الخبر ولا الرياض؟؟؟؟وشرايكم بطيران الجزيره او الوطنيه؟؟؟

[*peace*]

السلام عليكم ورحمة الله وبركاته

حبايبي اللي راحوا الخبر او الرياض شراااااااايكم منو الاحلى واللي تونس اكثر !!

واكو مطار بالخبر؟؟؟؟الدمام او الشرقيه؟؟

واللي راحوا بطيران الجزيره او الوطنيه بكم التذكره...؟؟وصج انه ايام الضغط يرفعون السعر @@

على فكره بإذن الله النيه 25 و26 فبراير

بليز اللي تعرف تساعدني وجزاكم الله الف خير ​

 

[الماسة82]

حبوبة الخبر احلى من ناحية الجو والطبيعة والاسواق بس شوي غالية معروفة!
واختي توه راده من خبر تمدحها وايد وانا ناوية اروح لها بس ماعندي فكرة عن التذاكر والخطوط

 

[حـلا و ذوق]

بخصوص الوطنية ماتروح السعودية ..

الحين بهالشهر تروح الامارات بس ..

ومن شهر 3 بتروح اول رحلاتها للبحرين وبيروت ..

وبالتوفيق

 

[*peace*]

مشكورين حبايبي

بس اللي سمعته العكس ان الخبر معروفه برخصها واالوالده توها راده مشتريه ملافع رووووووووعه فظيعه ماشاء الله

5 ملافع كشخه وشواروفسكي وغريبه كلهم تقريبا ب26 دينار يابلاش والله !!

بعد بنات بليز اللي تعرف تفيدني ومشكورين ياقلبي اللي ردوا علي ماقصرتوا

 

[فساتين فخمه]

الخبر من ناحية الجو فيها بحر وحلللللوه احلى من الرياض يكفي بحرها
والاسواق اتوقع الخبر ارخص

وحياك الله

 

[الدلال]

توني من ساعتين راده من الخبر

ورحت لها بالسياره لانها قريبه تقريبا 4 ساعات اذا الطريج سالك وماكو زحمه واللي اعرفه ان المطار بالظهران

بصراحه ما توقعت سوقهم حلووو واسعارهم حيل ارخص من الكويت والبحرين والامارات

وماتم شي ما شريته من هناك

واذا تبين اسامي المحلات والسوووقه وشنو اشتريت منهم قوليلي واطرشهم لج على الخاص

 

[سكووون]

هلا والله

المطار في الدمام ..

و الخبر أفضل من الرياض بكثيرررر

يكفي البحر اللي فيها و جوها الطف من الرياض

و اذا على الاسواق موجودة بكل مكان

و عندك السويكت في الخبر اسعاره حلوة مرررة

و المجمعات كلها موجودة بالخبر

الماركات كلها بالراشد .. و أغلب المحلات تلقيها بعد في الظهران مول

و حلاة السفر من الكويت للــ الشرقية بالسيارة .. كلها 4 ساعات أو أقل ..

موفقة