الحمل وكسل الغدة الدرقيه

[بنتـ المملكه]

السلام عليكم

مثل ماهو واضح في العنوان

منو صار عندها حمل وهي عندها كسل في الغدة الدرقية

انا صار لي سنه من تزوجة والى الحين ماحملت وقبل زواجي سويت

فحوصات وكل شي عندي اوكي

بس قالي الدكتور 3 شهور اذا ماحملتي تعالي تعالجي

فما حبيت احمل من بداية زواجي

فحبيت اسال قبل لاروح اتعالج

هل حملتي بعلاج او من غير علاج ؟؟

وكم نسبة قوةالعلاج الغدة الي تاخديه قبل لاتحملي ؟؟

انا اخد قوته 150 طبع كل مره يجني نزيف اوتتاخر الدورة

الدكتور يزيد قوته

وقدرت اثبت نسبة كسل الغدة بستخدام عشبة القسط الهندي

الله لايهينكم ابي راي كل وحده عنها كسل بالغدة

والله يبعد عنكم الامرض ويعطيكم الصحه والعافيه

 

[جوزائيه مغروره]

الله يشافيج يارب

وتحملين انشالله

Up

 

[رويال ديزاين]

القسط والله اعلم ماينفع مع الحمال

روحي دكتور عبدالمحسن الشمري ممتاز حق اللي تبي تحمل و فيها خمول بالغده


وربي يرزقج الذريه الصالحه عاجلاً غير اجل
ادعيلي تكفين ربي يهون علي و يحفظ اللي في بطني

 

[اخت الدكتور]

شي اكيد اذا معاج خمول بالغده ماراح تحملين لين تتعالجين منها الله كريم وراح يرزقج ان شاءالله

 

[fofowa_q8]

حبيبتي انا حملت ومعاي خمول بالغدة الدرقية

وكنت اخذ العلاج وحملت ولازلت آخذ حبه كل يوم

عالريج بس خلتها الدكتورة من ١٠٠ لي ٥٠

حسب نتيجة التحليل طبعا تزيد او تقلل

وكل ٣ شهور اسوي تحليل الغده وانا حامل والحمدلله

اموري تمام الحمدلله وماكو الا العافية

واذا فيج خمول ممكن يأخر الحمل بس لاتحاتين

ترا علاجها بسيط حبة عالريج وخلاص وبفترة

بسيطة ان شاء الله راح تحملين بس التزمي بالعلاج

والقسط البحري سمعت وايد عنه بس الصراحة ماجربته

 

[Joooodi]

أنا كنت بحمل وطولت وسويت تحاليل وطلع عندي كسل بالغده
ورحت راجعت واخذت علاج لها عطاني جرعه ٥٠ اول شي

وبعدين خلاني يومين أكل ٧٥ والباقي ٥٠

ثلاث شهور وحملت وأجهضت والحين الحمد الله حامل الله يتمم يارب


وعلى فكره كنت مستمره مع العلاج بالقسط الهندي شهرين قبل الإجهاض

والحمد الله تحسنت نسبه الغده وحملت

والفال لج يارب

 

[Joooodi]

نصيحه لاتاخذين منشطات ولا شي استمري كم شهر على علاج الغده

وتابعي النسبه كل ما نزلت بإذن الله راح تحملين واستمري على القسط

من خامس يوم الدوره لما قبل موعد الدوره الجايه باسبووووع توقفين
لان مو زين للحامل

 

[HoD'HoD]

رفيجتي معاها خمول بالغدة ولان خالي دكتور استشاري يعالج الغدد سألته عن حالتها

قال لي لازم تاخذ علاج حبوب وشهرين بالكثير يتعدل هرمون الغدة بس اهم شي لا تحمل الحين

لان من اسباب الاجهاض خمول الغدة الدرقية ولو استمر الحمل ممكن يأثر على الجنين وخلايا المخ عنده

فالأفضل تأجيل الحمل لان كل جسم يفرق عن الثاني ممكن ناس تحمل ومعاها خمول وتطلع منها والبيبي بصحة وفي ناس العكس

خلج بالسيف سايد وأجلي الحمل لما تخلصين العلاج

والله يكتبلج الحمل السليم بإذن الله

 

[بنتـ المملكه]

مشكورين على الرد وما قصرتو

انا صار لي سنتين استخدم العلاج وما توقع ترجع الغده نشطة مثل اول

والمشكله وزني كل يوم وثاني يزيد وللحين مستمره على العلاج

وادا على تاجيل سالفة الحمل العمر يمشي وماباقي شي وكمل 30

يادوب اجيب ثنين ثلاثه

حبايبي مشكورين ويالله يرزق كل محرم يارب

 

[# غنوجة بيبي #]

انا طولت سنه ما حملت و اخذتحبوب الغدا و حملت سيده لما انتظمت

سبحان الله تمنع الحمل.. و اذا تم تسبب اجهاض

لازم تستمرين عليها

و هم بس ما تأثر عالحمل

تأثر على اعضاءج الداخليه اللي بجسمج

لازم تاخذينها عشان صحتج

 

[كيكة فانيليا]

رفيجتي فيها خمول بس ما استمرت ع الحبوب اﻻ اسبوع راحت ﻻم عايد عطتها عشبه استمرت شهر وسوت تحليل الحمدالله طلعت مضبوطه وبعدها حملت ع طول ماشاءالله الله يتمم عليها

 

[شموووخ وغروور]

هي بس حبه ع الريق الله يرزقج ...

 

[الأميرة جوري]

لازم تستمرين عالحبوب الغده سواءا حملتي اولا

 

[om attami]

الله يرزقچ ان شاء الله حبيبتي

 

[حمووشه المطيري]

بنت خالي حملت وعندها كسل الغده بس قبل حمالها تاخرت سنه ونص وبعدها خذت ابره تفجيريه عقبها بشهر حملت ومن بدايه حملها وهي تاكل مثبت ما تركته والحمدلله تطمني راح تحملين لا تفكرين واجد وعلاجه الغده كانت تاخذهم مع الحمل