الخاله لزقة عنزروت

[om.aboodi]

السلام عليكم شنو الحل بالخاله النشبه اللزقه لاتقولون ليش وحرام نخاف الله وقايمه فيها قوم وياليت عاجبه طلعتنا مع ريلي وعيالي معانا شاليه معانا سفر معانا وتلوع الجبد حتي رايحه اصور مع عيالي وريلي يت صورت معانا ياناس ياقوم قلنا امكم ماقلنا شي بالعكس شي طيب بس امبيه ابي احس اني مع عايله الرياييل مايفهمون موفعشان عند حموله عيشتي معاهم خلاص الحين مستانسه بالصيف بسافر جان ايي ويقولي حسبي حساب امي معانا انا اشذنبي انزين اهو يعزمج قولي لا وماقدر اتكلم تكلمت قبل بقا يوديني بيت اهلي اهي ماتحس وحماي يسفرها تالي يروح مع مرته ماتبي امه انا ماقلت مابي بس بصراحه اهومسك العصا من النص ارضا الطرفين عطوني حل مايصير كرشل سفره او طلعه اهون تخيلوا اهي تروح معاه عادي ماهمها بس تعبت باخذ راحتي مرة مع عيالي وزوجي ومانقدر نروح شاليه او سفره عشان ميزانيه يحسب حسابها وانا اراعيه واهي تشري قمصان على 100 وفوق وكنا علاج بعد فانا محتاجه راحه بدون حنه شنو الحل يوم علاج قلت له لاناخذها اخاف اقصر معاها وربي قمت فيهم قوم واخر شي حجي يسم وتشيش للريل ابي مرة احس ان ريلي متزوجني ليلحين حياته مع امه يبه ليش تزوجونهم عيل وللعلم قاطعه كل بناتها عن الحموله

 

[ElN00R]

المشكله لو تكلمتي بعد هذي امه

هي ماتشتغل ولا عندها احد يزورها ولا يطلعها؟
عورتو قلبي انتو الثنتين
اذا اجباري وجودها معاج شوفي الايجابيات لا تقصرين عمرج على وجودها برضاج ولا بدون رضاج هي موجوده
خليها تساعدج بالعيال
باي شي اشغليها
حسبت امج

 

[Reelax]

هههههههههههههههههه. ولما قريت حسيتج منقهره من قلب

حبيبتي صج نسمع ام ريلج حسبة امج بس مايحس بالنار الا واطيها.. بعض الزوجات اهي ماتستحمل شي من امه ولو من غير قصد وبعض الامهات الله يهدااهم تعاند على الاقل اعتبريها بنتج
بس ترى صعبه تغيرينها لانها ام الزووج لاتقدرين تزعلينها ولاتقدرين تقولين لولدها حراام

يعني مالج الا الصبر والمسايسه ...
وصج اللي يقهر ان بعض الامهاات مايرضون لبناتهم الشقى ومشاكل الحموله
واهما يستنون الزله على لزوجة الولد ..

انا تكلم اذا سبتج ولا شيشت ولدها ولا تعاندج
اما اذا على روحاتها معااكم عاادي احسن من انها ماتواطنج ولا ظالمتج

 

[قمر بيت أبوها]

يااختي امه والله رحمته امه هذي امه لو يسفرها بروحها مااحد له كلمه يعترض فيها
وتصالحي مع وضعك نصيحه لا تضعين اجرك ولا صحتك عشان ام زوج
قبل تخطبك وتزوجك لولدها هي كانت معاه وهي امه صرت كل ماافتح موضوع عن ام الزوج اشيل هم البر والعقوق
الزوجه مكانها زوجه ويصير يطلقها ويااخذ عليها لانها زوجه
والام تظل ام واللي مايحسب لامه حسابه سفي بوجهه ترآآب عزيزتي الزوجه رحمة زوجك اكيد الآن مايتخيل زوجته شريكة حياته معترضه علي بره بامه وسفرة عجوز افنت عمرها بتربيته معاها لانها زوجه وتبي تاخذ راحتها

 

[غرام القمة]

الله يهديج ويهدي كل بنات اللي مثلج
ويريحك بااااااااالج

 

[فلة قطر]

حرام يمكن هي مرتاحه لج ولريلج

مفروض تستانسن لان لج اجر يعني لو تتفائلين بس

ولو تفكرين هي مب قاعده طول العمر معاكم

انتي احتسبي الاجر واحمدي ربج ماتسوي مشاكل معاكم

 

[ادمنت حبه]

الله يعينج ويفرجها عليج يزوجون عيالهم ويلزقون فيهم مايدرون ان صارلهم عايله برووح ولهم خصوصيه

 

[رانس]

يعني شبتسوين لو طلعتو بروحكم انتي وزوجج وعيالج بتسوين شي جديد اكيد لا يعني طلعتها معاكم ماشوف فيها شي بعدين خليه يبر بامه شفيها مو هي الي حملته وولدته وتعبت عليه اخر شي جايه تقولين هالكلام كيفه امه وكيفه يبي يونسها مايبيها تروح من هالدنيا الا وهي راضيه عليه الله لا يقوله الله يخليها له يارب ويخليه لها

 

[رانس]

ريلاكس شصار على مشكلتج قريت سالفتج ذاك اليوم وانقهرت عليج شصار وياج طمنيني

 

[am faisal]

حرام امة مشكلتها انها متواجدة بس
بالبيت بالشالية وين يوديها
واللة حرام دى غلبانة
ما تشوفين العاهة اللى عندى ءءءءءءءمرت ابوة
ما خلت شى بالقاموس الا طبقتة على دماغى
وجودها وشقاوتها اللا متناهية ربتلى العصبى
مخزنة رقمها بجوالى شرنوبل الهى وانت جاهى تتفرقع زى شرنوبل
واعيد بئة
الااااااااااااااا العنزروت دة بيتاكل
يام عبودى

 

[عروسَة زوجي]

استغفر الله
لا اله الا الله

 

[Reelax]

رانس حبيبتي .. مشكووره على سوالج
للحين حطة ايدج استنى اهلي يردون وتالي يحلها ربج
واهو ملتزم الصمت .. ونزلت موضووع عن التعليق اللي اتوقع بيسوي نفس سواياه اول وبيعلقني علشان جذي بخلي الكبار يتفاهمون

 

[MiSsY HottY]

الله يعينج حبيبتي صراحة اوفر بس شتسوين احتسبي الاجر عند الله وريلج ذهبه لنه شايل امه وان شاء الله عيالج يشيلونج نفس ما ريلج شايل امه حاولي تشوفين الموضوع من منظور إيجابي انها مرتاحتلج وتحبج وعديها حسبة أمج ما تقدرين تسوين شي ثاني

 

[فوفو..]

الله يعين ويعاون ....لاتعليق!!!!

 

[om MaRyooM]

صح كلامج اهي امه وبحسبة امج وجذي .. بس ليش ماتراعي ظروف ولدها! صراحة احس فيها انانية

وبالنسبة للحل اختي يؤسفني اقولج مااكو حل غير انج تقتنعين وتستسلمين

لأن ماتقدرين تحاجينها .. بس قطيلها نغزاات ان الوضع المادي شوي صعب وجذي يمكن تفهم وتحس
وثانيا مستحيل تكلمين زوجج لأن واضح ان يعشقها الله يخليها له فماتقدرين تتكلمين لأن ممكن يطلقج او يغير نظرته فيج


قتلج ماكو الا الصبر
والاستسلام

ولج الاجر طبعا .. عامليها بمايرضي الله واقنعي بالامر الواقع

اتخيل لو اني مكانها اكيد بتمنى اكون مع ولدي بكل مكان

 

[om 7amoodi]

عندنا و عندج خير الله يكون بالعون
شنسوي اذا اهي ماتستحي و ما تعرف السنع انا اسكن و اتحمل لاني سنعه وعشان ريلي بعد لجل عين تكرم الف عين

 

[قموووره]

الله عينج حبيبتي بس ليش ريلج ما يسوي نفس حماج ؟؟؟ ليش ما يوديها قبل
في بعض الخالات فيهم انانيه وتغار من مرت ولدها والله في خالات وايد جذيه اهي مهما كانت لازم يبرها بس عاد لي استعبطت واستلعنت ودج تحذفينها من الدريشه
انا مره ريلي قالي امي تبي تسافر معانا وامه اعرفها دعله وهي وحده تختلق مشاكل بروحها وتخرب بيوت مو هينه بس هم امه ما يرضى عليها وانا مقدره هالشي فقتله خلاص انا بضحي انت اخذ امك وروح وانا هونت ماني مسافره انا ماراح استانس معاها صراحه لان راسي براس ريلي وهو يقولي ماتنام بروحها يعني شنو؟؟انا انام معاها وهو ينام بروحه ميمعه طول السنه عشان اروح اجابل وي امك؟
والله قتله روح معاها من طيب خاطر وانا بقعد بس اللعينه ماتبي تروح الا معاي علشان تنكد علي وهو ماله خلق يجابل امه يبيني اروح عشان اجابلها وهو يطلع بروحه وتكنسل السفره كلها لا رحت ولا اهم راحو
والله فلوسي عندي ومرتاحه بدال ما اسافر لا من وناستي ولا من فلوسي لا وبتدخلني بمشاكل ليش عاد؟؟انتي ماعندج سالفه لي رحتي شاليه طلعي مع اهلج لاتاخذين حتى ريلج مو لازم واذا لازم تسافرين وبياخذ امه اخذي امج عشان تجابلها قوليله حتى امي مسكينه ماعندها احد حرام
يعني انت تبر امك وانا لا ؟؟؟؟؟تغدي فيه قبل لا يتعشا فيج خخخخخخخ*​

 

[انثى عاشقة]

اعرف وحدة مثلك بس هي بكل سفر فقط
مالها خص بطلعاتهم العادية
شي يقهر الصراحة
ماني عارفة شقول لك حل ​

 

[انثى عاشقة]

انا ام زوجي بداية زواجي كنسلنا سفرتنا بسبتها
قطعنا التذاكر
بدت تبجي تقول تسافر بروحك وامك لحالها !!!!
يممممممممممممممة الحين زوجها وعيالها الباقيين وين

فيهم غيرة كبيرة قطع بس ​

 

[سلمى الدلوعه]

اولا : السلام عليكم ورحمة الله وبركاته ..


وبعدين ياحبيبتي اتمنى انك تقبلين كلامي بصدر رحب .. !!! :ggdw:


هذي امه تعرفين وش يعني امه .. !! انتي الطالعه وهي الداخله هي الي جابته وربته
هي الي كبرته وخلته رجال وقد المسؤؤليه هي سهرت عليه هي خافت عليه هي كل شي
امه كل شي بحياته ......................................


ماراح اعد فضل الام على عياله لاني ماراح اقدر اخلص !!!


صحيح الدنيا مافيها خييير كلامك يضيق الصدر ! والله يعين زوجك اذا هذا تفكيرك !
حبيتي ترا الزوجه بداله 100000 زوجه بس " الام " صدقيني وحده ماغيره شي


انتي اسالي نفسك ترضين احد يقول عن امك كذا !! ترضين زوجة اخوك
تكتب موضوع وهي عايفه امك وماااا تبيها !!!! :eh_s(2)::eh_s(2):



الله بس على زوجك وربي ونعععععععععم ونعععم وربي انه ولد صالح ويبر بـ امه ّ


يعني وش المطلوب !!! نشيشك على خالتك !! نقولك ازعلي لاتكلمينه قولي ماابيه
اعوذ بالله بس و العنوان يقههههههههر تمنيت لو انك محترمه ام زوجك اكثر



وهذي تراها جنته وناره !! " الجنه تحت اقدام الامهات " :eh_s(2):


ولاتظلمين حظك بكره عيالك يتزوجون والدنيا دوووااارهـ !!:eh_s(2):

الله لايرزق المسلمين بـ ّ زوجة ولد تتضايق من ام زوجه " امييين " :eh_s(17)::eh_s(17)::eh_s(17)::eh_s(17)::eh_s(17)::eh_s(17):


احترق دمي وانقهرت وكل الي بقلبي طلعته

وتقبلي كلامي بصدر رحب

استغفرالله استغفرالله
فمان الله :eh_s(8):