الحياة الزوجيه

[SARA*]

بصراحه قرأت وايد مواضيع عن الاهتمام بالزوج وحده تكتب صيري لزوج خدامه وهو سي سيد وحده تكتب صيري للزوج 24 ساعه اغراء وقميص نوم و..... وحده تقول عاملي زوجج مثل الطفل وبوسي ريوله و...... مادري احس اذا انت ماحسيتي بملل اكيد هو را ح يمل ترى الرجال يمل من كثرة الاهتمام ومن الاغراء والبس بعد ويصير هذا الشي عادي بالنسبه اله انا ما ابي اتفلسف وايد واطلع بالاخير على خطا فحبيت من هذا الموضوع كل وحده تكتب كيف تتصرف مع زوجها واذا كانت على خطا اكيد في بنات فاهمات والي عايشات حياة سعيده مع ازواجهن يجاوبن ومتزوجات اكيد مو العازبه تقدم نصيحه للمزوجه وماننسى في اختلاف بين الرجال

انا بالنسبه الي مااحب اسمع واقرأ واروح اطبق لان احس هذا الشي مو حقيقي مو طالع من قلبي لكن النصيحه ماتضر ومحد معصوم من الغلط ومادام انا احب زوجي اكيد راح اعرف شلون اوصله حبي واهتمامي ومره صار موقف معاه كان متاخر وتلفونه خالص شحنه وايد خفت عليه بس شفته ظليت ابجي شلون اليهال عاد من يومها عرفني اني اموت عليه وما ابدله بكنوز الدنيا عاد مرات بالضحك اقوله انا مااحبك منو قالك احبك يذكرني بسالفه يقولي متاكد انت تحبيني حسيت فرح باهتمامي وخوفي عليه

نصيحه مني الرجال يحب تكون زوجته خايفه عليه وعلى بيته وعياله وشرفه وحلاله وماله اكثر من تكون خدامه ويصير هو سي سيد
والرجال يمل من زوجته اذا كانت على حال واحد
يوم كوني مثل الطفل وتخافين وتحتاجين حمايته ويوم مثل امه وتخافين عليه وتحاتينه ...يوم كوني قمة الاغراء ويوم عاديه .....يوم تكونين الهادئه والعاقله ويوم مينونه ......يوم يكون بيتج يبرق ويوم يكون شوي عفسه مو وصخ .....يوم تطبخين مالذ وطاب ويوم يكون مالج مزاج تسوين مطارة شاي ...... يوم كوني فرحانه والظحكه ويوم مضايقه ودمعه على عيني ..ساعه كوني معصبه على اليهال وساعه تلعبين معاهم
جذي الرجال مراح يحس بيوم بتقصير منج
بصراحه انا هذا طبعي و شخصيتي وتعاملي مع زوجي والله يهني كل زوجين :yaaaaaarb:

 

[شادن33]

ماشالله عليج الله يهنيج
بالنسبه لي انا اعطي حقه ولا ازيد علشان لايتعود ان كل يوم جي <<<<<<< ريلي من النوع اللي يتعود على الشى اففف
ومثل ماقلتي الرياييل انواع اللي يحب يتدلع يدلعونه
واللي يحب مساج يمسجونه
واللي يحب الاكل اياكلونه
واللي يحب النوم ينومونه ههههه
والله المستعان

 

[ام كوثر2007]

المشكله اللى صايره اختي انه الرياييل ترا كلهم واحد ..

يمكن الناس تستغرب من كلامي .. لكن الريااال واحد ما يتغير


لكن الحريم ما يعرفوون حق الريااال . انا استغرب من اللى تقول ثقلي علي ريلج ولا تعطينه ويه عشان يركض وراج

واللى تقولج صيري غامضه الريال يحب الغمووض

واللى تبي تتفل علي الريال هههههههه استغفر الله ..


انا دايم اتناقش مع ريلي علي المشاكل ازوجيه اللى تصير بالمنتدي وتنكتب


خصوصا اللى ذكرتهم فووق


وريلي دايم يستغرب ورده الوحيد يقولي تلقينها يا انها مطلقه او رفله وريلها يعاملها بالطريقه هذى

والا الرياال لا شافج مهتمه وشايله بيته وشايلته وشايله عياله وصاينته

وصايره له امه وخدامته وبنته واخته وزوجته معقووول بيخونج ؟

معقوول بيكسر قلبج ؟

طبعا لا


لكن من يفهم .. كل وحده تطلع نفسها اهي ما تقصر وهي الكامله والريال اهو الغلط


انا اقول انه الريال علي حسب مرته

اذا كانت بنت حلال ما راح تشوف الا اللى يسرها

واذا كانت انسانه متكبره حتي علي ريلها ما راح تشوف الا اللى يضرها ..


وعسى الله يهدي الزوجات لازواجهم والازواج لزوجاتهم

تسلمين اختي علي الموضوع والله يتمم عليج

 

[انا لحبيبي .]

يا أيها الناس اتقوا ربكم الذي خلقكم من نفس واحدة وخلق منها زوجها وبث منهما رجالاً كثيراً ونساءً واتقوا الله الذي تساءلون به والأرحام إن الله كان عليكم رقيباً " .

كل الناس مختلفه في تصوراتهم عن الحياة الزوجية وتوقعاتهم ومواصفاتهم ، بس الكل متفق على أمر واحد و هو أنهم كلهم بطلبو السعاده في الحياه الزوجيه .

فكل وحده تشوف الراحه وين في حياتها الزوجيه ، وتشوف يلي بناسبها وبناسب زوجها وبيتها وتعمله ، ولا تفكر انه اذا طبقت شي من شخص انه ممكن يزبط معها ، لا ممكن ما يزبط معها ، لانه كل انسان بختلف عن التاني .

الله يهني الجميع يارب ،