الخبيرات بالتوفير النجده هيلب

[%F&R%]

هااااي حبايبي شلونكم انا عندي مشكله واهي اني افسس معاشي اصرفه ومايبقالي ولا فلس وماقدر اجمع منه ومعاش ريلي بعد نفس شي
انا يبقا من معاشي 500 دينار بعد قسط القرض لان قرضي كبير وتوني متوظفه
ابي امسك ايدي شوي ابي يكون عندي مبلغ بحساب التوفير
تخيلو هالشهر لمن نزل المعاش قبل العيد ان ثالث يوم العيد حسابي صفر دينار
يعني حدي متبهذله
بس على فكره فيني طبع حلو اني ما احب اتسلف حتى لو بموت من اليوع مااتسلف
بليززززززززز قسمولي ال500 بطريقه اني اقدر ايمعلي جم فلس
وثانكيووووووووووووو

 

[جذابه بنت ذيابه]

حبوبه


من صجج مو لهدرجه يعني ..!


شوفي يالغلا مو كل شي تشترينه مثلا شهر اشتري ميك اب و شهر بجايم لج وشهر بدل .. وشهر دراريع
وعطور خففي منهم اشتري ٢ او واحد بالشهر ودشي جمعيه قطيه .. من ١٠٠ واخذيها اخر وحده

و اشتري الاشياء اللي تبينها و حطي مصرف لج عشرين بالاسبوع يعني بالشهر ٨٠. دينار

و اشتري لج حصاله قطي فيها يوميا دينار ..

 

[ام البنات123]

اللبس كل شهر بدله او دراعه حسب ماتلبسين مع الشوز والشنطه وبجامه خليهم مشترياتج شهريا

قسمي بظرف للحلو والمطاعم جم تحتاجين
وظرف ثاني مصرف جيب60

المكياج مو كل شهر بتشترين وهم العطر شهر تشترين وشهر لا

ووالصافي شيليهم

وعلى هالمنوال لين تمسكين يدج

 

[%F&R%]

مشكورين حبايبي ماقصرتو بس انا عندي ادمان على السوق اشتري واكود اغراض ومااستعملهم واخر شي اوزعهم
عجبتني فكره الجمعيه بس اذا استلمتها شسوي فيها

 

[ام البنات123]

القطيه تنفج

لسفره او عمره :eh_s(15):

 

[%F&R%]

ثانكيو ام البنات حبيبتي

 

[اشلون يعني &]

معاشج ٥٠٠
اول شيء اشتري لج حصاله الحديد واحذفي مفتاحها بالزباله
كل شهر قطي فيها ٢٠٠ نهايه السنة تحصلين ٢٤٠٠ مبلغ حلو

المهم
٣٠٠كل اسبوع لج خمسين دينار
جيبي ٤ ظروف كل ظرف فيه خمسين اكتبي الاسبوع الاول الاسبوع الثاني وهكذا
المهم يبقى لج ١٠٠ هذي لج للمواجيب وللبانزين
المواجيب اقتصدي اختاري محلات رخيصة او شغل بيت

 

[ديانا سبنسر]

اب اب

 

[%F&R%]

اشلون يعني مشكوره حبيبتي يبتلي اظرف وحطيت فيهم بس سالفه الحصاله جنها صعبه علي من اول شهر صح اخليها الشهر الياي
وانشالله اذا ظبطت معاي سالفه الاظرف بخبركم نهايه الشهر

 

[%F&R%]

ديانا مشكوره عالرفع حبيبتي