الحياء شعبه من شعب الايمان .. ليش بعض البنات مافيهم حيا !!

[L a w y e R]

السلام عليكم

شلونكم بنات عساكم بخير ؟

.

اول شي هالموضوع مو موجه لـ فئه دون الأخرى

وبنفس الوقت آنا ما اعمم ، اقول ( البعض )

سو اتمنى يكون الحوار راقي ، وشور رقي حوارج يعكس رقي شخصيتج وتربيتج

وانشالله كلكم فيكم الخير والبركه

.

المهم :

اليوم حيييييل تنرفزت وصكت فيني الدنيا

شفت موقفين وحيل ضاق خلقي لمستوى الانحطاط ( وعذرا عالكلمه ) اللي وصل له البعض

.

أول موقف :

كنت واقفه على اشاره بكيفان والشارع واقف من الزحمه

فجأه بوسط هالزحمه وكل هالامه

نزلوا بنتين منقبات من رنج فيها شباب

وركبوا بتاكسي جدام كل هالعالم !

وسوولهم flying kiss بنص الشارع وطبعا تكعكع وارف !

والله لايوريكم الاشكال ، الله لايبلانا انشالله

لاتشوفون الزحمه اللي صارت عالتاكسي

باختصار .. الوضع كان cheap !!!!

حسافه ماقدرت اصيد رقم الرنج / التاكسي ، والا جان وقفوا عند حدهم

.

الموقف الثاني :

كنت رايحه جمعية الشاميه

والله لايوريكم المأساه اللي هناك !

من متى الشاميه فيها هالاشكال ؟ الله يعينكم ياهل الشاميه :denya:

المهم .. شور شايفين الباركنق ، اذا ماحصلتي موقف طلعي وطقي فره شكبرها وردي نطري !

وحنا واقفين ناطرين اي مصفط يفضى ، صار تدرعم

البنات قاموا يدشون رونق سايد ويصفطون !

وحنا صارلنا ساعه ناطرين ، متخيلين الوقاحه ؟

المهم صفطت ونزلت .. شفت بلاوي بالجمعيه !

والمغازل والوصاخه عيني عينك :/

صج صج قمة الانحطاط !

يتغزل بجسمها وبكل شي فيه ( من غير استثناء )

يمدح شفايفها والاماكن الحساسه !!!!

واهي ميته من الضحك وعااااادي حدها مكيفه :eh_s(4):

خلصت شغلي ، توني طالعه والا عند باب الجمعيه

واحد ......... يقول حق بنيه ، امشي معاي اوديج ( .... ) والله اونسج وانسيج دنيتج !

امبيه بنات شصاير ! كل هذا بالكويت !

ماقدرت امسك عمري اكثر

مسكت الموبايل ودقيت على 112 وقلتلهم طرشوا دوريه الحين

وماقصروا والله يعطيهم العافيه دقوا علي وقالولي انهم بالطريج

وفقير الشرطي يقولي شكثر تيينا بلاغات بخصوص المصخره اللي تصير هناك يوميا

ابتلشنا بهالعقد والهيلق

الوضع لايطاق ، الوصاخه صارت علنيه !

وبعض البنات ماقول صاروا جليلات حيا لا ، مافيهم حيا اصلا

سؤال ..

اهلهم لما يخلونهم يروحون الكليه يدرون بكل هالبلاوي ؟

يدرون شقاعد يصير من وراهم ؟

شلون يرضونها على نفسهم ؟

البنت حلاتها بحيائها وثقلها ورزانتها ، ليش جذي والله حرام :/

اتمنى الاهل يتابعون بناتهم ، واتمنى البنات يخافون الله بانفسهم

.

سوري بنات يمكن كلامي مخربط شوي

بس جد متنرفزه من اللي شفته

الله لايبلانا انشالله ، والله يستر عالجميع

 

[« ҝ ά ш ά i i »]

رد : الحياء شعبه من شعب الايمان .. ليش بعض البنات مافيهم حيا !!

الله كريم

عسى الله يهدي بنات المسلمين ..آمييين

 

[L a w y e R]

رد : الحياء شعبه من شعب الايمان .. ليش بعض البنات مافيهم حيا !!

اللهم آمين

 

[~ FOOSY ~]

رد : الحياء شعبه من شعب الايمان .. ليش بعض البنات مافيهم حيا !!

امبيي لي هالدرجه

الله يهدي الجميع انشالله

 

[^وجد قلبي^]

استغفر الله واتوب اليه ..

الله يهديهم ان شاء الله ..

 

[الكويت داري]

لاحول ولا قوة إلا بالله
الله يهديهم ويصلحهم

 

[bal8es]

الله يهدي الجميع ان شاء الله

اول شي حبيت اقولج ان هاذي ثمره الحكره العايشينها هذيلا الناس
يعني امانه كلشي ممنوع عليهم ويغصبونهم اهلهم على شغلات معينه شلون ماتبينهم يصيعون ؟؟

وفي احتمال ان من البيئه نفسها غيرتهم لن للأسف عندنا بديرتنا الغاليه الكل يحب يقلد
سواء كان الشي صح ولا غلط والكل يحرض ع الفساد

يعني اقولج موقف والله تخيلو رفيجتي تسألني تقولي انتي تحبين قلت لها لا بس حالي حال اي بنت بعمري
اذا شفت واحد جميل يفز قلبي بس ونظام اعجاب << والحمدالله مو قاعده اسوي اي شي غلط يعني لا اكلم
ولا اخز ولا اسوي حركات يعني عادي .. جان تقولي من صجج قلت لها والله ما اكلم شلي بدوخة الراس << طبعا قلت جذي عشان بشوف رده فعلها

ولا تقولي اصلا دوخه الراس انج ماتكلمين ع الاقل تلقين واحد يحس فيج ويحبج ويخاف عليج قلت لها اهلي مو مقصرين الحمدلله
قالت لا بس الحب غير يمكن في شغلات ماتقدرين تقولينها لأهلج تروحين تقولينها له انا انصددددددمت معقوله اهيا فاسده وتبي البنات كلهم مثلها ؟؟
قالتلي شفتي هاذا الي تقولين عنه حلو خزيه مره ومرتين وسويله حركات سوالف نظره على لعب بشايفيج واهو راح يموت عليج وشرط بيرقمج
انا هني ويهي صار !!!!!!!
قلت لها اقول عن الخربطه الزايده وانا اهلي واثقين فيني ومو مستعده اخسر ثقتهم على هلخرابيط


ادري فريت راسكم بلقرقه بس صج الوضع ينرفز الناس صايره مو بس فاسده لا بعد تنشر الفساد
يااااربي تستر علينا من مصااايب الدنيا الي صايره تخررررع

ويعطيج العافيه حبوووبه

 

[منوة القلب]

ياما تحت السواهي دواهي

الله يهدي الجميع

 

[زامليه وافتخر]

الله يهديهم ياارب..

انا بعرف وين الاهل عنهم حتى لو صاكيين عليهم ..والله مو هالطريقه عااد..

ياكثررهم اللى قاعدين ببيوتهم والله حتى حسهم ماينسمع..بس اللى ماتخااف من الله كل شى توقعى منهااااا

 

[فقـدتـك حيــل !]

رد : الحياء شعبه من شعب الايمان .. ليش بعض البنات مافيهم حيا !!

قالتلي شفتي هاذا الي تقولين عنه حلو خزيه مره ومرتين وسويله حركات سوالف نظره على لعب بشايفيج واهو راح يموت عليج وشرط بيرقمج

ويــع !!
Cheeeeeeeeeaaaaaaaaap !
حركات بو عقاد والله !
ههههه ..
سوري بس ما قدرت أقاوم ضحكتي ،
شهالحركات ؟
شنو هالمستوى المنحط ؟
ليش ان شاءالله اسويله جذي ؟
شبي من وراه ؟
شقه مثلاً !!

الله لا يبلانا ياااااااااارب ويرفع عنهم :| !!
آنا مرت عليّ هالأشكال وشفت والله وايد من هالبنات !
اشكره اهي تبلش تحرش عادي عندها الوضع طبيعي :\ !
الله يهديهم يارب ..
مره ولد عمي شاف بالشاميه مول ، ثنتين يايين بتاكسي دشوا تكرمين الحمام نقاب وعبي ،
طلعوا بدون شي !
سفور !!!!
وردوا ركبوا التاكسي .. !
حسافـه والله وصلنا لي هالمستوى بهالديره الطيبه !

 

[[[ عيون جابر ]]]

والله صاجه هالوضع جدا مو طبيعي وزين سويتي انج دقيتي ع الشرطه هالبنات يبيلهم احد يكسر راسهم وايد خذو راحتهم لدرجة ان صار مافي حيا ولاكرامه ولاحتى شرف وسوري على كلامي بس انا بعد شايفه وايد مواقف من هالنوع

 

[PO PO22]

الله يهديهم

 

[}_غلآتي_{]

رد : الحياء شعبه من شعب الايمان .. ليش بعض البنات مافيهم حيا !!

يعطيج العافيه ع هالموضووع

والله ياحياتي أذا ما حطوا أحساب لأهلهم وأخوانهم فماراح يستحوون من الناس

بعض الاهل مايدرون عن بناتهم يشوفونهم بالبيت مؤدبات خلوقات وبالشارع شي ثاني

انا ما اقوول الا : " الحمد لله الذي عافانا ممن ابتلاهم فيه وفظلنا على كثير من خلقه تفضيلا كثيرا "

والله يهدييهم ويردهم للطريق الصحيح

 

[Tutti-Frutti]

رد : الحياء شعبه من شعب الايمان .. ليش بعض البنات مافيهم حيا !!



زين سويتي انج دقيتي عـ الشرطه

والله الوضع صاير من اهلق لي اهلق

ومااحب اروح الشاميه من اللي اشوفه فيها
الزحمه اللي هناك بروحها تلوع الجبد


صج صج استغرب من هالبنات
وين اهاليييهم

طاقين كل شي بالطووفه ومو هامهم شي

اغلبهم ماخذتهم الوناسه وما يحسبون حساب سمعتهم .. باجر يعضوون اصابعهم ندم

الله يهديهم

 

[الـحـ الاول ـب]

الله يستر علينا حبيبتي

وبصراحه انا مستغربه هالوقت يخوف والبلوى ان هالبنات صغار اغلبهم

لاتقولين الاهل صدقيني مو ذنبه بس رفجه السوء والا ما في اهل
يتمنون الشين لبنتهم قولي معطينهم حريه زياده ممكن
ما وقفت على هذه بس اول الله يرحم حتى قعدت الحريم كانت حسره علينا
بس تعطيني امي خزه قمت الحين اشوف البنات صغار بالمتوسطه يتليقفون امهم بالسالفه والام تضحك
عادي

ولا تقولين منقبات لان البعض استغل النقاب عشان ينخشون عن المعارف بس مافكرو بربهم اللي فوقهم

الله يهدينا ويهدي بنات المسلمين

 

[Tom ♥ Jerry]

.


بهالزمن ينخآف من البنآت آكثر من الشباب

 

[~.ąvȍƈaȚ.~]

رد : الحياء شعبه من شعب الايمان .. ليش بعض البنات مافيهم حيا !!

اييي عاد الشاميه بهالصبابيح معرووفه للأسف خربوا المنطقه هالاشكال :\ !!

لا و بعد ما شفتي الجنوس الله لا يبلانا ؟! مادري ليش منتشرين هناك وييييع !!

و يا مااالج من هالجيل

لو تسمعين اللي سمعته ذاك اليووم

كنا قاعدين بأحد الكافيهات بواحد من المجمعات عاد الطاوله اللي يمنا فيها حريم ويه عيالهم على 7-9 سنين بالكثير و شيقولون ؟!

انا ..... في كرشة المعلم
انا ..... في وجه المعلم
انا ..... في الكأس

<<<<<<<<< ما اقدر اكتب شقالوا بس اللي اقدر احدد شنو بالظبط "نداء الطبيعه" !!

لااا و بصووت عالي انا لاعت جبدي قلة ادب !! واللي يقهررر زياده الاهل يظحكون مالت

المشكله فيها قلة احترام للمعلم على قولتهم و قلة احترام للذوق العام يعني باجر لي كبروا شبيسوون دام الاهل ساكتين !!

مادري شقول

قواج الله محاميتنا

 

[يرخصلك كل غالي]

ادعوو لهمم بالهداايه

والشرطه بتلحق على شنو ولا شنو

الله يهدي الجميع

 

[G!RLooNa]

انا الشاميه كنت اسمع عنها بس ما صدقت لما الكورس اللي طاف صدف بعض المرات اييب اخوي من مدرسته هناك و ساعات كنت انزل وياه المول اخذله غدا الوضع هناك حدث ولا حرج طبعا هذا بالقوايل و جذي عالمغرب و بالليل اتوقع يصير مكان دعاره استغفر الله

 

[جوري 2007]

ويع شنو حركات وسوالف وشفايف امبييييه جنا قاعدين بلاس فيغاس

والله الواحد لما يسمع جذي يعوره قلبه على ديرته بس مانقدر نقول الا الله يهديهم ويستر عليهم

واشدعوة الشرطة تقدر على هالبنات :cxxxp: