الخبيره بسوق الرياض تدخل وله دعوه

[ام معدي]

مساء الخير بنات الله يعافيكم زواج اختي بسعوديه وخوي لزم نشتر اغرض العروسه من اسوق الرياض ابي احسن اسوق برياض زوج اختي ربع ايام العيد فديتكم ردو علي بعد سبوعين ابي اروح لسعوديه ونصوم برياض:yaaaaaarb:

 

[سنا الكويت]

اب

اب

اب

اي وانا بعد ابي اعرف عن سوقت الريااض

 

[الواثقه.]

ياهلا والله

عندك المجمعات

حياة مول - خريص- العليا - صحارى - العثيم فيه فرعين وحد بخريص والثاني مدري - المملكه-الفيصليه -غرناطه - الرياض غالري-

انصحك بالرياض غالري والعليا يعني اذا تبغين فساتين اعراس عندهم

وان شاء الله تلقين اللي تبغين واذ كان ودك بحاجه معينه ولا تدرين وين اسالي الحريم اللي بسوق مراح يقصرون معاك

 

[miele]

للرفع

اي والله ودنا نعرف عن اسواق الرياض اكثر .. عشان نسيّر عليها

 

[عروس الرياض]

وش تبين تعرفين وأبشري من عيوني

حددي طلباتك

 

[انوثتي اهم شي]

عندك بانوراما توه فاتح بصراحه جامع كل شي ماركات عالميه وماركات عاديه
وعندك الرياض جاليري
صحارى وحياه مول <<<هذول قبال بعد بعض يعني يوم واحد يكفيهم
الفيصليه والممكله
غرناطه
سنتريا مول بالعليا مع تقاطع التحليه كشششششخه مرا وماركات عالميه كله وعندهم قسسم فساتين <<فيه ماركه كارتر
ومركز نجود مررا حلو وهذول راقيين اللي هم نجود وسنتيريا يبي لهم فلووووووووس بس شغل راقي وفخم

وانتم دامكم بالكويت جوهزا لين تخلصون المهم لانو اسواااااق الرياض زحمه وازعااااااااج مو طبيعي وغالي واكثر اللي فيها يجون الناس يتمشون وتيعششون وخلاص وهم اللي يسببون اللازعاج

<<ولاتفوتك ممكله المراه فيها محلات مرررررا حلوه وفيه محلات عبي هناك محل عبايات لوحده شيخه كشخه وراح تلقينها بمحلها وعسسل وذوق وتسوي لك تخفيض
واي استفساااااااار ي روحي انا مستعده لعيون بنات الكويت والله يوفقها يارب

 

[ANOoOo]

حبيبتي الرياض ماحددتي وش تبين بالضبط ووش نوع التجهيز يعني غالي او معقول ماركات عالميه وغاليه او عاديه

عموما
المملكه والفيصليه وسنتيريا ونجود ومحلات العليا ومجمع العجلان تحته محلات وعماير السيركون ذولي غاليات وكلها براندز
والمملكه والفيصليه فيها بعد محلات معقوله وشوفي مملكه المراه فيها محلات حلوه ايميلو بوتشي
فيه محل اسمه فيمنن في مملكة المرأة يجيب بضاعة امريكية وفرنسية مره حلووة وتجنن اشياءهم وعندهم اشياء لفالنتينو وارواب فخمة وفيه محل لابيرلا في مملكة المرأة بعد ويجيبه السواني حق الفيصلية بس سكر السواني اشياءه فخمة وغريبةةةةةة والأسعار فوق الألف.
باقي محلات اللانجري المعروفة عندنا لاسنزا وطقتها
بس نصيحتي انو ماتكثر لانجري ماركات حتى لو كانت بتاخذ أمير او غيره لان الرجال كلهم من رئيس دولة الى موظف في كابينه مايهتمون بذيك اللحظة بالذات بالماركة اهم شي لانجري يحلي جسمها ويطلعها مغرية.
والفيصليه تحت كلها ملحلات ماركات جوسي و وكثير missoni
وبعد فيهم محلات للمجوهرات وشوفي قدام المملكه محلات مجوهرات شارع كامل محلات عالميه وبعد محلات لبنانيه وفيه اشياء اصاحبها سعوديين بعد
وفستان الزواج عندك بروفانوس احبه ناعم لفساتين الزواج وعنده سهره وفيه رهيد بعد على نفس صفه المملكه
وشوفي النمر فوق بعد مجوهرات عنده تجنن
وحياه مول بعد كبيرررررررررر وبتخلصين اغلب الاشياء من هناك ان شاء الله وبعد فيه محلات كثير مجوهرات
وبعد لاييفوتك محلات العود اللي عندنا تحبونها انتم
اجمل الماجد وملك العود وسيد جنيد والقرشي والشرهان الصفوه باسم القاسم هذا عطور بالاسم وانتي تركبين الريحه وعموما فيه سوق كامل للعود يمكن ماتعرفونه اسمه المعيقليه هذا بالجمله اغلب محلات العود اللي برا لهم فروع رئيسيه هناك بتلقين المداخن وعلب العود والمخلطات والعود وكل شيء
وجنبه سوق شعبي اسمه وشيقر هذا فوق كله محلات مفارش عرايس وسجاجيد على الطلب حلو بعد
شوفي روحي اجمل اللي بالفيصلية... فيه واحد هندي اسمه عبدالرحمن هو اللي يعملك الخلطات قدامك وتشمين عينه اذا عجبتك يسويلك قدامك تولة او اكثر زي ماتبين...
قولي له ابغا اشياء للعروس والجسم والمناطق الحساسة
تراه جني يفهم كل شي
فيه مخلطات يسويها على لوشن حلوة
وفيه زي المسك يخلطه مع شي ثاني يطلع يجنننن
صراحه محلهم مليااان
والحلو انك تحددين تبغينه مركز زي دهن العود او تبغينه بخاخ مخلط يسويه لكانا اخذت مشكل اشياء كذا واشياء كذا
اتذكر اخذت مخلط اسمه الامراء رسمي مره وقوي

اذا تبغين مخلطات جاهزة... روحي الصفوووة...
انصحك برقم 200 تجنن مميززززة مستحيل تكونين شميتيها بمحل بره.
اذا تحبين اشياء بنكهات تحصلينهم عند نكتار فيه كريم وباودر بالفراولة طعمه يجننننن والباودر فيه جلتر خفيف وشوفي اللاين حق برايد كمان حلووو
وبقشان عندهم مخلط اسمه بقشان روعه انا شميته مع بنات انهبلت ابيه ريحته تجنن وتبقى بالجسم فيه منه رجالي ونسائي النسائي احلى اهدى تركيز كلهم نفس الريحه بس الرجالي قوي يصدع والنسائي قوي بس اهون شوي ريحته تجلس باللبس حتى بعد الغسيل

نرجع للملابس
بعد لو تبين اشياء حلوه تمر رباعيات وفيه مول لوكالايزر بالتحليه فيه محل اوت لت يمكن تلقى

نسيت فيه سوق طيبه هو مو مجمع بس حتى الطبقه الراقيه يجونه عندنا محلات الذهب والالماس هناك شيء خيال وفيه محل العالميه اطقم وساعات عالميه مستخدمه لو حبت تشتري استخدام نظيف يعني رولكس ممكن تاخذينها بحدود 14مثلا

اممممممممم
في مول رويال مول هذا عنده محل نمارق وبعد له فرع بطريق الملك عبدالله هذا ارواب واغراض الحمام فوط وغيرها ومفارش وحتى مفارش الاسره
وفيه محل الجارالله بالعويس والملك عبدالله اظن للارواب والمفارش روعه
وبعد
العليا مول الاندلس اقمشه العليا مول بعد احسن
والعليا مول فيه واحة الجلابيه قمصان نوم واطقم اسره ومفارش وارواب وملابس جلابيات وبنجابي
كثير بس ناسيه بالضبط مولات كثير عندنا محل مغلق اسمه فانتيل روحي له يمكن يعجبك في شيء
وعندك مصممات مثل وفاء الميمان له محل تعرض فيه
فيه سوق اسمه شارع السويلم اي تكسي يوديكم له هذا لو تبي استشوار وادوات قطن لفافات كريمات جسم شاور جل واغراض الحمام وهالاشياء باسعار الجمله يبيع عطور بس ما اثق هي اصليه او لا بس الاشياء اللي تقدر تشتريها شامبوهات وكريمات واعواد اذان وقصاصات وهالاشياء اللي لازم تكملها مدام جايين ان شاء الله خليها تخلص كل شيء وترمي همه
تعبت بس لو تحددين لي وش تبي بالضبط وتقريبا الاسعار

ومبرووووووووك الله يوفقها ويسخر لها
ترى انا مو متزوجه بس دايم اجهز مع البنات فا عندي خبره
دعواتك الله يجمعني باللي في بالي بالحلال

 

[قآنون كيفكـ!!]

انا بعد بجهز من الرياض

ابي اسعار متنوعه ماركات ومعقوله ..

 

[عيوني مودي]

البنات ماقصرانصح لاتطوفين عثيم الربوة جامع لكل الماركات فية ماركة موب موجودة الىلا فية وفي جدة والحياة مول
وللشناط والجزم روحي الرياض مول اتعب وانا امدحة الشناط اسعارها معقولة بين ال300 وال50 ريال والاكسسوارات عندة تطير العقل واسعارها تجنن والله يوفق

 

[ام معدي]

الله يوفقكم صدق انكم بنات ولا في الحلام ووووو فديتكم الله يرزقم ازوج الصالح وذريه ويوفق كا من ردات علي التوفيق البمارك ويصخر زوجه له اميننننننننننننننننننننننننننننننننننننننننننننننن والله انكم ذوق ورقه والله اني لدعيلكم في مكه اذ رحت عمره

 

[ام معدي]

ابي محل لعبيات كشخه ومهي غاليه لن مهره سبعين الف سعوديه وطا ربسم الله الرحمن الفلوس بسرعه تطير وبي احسن مشغل لعروسه

 

[عروس الرياض]

للعبايات طيبه في شارع العليا العام

 

[@سعودية وأفتخر@]

مشكوووووووووووووورااااااااااات يابنات الرياااااااااض ماقصرتوااااااااااا

 

[@سعودية وأفتخر@]

ابي محلات العبايت الكشخه ----وابي الشناط والنعول حلوه وغريبه---وابي الملابس الداخليه

وابي مفارش للعرايس ابي اماااكن حلوه وراقيه واسعارها معقوله؟؟؟؟؟

واذا تعرفون محلات تبيع بدلات أنيقه

 

[يالبيه 17]

العليا مول
صحاري مول
حياه مول
المملكه
مارينا مول > في محل فوق حق مفارش ماعرف اسمه
الرياض جاليري
الفيصليه
طيبه < في محلات عبي

 

[..~Goolz]

ما قصرو البنات

 

[roo7 Naseha]

ما قصصصصصصصصرووو البناات

وان شااءالله بعد اناا بسسسير عليكم يالعاصمه

وبجهزز من هوونيك

...​

 

[عروس الرياض]

حياكم تشرفونا :eh_s(7):

 

[الحــور]

اب اب

الله يوفق أختج يارب

 

[jojo493]

الله يحييكم بالرياض .. تشرفونا وتنورونا .. ياهلا والله وسهلا
الرياض مترووووسه اسواق . مابين اسواق ماركات واسولق عادية واسواق شعبية
و اسواق سعر الجملة
اسواق سعر الجمله اللي هي :
شارع السويلم ( عطورات فيه عندهم محمود سعيد محل ثقه بالعطور وعندهم مصباح و مي ومحلات كثيره ، بشكل عام تحصلين فيه عطورات مكياج ادوات ابشعر وممكن تحصلين الفناتق حق البيت وشغلات خفيفة والعاب الاطفال

شارع السباله للاواني المنزلية .. كلللله اواني واجهزه مطبخ ،، فيه محل رخييييص ومتروس مواعين حلوه ، نسيت اسمه بس مكانه بعد محل الشعلان تمشين شوي ثمين يجي شارع ضيق عاليسار يدخلك للحاره بس طلي يسار بهالشارع بتشوفين هالمحل وبالماريه عتبت بابهم له درج

شارع المرقب : اظنه بحي البطحاء اشهر حي للبضايع زينها وشينها
هالشارع تلقين فيه الاكسسوارات والشنط تقليد درجه اولى بسعر رخييص
صديقتي خذت منهم ساعه ب200 ريال ، ولقتها بالسوق فوق ال 400 ريال
وخذت طقم اكسسوار من سنتين تقليد لماركة نسيت والله اي ماركه وكان سعره معقوووول حدا
وتقول له سنتين على لمعته وثقله وموضته ماراحت ودايم اذا لبسته يسالوني الحريم عنه

اما الملابس الداخلية والقمصان والبجامات .. عندكم مركز الهرم .. هالمحل يأست من كثر مايقلد الماركات بشكل فضييع
وهو حظ بصراحه مره تروحين وتلقين عنده ملابس داخليه راااااقيه و مرة تلقين خمام ،، حظ ونصيب ذاك المركز
وله فروع كثيره بالدائري الجنوبي ( جنوب الرياض ) وشارع سعد بن عبدالرحمن شرق الرياض وبالعليا وغيره

اما محلات الماركات وكذت فماقصرو اللي قبلي كفو و وفو

والمشاغل ،، اهم شي لا تروحين لمعالي .. كل العرايس يخلونهم يتشابهون .. تحطيم بصراحه
والله اني من اشوف العروس ادري انها مسويه عند معالي
اذا زواجكم شرق الرياض اقدر اقول تروح لمشغل شيفون او ازهار الخميلة او او
واذا هو غرب بعد نحدد لكم مشاغل قريبه من القاعه واذا هو جنوب او شمال
الافضل تاخذون فندق ومشغل قريبين من القاعه لان الرياض زححححححمه وكبيرة