الحياة الزوجية في بيت الحمولة

[كشوخية]

السلام عليكم شلونكم بنات

اليوم حبيت اطرح موضوع شفت وايد بنات يشتكون منه واهو السكن في بيت الحمولة
انا ولله الحمد من تزوجت شرطت يكون لي سكن خاص بعيد عن اهل زوجي سواء زينين او شينين
حبيت يكون لي سكن خاص اخذ راحتي واستقبل الي ابيه واكون الأمره الناهية بالبيت
والي اشوفه من حق كل بنت يكون لها سكن مستقل والزوج ملزوم يوفر لها هالشي لان زادت المشاكل الزوجية والسبب السكن في بيت الحمولة وللاسف السلبيات اكثر من الايجابيات وبذكرها لكم الحين :


1 - حياتج مع زوجج مافيها خصوصيه

2- ماتقدرين تستقبلين احد عندج لانه مو بيتج

3- تحسين نفسج دايم تحت المجهر وفي اشخاص يراقبون تحركاتج

4- طلعاتج محسوبه عليج وبما انج قاعده في بيت حموله لازم تجاملين حتى وانتي تعبانه ومالج خلق

5- اي مشكله مع زوجج البيت كله يدري اذا ما على صوتكم بيحسون من طريقتج انتي وزوجج مع بعض

6- اذا صار عندج اعيال ممكن تربيه مرت اخو زوجج ماتكون نفس تربيتج وبحكم ان الطفل مع باقي الاطفال بنفس البيت راح يكتسب منهم اطباع انتي مو حابتها

7- وطبعا غير الناس الي يتحكمون في جنتهم وغيره من سلبيات وايد



اول شيء لا وحده تقول يمكن الريال ماعنده بس الريال ملزوم يوفر سكن خاص حق زوجته

والي بتقول اهله ما يقدر يهدهم اهي هدت اهلها وبعدين اهو ماراح يهاجر عنهم معاهم بنفس الديره

بس وايد بنات اشوفهم يعانون من هالمسأله وابي اعرف رايكم هل من مصلحه الزوجة تعيش في بيت الحمولة والا السكن الخاص افضل

 

[popa]

كلام جميل

 

[حلاه الكون]

طبعا في بيت خااص

 

[Gifts&Occaions]

موضوعج حلو

 

[Perfume]

حبيبتي صح كلامج انه الزوج ملزووم يوفر سكن مستقل بس الوحدة تراعي ظروف زوجها وتحسب حساب المستقبل وهالشي بكبرها في عين زوجها اذا كان يستاهل طبعاً
انا ساكنة مع حمولتي ومرتاحة الحمد لله والايجابيات انه لو بنطلع اكون متطمنة على ولدي عند خالتي
زوجي ماعنده اخوان بس خوات عشان جذي حتى لو بنزل آخذ راحتي
بنتم سنتين تقريباً وان شالله اقل عشان نبني ارضنا وما يسوى نطلع في اجار وتضيع فلوسنا ونتم ١٠ سنين نبني
نصبر هالسنتين ونحصل بيت ان شاء الله

 

[pink vanilla]

اناا عند حمووله

في نقااط صح كلاامج فيه

طبعاا بيت خاص اريح بوووايد

 

[نفديك يارسول ال]

مو شرط كل وحده وظروف زوجها

 

[لمى الهاجري]

المفروض الرجال قبل ما يعرس يامن له ارض او بيت او حتى شقة تاجير

 

[اتمنى اصير ام]

الوحده تعيش بسكن مستقل بعيدن عن حمولتها وعن المشاكل
انا في شقه ايجار وبعد جم شهر بنتقل وبسكن في بيت حمولتي وهالشي مضايقني حيل لان الحين دابحين ريلي من كثر طلباتهم فلو بنسكن معاهم شنو راح يسوون ؟؟ وخالتي احس تغار على ولدها الاهو زوجي مني حيل لدرجه احيانا اقول الناقص اللي ماسوته انها تجي تنام في الوسط بينا
الله يعيني بس

 

[opera]

ساكنه عند حمولتي ومرتااااااحه ولا شي من السلبيات اللي ذكرتيها موجوده

عيب بعض الناس تدور السلبيه دواااره

وليش ما تطالعين الامور الايجابيه
*

 

[لوفيه]

قطيعه متى افتك منهم ورب الكعبه ضيم مو اهل

هم وغم ونكد ومشاكل وعوار راس ابتليت فيهم

الله يصبرني وارتاح

 

[mannawy]

اذا كانت في بيت حمولتها ومدخلها منفصل ممتاز الوضع بس اذا نفس المدخل اليك بالسلبيات:
لا صج صج متاخذ راحتها لان بالطالعه والنازله لازم تمر وتسلم وساعات الوحده تلبس اي شي سريع سريع عشان تروح مشوار بسيط فيكون شكلها موحلو جدامهم او ساعات الهوشات مه ولدهم كلشي راح يعرفونه وراح يكرهونج لان ولدهم! وناهيج اذا شافوه قاعد تحت عندهم قالو هااا متهاوش؟ ولامكدرتك؟ ولا ... اي شي المهم انتي موزينه هههه حتى لوكانوا حمولتج عسسسل لاتقولين خنكون واقعيين اكيد بينهم وبين نفسهم بيتراود هالسؤال.
وبالنسبه للايجابيات: اول شي حمولتها تحتها لو صار شي يقدرون يساعدونها وناهيج اليهال يلعبون مع بعض حتى لو ساعه باليوم وغير جذي العلاقات تتوطد ويكفي خالتج ام ريلج عيالها حولها وهالشي يشعرهم بالامان والراحه وبعدين سبحان الله خالتج تبي شي محتاجه شي تعبانه اهيا تحتج تقدرين تبارينها وتدارينها وبالوقت اللي يكون مزاجج مو اوكي تقدرين تقعدين بشقتج وتسكرين الباب عليج.
بس هااا!!! انتي لازم من البدايه تحطين لج خط معين تمشين فيه، تحددين تبين كل يوم يشوفونج ولا بالاسبوع مرتين او كيفج حسب الاتفاق وحسب الشي اللي يناسب خالتج وعمج ولازم تختارين الوقت المناسب لنزولج وهالشي بتعرفينه من زوجج لانه ملزوم ينزل يصبح ويمسي على امه وابوه ويبوس راسهم كل يوم. وبس والله يعديها على خير :yaaaaaarb:

 

[ديانا سبنسر]

صااااجة وكل وحدة ودها تعيش بروحها ماخذة راحتها بس احيانا الظروف تجبرها تنازل

 

[love-latee]

كلام حلو ثانكس

 

[فيلجاويه كيوت]

انا في بيت حموله وصح كلامج بعض الامور فيها مراقبه بس شنسوي الاجارات غاليه

 

[فرحتي2.2]

انا في بيت حموله وصح كلامج بعض الامور فيها مراقبه بس شنسوي الاجارات غاليه

كل الامور فيها مراقبه وحياتج بالداخل والطالع بس لازم نتحمل الحمدالله ولا ندقق علي شي عشان نرتاح

والاجارات غااااااليه

 

[سلمى الدلوعه]

السلام عليكم ورحمة الله وبركاته ..
" موضوع حلوووو مرهـ ويفتح مجال لـ نقاش المفيد " :eh_s(17):



انا مو معك بكلامك ابد .. فيه عندي اسباب ..

كذا ابي اكون انانيه .. افكر بنفسي وبس هذا انا اعتبره غلط !!
بتقولين ليه غلط ؟ عشان ابي ابعد زوجي عن اهله وابعده عن امه ! مايصير اطلع بعيد عنهم
وبعدين بنهايه امه محتاجه واحد من عياله يجلس عندهـ !!

انا عن نفسي استانس اذا ام زوجي تبيني وتحبني واصير نفس بنته وعنده بالبيت:eh_s(22):


ومن قال انه مافي خصوصيه .. الا فيه هذي انتي وشطارتك تقدرين وانتي
ساكنه عند اهل زوجك عندك خصوصيه ومحد يتدخل فيك


يازين الجمعة مع الاهل :gathering::gathering::gathering:



حبيبتي هذا رايي .. واحترم رايك اكيد .:eh_s(7):

 

[انثى عاشقة]

جميل جميل جميل
ع قولة ناصر القصبي خخخخخ

انا ضد اني اعيش ببيت حمولة
اعيش في شقة غرفة وحمام مع زوجي تكون مملكتي
ولا اعيش في جناح عند حمولتي ​

 

[دلال و غلا]

تسلمين ع الطرح

بس عندي ملاحظه ع ((بعض)) ردود الخوات
اتمنى ما يكون فيه غلط و ذم ف كلامها عن اهل زوجها
مهما يكون هذول حسبة اهلج و دمكم صار واحد !!

و كل بيت فيه المشاكل و الزين و الشين *

 

[PuPa^^SWeeT]

ساعات الانسان يطالع نص الكوب الفاضي


و ينسى النص المترووس


بالنسبة ليي انا افضل ببيت الحمولة


بس ريلي مو رااضي للاسف

لو ساكنيين ببيت حمولتي


جان وضعنا اريح بوايد


و اصلن اول و تالي ترا الحموات بيتزوجون


و يبقى البيت فاضي على الام و الابو

حلاته الولد يترس البيت مع مرته و عياله