الحنه (الحناااااء) وشعر بنتي..اشرايكم؟

[Tosta M7mSha]

بنات اشلونكم؟ واشلون عيالكم :ggdw:

موضوعي الله يسلمكم اني ابي احط حنه لشعر بنوتي الي عمرها سنتين ونص تنصحوني؟؟ حنه عادي مو تنعيم وهالسوالف بس المشكله في شي مخليني اتردد الي اهوه ان شعرها اسم الله عليها فاتح وحدي خايفه احطلها حنه ويقلب لون مو حلو شسوووووي عفيه ردو علي كل من ينصحني بالحنه زينه حق الشعر وانا اموت عليها احب احطها وودي احط لها تقوي شعرتها رقيييقه وكيرليه ونااااااااشف ابي يصير فيه لمعه ويصير شكله صحي اشلوووون؟

منو شعر بنتها فاتح مشوقر او مشوهب وحطتلها حنه؟ وشنو صار لونه؟

مشكوووروين مقدما

الله يستر ومايضيع موضوعي اذا محد رد علي بتحبط:0bee2e8d89:

 

[^noonaa^]

هلا هلاه توستا شلووونج حبيبتي

والله الصراحه الحنه صج زييينه بس حرام مدام شعر بنتج فاتح لا اتخربينه وحيلج فيه بالزيوت

 

[Tosta M7mSha]

هلا وغلاااا بنونااا شخبارج؟ لج وحشه ههههه
تسلمييين على الرد حبيبتي انا جذي اقول خايفه لون شعرها يقلب بس حييييل ودي يستفيد شعرها من الحنه كل من يقولي حطيلها جربي وجذي وانا خايفه يقلب لون حمر ولا شي عاد ياهل وبيضه وشعر احمر وحواجب ورموش فاتحه!! لوووول مو شي

واعرف وحده شعر بنتها نفس بنتي وحطتلها حنه وماشاءالله قلب اسود بس انا مابيه اسود عاد لان مو لايق عليها

 

[ريتااجي]

رد : الحنه (الحناااااء) وشعر بنتي..اشرايكم؟

نصيحة لاتحطين لها حنة

 

[مي الحلوة]

رد : الحنه (الحناااااء) وشعر بنتي..اشرايكم؟

الحنه زينة للشعر انا بنتى من عمرهااا سنتين احط لهااا حنه كل اسبوعين مرة..
او بالشهر مرة..والله يخليهاااا لج وتشوفينهاااا عروس ان شاء الله..

 

[Tosta M7mSha]

ريتاجي
ما قلتيلي السبب اشدعوه ليش ما احط فيديني يمكن في شي ماعرفه
مي الحلوه
تسلمين حبيبتي ويخليلج ما عطاج يارب ودي احط بس خايفه من اللون مادري شنو راح يصير ولا جان من زماااان حاطتلها اموت بالحنه انا

 

[Tosta M7mSha]

اشدعوه بنات ولا وحده عندها بنوته شعرها فاتح وحطتلها حنه :eh_s(10):

اب اب اب يلا ساعدوني قبل لا يبرد الجو وتروح علي سالفة الحنه وماقدر احطها لبنتي بس نصحوني ئي ولا لا ولييييييش؟؟:n2006107:

 

[Hello_kitty]

واالله حبيبتي كان ودي اساعدج انا بعد بنتي ماشالله حيل شقرا وكلش ما تصلح لها الحنه لأن بيقلب على برتقالي يصير لوووون لا يطاااق

كلش ويصير بعدين لون شعرها يختلف عن حواجبها ما ادري اتوقع شكلها يصير موحلووووووو

مالج الا تعتنين فيه بالزيوت هذا رايي

 

[ريتااجي]

رد : الحنه (الحناااااء) وشعر بنتي..اشرايكم؟

حبيبتي أنا قصدي علشان لون شعربنتج لايقلب ويصير مايناسبها

وفي بعض المرات اللون يروح لما تحطي الحنة يعني لما يروح الحنة مايرجع شعر بنتج مثل قبل

 

[غير كل الناس]

ام محمد حنه 97167015

 

[++The DuchesS++]

انا احط حق بنتي شبه اسبوعي وااااااااااااايد تعدل شعرها
وبالنسه للون بنتي شعرها بني غامج واللون طلع حلو
ولدي من يشوف احطلها يبي واهو شعره فاتح بس مو اشقر لا اشهب شوي
قلب لونه بس لون حلو مو برتقالي لا صار على بني
صرنا احنا ال3 نحط حنه وقت واااااحد عشان بنتي تتشجع ولا بروحها ماتبي تقعد تبجي
ومرتين حطيت لها كثيره جاهزه من الحواي وشعرها تعدل عليه والله بس خفت استمر فيه

 

[iCe*]

رد : الحنه (الحناااااء) وشعر بنتي..اشرايكم؟

مادري والله ترا حتى اخوي شعرا شحلاته اشقر من حتله امي حنه قلب لونه صار بني بس اهو كبر الحين يعني عادي
انتي نطري لما تكبر يعني لما تدش ابتدائي احسن ..

 

[يمة يادلبي]

يقال والله أعللللللللللم ان اذا حطيتي بابوبنج بالحنة مايصبغ الشعر
بس مو متأكدة والله هالمعلومة بنية قالتلي اياها بس انتي سألي اصحاب الخبرة يمكن المعلومة غلط

 

[أشبـاهـ المطـر]

شعر بنتي اشهب لمن احط لها حنه يصير شحلاته
فيه لمعه وصحه بس ماايصبغ واايد وانا احط على شعرها زيت السمسم

بس للاسف ماني منتظمه مع ان شعرها ماشاء الله كثيث وبسرعه يطوول
ويصير كشه

الي اعرفه الحنه تغمج الشعر ماتفتحه تخلي لونه حناوي مو برتقالي

 

[الوردة المكنونة]

حبيبتي انا شعر بنتي ناعم ومشوقر وخالتي وامي قاماو يحنون حطي حنه حق بناتج وحطي حنه ولما حطيت بصراحه اللي شعرها مشوقر صار اشقر على احمر يعني لونه اخترب بنظري طبعا العيايز عجبهم اي جذي صارت لمعه بشعرهم شوفي صار اشحلوه بس انا قررت اني ما احطلها حرام اخرب لون شعرها صارت مو حلوه شعرها احمر وعيونها خضرا جنها من هالعقد تلوع الجبد اول شعرها مع عيونها احلى يعني باختصار ما انصج بالحنه اذا شعرها فاتح مع العلم ان الحنه اللي شريتها مافيها صبغه قالولي طبيعيه بس ما انصح بالحنه