الخبيرات بنزول المشيمه بليز ساعدوني

[وافية*]

السلام عليكم
حبايبي شخباركم
انا عندي مشكله بس والله موعارفه هل هي خطره علي وضعي ولا عادي
انا داشه الشهر السابع حاليا
قيل جم يوم نزل معاي اكرمكم الله دم احمر بعد الجماع:eh_s(16): والدم لي ثاني يوم الصبح
لمارحت الطبيب سوتلي سونار جان تقول المشيمه نازله لازم ترتاحين ومافي جماع:eh_s(1): وبس وقف الدم الحمدلله بس كله احس بثقل موطبيعي واتعب بسرعه من المشي:eh_s(11): فياريت تطمنوني جزاكم الله خير
للعلم انا ساكنه الدور الثالث وماعندي اصنصير ويوميا انزل واصعد مالا يقل عن 4 مرات :eh_s(14):فهل هالشي ياثر؟؟؟؟
ومشكورييييييييييييين​

 

[noo7a]

نفس حالتي ساكنه بالدور الثالث و ماكو اصنصير :\
الثقل و التعب هذا بلش معاي من السابع نفسج
و بالنسبه للمشيمه
حاولي هالفتره ترتاحين و تقللين من الصعده و النزله لمن ترجع تاخذ مكانها الطبيعي
وانشالله ماكو الا كل الخير
والله يسهل عليج

 

[Last Kiss]

حبيبتي انا اذكر بحمالتي ابنوتي مشيمتي نازله من بداية حملي لي الشهر السابع و
سبحان الله بشهر الثامن ارتفعت لاني ايست وما فكرت فيها لان طون الاشهر احاتيها وارتاح وحالتي حاله
وبالسابع نسيتها وخليت حياتي عاديه وارتفعت ترا لازم الرااحه النفسيه ولا تفكرين فيها ترتفع وكثر الاستغفاااااااار والله
يسهل عليج وترتفع ياارب

 

[اسأل ضميركـ]

انا نزلت بالشهر الرابع وكنت احس بثقل من تحت بس من بديت انسدح على ظهري وارفع رجولي وريحت نفسي على الاخر ارتفعت ولله الحمد


حبيبتي يبيلج راحه وخلي نزلتج وحده وصعدتج وحده او روحي ريحي عند اهلج على الاقل اسبوعين ثلاث وان شاءالله ترتفع ..

 

[lolowa]

انا نزلت بالشهر الرابع قالتلي الدكتوره ارتاحي ومافي حركه وعطتني الدكتوره ابره كل اسبوع لي اول سبوعين من السابع والحمدالله

اول ابره خذيته يوم المراجعه وقالتلي تعالي المراجعه ابيايه راح تشوفينها مرتفعه والحمدالله كلامها صح* والابزه هذي ابرة زيت اتثبت واترخي الرحم ماتخليه يصير في تقلصات وتنزل المشيمه ولا ليج طلق وااايد مريحه

 

[عضـــــوه]

حبيبتي ديريبالج على نفسج اخذي اجازه ولاتطلعين من البيت تراج لازم تعنين بنفسج لانهملين روحج وتصيرين نفسي

حبيباتي انا بالسادس عندي المشيمه نازله حيل لدرجه انها مغطيه عنق الرحم منو صارلها مثلي وارتفعت بشروني عساكم على القوه

ونوموني حالياً بالمستشفى لي الشهر التاسع الله المستعان

اسألكم ان تدعولي ربي يفرج همي ويقومني والبيبي بالسلامه*

 

[عضـــــوه]

اختي لولا منو دكتورتج بسالها بحالتي تصير هالابره

؟؟؟؟؟؟؟؟؟؟؟*

 

[ملكـ الاحزان ـه]

السلام عليكم
انا بالشهر الثاني نزل معاي شي لونه بني وكنت احس في شي نازل رحت المستشفي خذولي سونار واسمعو دقات القلب قالو مافي شي طبيعي الجاهل بنفس الوقت رحت حق دكتورتي بالعرف قالت نفس الكلام مافي شي يمكن الرحم يضغط ضليت اسبوعين ينزل معاي بعدها نزل دم وايد ورحت حق دكتورتي بالعرف جان تقولي المشيمه نازله ولاتحركين كله انسدحي علي ظهرج ورفعي ارجولج واستمريت علي حبوب وابر تثبيت والحمد الله الحين انا بالشهر الرابع واخذت مجلس طبي

 

[خبيرة اعشاب]

حبيبتي الافضل ترتاحين ها الفترة عشان ترتفع
انتي ولاداتج قبل عمليات و لا طبيعي ؟

 

[فاقده ابوهاااا]

انا مشيمتي نازله وشوي امريحه وتراني مثلج احس بثقل واحس ان باي وقت الياهل بيطلع بس قاعده اريح كثر ما اقدر

 

[جديده 1]

نصيحتي لج اخذي اجازه و ارتااااااحي راحه تامه يعني ماكو صعده و نزله او روحي لبيت اهلج عالاقل شهر و ممنوع الجماع منعا باتاً لين ترتفع ترى مو زين ترى مابقى لج شي و تولدين احرصي على نفسج

 

[نارنجه]

الدري مو زين
لازم ترتاحين حتى شغل البيت ماتسوينه و كله نائمه على ظهرك و رافعه ريلج

اقري المعوذات و ادعي رب العالمين ان يتمم عليج وماتشوفين شررررر


اختي عضوة
ماتشوفين شر يارب
الله يتمم حملج على خير و تقومين بالسلامة انتي و البيبي
وان شاء الله ترتفع المشيمة وتاخذ و ضعها الطبيعي عاجلا غير اجل

 

[وافية*]

جزاكم الله خير والله انا ماداومت للحين لاني احس بتعب حيييييييل ومالي خلق عالدوام وانا مدرسه للاسف
بالنبه لابره التثبيت لماكنت بالرابع انا اصلا طحت على ظهري وحاشني نزيف وعطتني ابره التثبيت اللي قالت عنها الاخت اللي نفس الزيت وعطتني تحاميل تثبيت لمده اسبوع وبس الحمدلله وقف الدم بس الثقل وعوار الظهر ماراح والحين بالسابع قعدت 3 ايام بدون خدامه وتعبت بشغل البيت يمكن هالشي اثر علي الله يستر ويثبت حمالنا كلنا يااااااااااارب

 

[قمر الكويتية]

أنا مره صارت معاي من أول حملي قالت لي الدكتورة المشيمه نازله،، وقالت لازم راحه تامه و ماتصعدين سلالم
و الحمد لله كنت مريحه علي الآخر ما أقوم من فراشي ،، بس ما أخذت مرضيات كنت أداوم

وكانت الدكتورة تعطيني مرات حبوب مثبته و مرات أبر ،، لماتقريبا السادس خلاص و قفت كل المثبتتات ،، و الحمد لله
كمل حمالي لما التاسع
و فعلا كنت ما أقدر أمشي أتعب ،، و دايما أحس بثقل تحت يمكن من المشيمه ما أدري

بس إلي عليك جهزي كل شغلك و أغراض الولاده و ريحي ،، و تأكدي إن الله بيختار لك الوقت المناسب للولاده