماله داعي كلللللللللللش

 

[Hello_kitty]

حبيبتي انه بعد اعيالي صغار واحتاجها معاي مرات تاكل من نفس المطعم اللي احنا قاعدين فيه وتكون طاولتها يمنا علشان ما اقدر اقعد معاها
ومع زوجي بنفس الطاوله...ومرات اذا معانا بالطلعه اكثر من خدامه يعني خدامتي الثانيه او خدامة اختي اعطيها الفلوس بيدها واقولها اختاري
المطعم اللي تحبين واعطيهم بحدود 5دنانير يكفيهم يطلبون من بيتزا او اي مطاعم وغالبا يفضلون ماكدونلز ويستانسون لما يقعدون ياكلون وسوالف مع بعض واكون انه عيني عليهم يعني مو قاعده بمطعم بعيد عنهم واروح وارد عليهم والباجي ما اخذه منهم لووشنووووو اقولهم خلو حقكم

يستانسووون والحمدلله بجذي لا ظلمتهو ولا خليت شي بخاطرهم وبأعتقادي هذا انسب حل

وعلى فكره ترى هذي طريقتي حتى لما تروح معاي الجمعيه لازم اخليهم يختارون شي يحبونه يا كاكاو يا برد غير احتياجاتهم الشخصيه

واشتريلهم الأشياء اللي يحبونها مثل النودلز والنسكافيه لأن اهم نفس ويفزون ويشتهون مو معقوله بكود العربانه بكل اللي نبيه واهي تقعد تطالع حراااااااااام

 

[ام دودو المزيونه]

اغلب طلعاتي مع اعيالي بدون الخدامه عادي سهالات وانا عندي اثنين كله معاي بدون خدامه والله اريح حتي ولدج تري اصغير بالعكس ما ياذي ربطيه بالعربانه وجهزيله العاب تونسه وتلهيه وبالمطعم حطيه علي كرسي اليهال وبعديه عن الطاوله اشويه علشان لا يتل امواعين المطعم ويحوسكم
انا الخدامات مرات قليله اخذهم معاي حتي فرايدز دخلتهم معاي بس بطاوله جانبيه ويطلبون علي راحتهم بس مو كل مره و اصلا يرتاحون بالبيت بدون صيحت اليهال وياكلون علي كيفهم

 

[sunshine22]

رد : الخدااااااامه + المطاعم = بليز رايكم يهمني

شحقههههه

مااخذها لو شنو عقب اعيونهم يامال البطططططط

البيت واخلياحد معاها من الصغار عشان تلتهي فيهم

 

[حرم_طيار]

رد : الخدااااااامه + المطاعم = بليز رايكم يهمني

البنات كفوا ووفوا

 

[aṕriliå]

رد : الخدااااااامه + المطاعم = بليز رايكم يهمني

صعبة تاخذينها مطاعم غالية


يعني يكفي ان البوفية المفتوح للشخص 10دنانير

 

[baby johnson]

ماله داعي حبيبتي تطلعينها كل الطلعااااااااات
واذا عندج طلعه فيها مطاعم غاليه لاتاخذين ولدج اساسا خليه ابيت امج معاه الشغاله
صج مصرف وهم حرام نقول عينهم باالاكل

 

[Q8tya_GirL]

رد : الخدااااااامه + المطاعم = بليز رايكم يهمني

انا الصراحه بعض المرات ما اقدر اخلي اعيالي اخذهم معاي واسم الله عليهم اصغار
ومايقعدون بس براكضون ويبون يلعبون فاطلع انا وريلي وحتي لو معاي اهلي اطلب لها سواء من مطعم غالي او رخيص نفس ما اكل اعطيها حتي لو اطلب من ستار بوكس اطلب لها اهيه بشر ولها نفس تشتهي فما اقدر ما اعطيها