الحمل ورمضان والحارج

[على الطيب تربيت]

:eh_s(16)::eh_s(11):السلام عليكم

مبارك عليكم الشهر خواتي وحبيباتي


العنوووان مكتوب وفهمتم ...:eh_s(16):

أنا حامل للمره الثانيه عالتوالي ارمضان الي طاف كنت هم حامل وعانيت

الحين هم حمل ..

ولاحملت يمسكني حارج قوي ...

شنسوي يابنات

ارمضااان وحامل وصكج حااارج قوي اشلون تتحملين هل في طريقه تريحج غير الشرب والاكل لانج صايمه


أنا عن نفسي اخذ هوا حيل اشفطه وابلعه احس يخفف شوي

انتم مريتم علمووونا فيدونا

وهل مره فطرتي بسبب حااارج قوي


وسلامتكم

 

[نـعـومـه]

اووووف عاد انا حارج دايما معاي واكل عشان يروح

الحين رمضان مادري شسوي

الله يصبرنا بس

 

[TeKaNa_Girl]

واااي نفسي
بس انا مضطره افطر برمضان
لان اخذ حبوب وابر مسيله للدم
وياخوفي اصوم واضر الجنين

عسالله يقدرني واصوم فرضي بصحه وعافيه

 

[FuSheYa]

وااي نفس الحاله

انا امووت من الحارج

بس الله يقدرنا ونصوووومه ياارب

انا ريلي يحن يقولي اخااف مو زيين عليج وعلى البيبي

يقول بيسئل شيخ ههههههههههه

بس انا عادي الصراحه اصوم فرضي ارتاح

 

[بيتي بوب بس كويتيه]

نفس الحاله بس انا اول حمال لي برمضان
الحارج يسبب لي ازمه الا الان ما حاشني
بس هالصداع مو راضي يفج الله يعينا بس

 

[alyasmena]

بنات انا نفسكم يوم كنت حامل
رحت لدكتور اياد الرويح وعطاني دوا فادني بس طبعا مو بأول 3 شهور
الشهور الاولى مجبورة تتحملينهم غصب

 

[انجبر قلبي]

الله يعينج يا رب

والله ما أدري هذا السؤال اللي كنت افكر باجابته قبل شوي

نبي حل حق اللوعه والحارج بس بدون لا نفطر ما في؟

الصراحة ما اتوقع فيه

لان هذا يزيد اذا المعدة فاضيه لازم تاكلين

نتحمل لي الفطور بعد شنسوي ولا نفطر و يتراكم الدين

 

[جمالي خيالي]

الله يقدرنا ونصوم رمضان وربي رحيم بعباده اذا موقادره عالصيام فطري واقضيه بعدين اذا ارتفعتي

بس عجبتني فكره تاخذين نفس عميق يخفف اللوعه

انزين واللي ترجع واهيا صايمه تكمل صيام ولا تفطر؟؟

 

[المـــــها]

و الله شنسوي أنا اليوم رجعت و طلعت روحي و بس الحمدلله كملت صيامي

 

[اموره الشطوره]

نفس الحاله

 

[سوسن1980]

وانا صايمه اوكي بس لما افطرت بدا الحارق الله يعين بس

 

[حلوةودلوعة زوجي]

الله يعينا يارب ويقدرنا نصومه يارب انا اول مرة برمضان حامل وصايمه الله كريم

 

[عبث طفله]

نامي ..

الله يعييينا .. الحارج ما يروح الا بالاكل او الشرب ..

بس مالج الا قبل السحور تشربين ماي لقاح ولا مرقدوش .. او غافكسون يخفف الحارج ..

انا اذا جاني الحارج اناااااااااااام ..

اانا ببجري فطرت مره عشان الحارج ما قدرت اتحمل بغيت اموووت

 

[Daleela]

حبيباتي انا لمن كنت حامل قبل سنتين تقريبا

عطاني دكتوري دوه حق الحارج بس والله العظيم ووحده بوحده كان الحارج فظيييع المشكله ما اذكر شنو اسم الدوه بس سعره غالي تقريبا 13 ما ادري 12 دينار

اخذه عالسحور وانام وايد زين

 

[yasmeen_q8]

الله يعينا انا لاني نمت عقب الفير وقمت قبل محاضرتي بنص ساعه عال١٢ ونص ما حسيت الحمدلله بس يعت شوي وولدي حسيته ما قاعد يتحرك اخترعت بس الحمدلله بس تفطرت تحرك

 

[بنت التوخذه]

الله يعينكم اشوه انا ليل حين مابدى معاي الحارج بس اللوعه الي ذابحتني واخاف افطر

 

[Q.8.h.2]

انا اذا مسكني الحارج لو اموووت ما اقدر انام شلون تنامون صعب

الله يعينا يارب

بس انا صايره اكثر من الخياااار عالسحور واكلي اخليه خفيف ابذل كل شي والله يعينا يااارب

 

[ام ساره 4]

بنات في حبوب بالصيدليه إسمهم ريني ممتازين للحارج للحوامل طعمهم نعناع تقرضينهم قرض يعني مو بلع كنت آكلهم وأنا حامل ممتازين ويريحون

 

[yasmeen_q8]

حلو بس اختي q8.h.2 حرام بروح البيبي يقعد فتره طويله ما ياكل وخلال فترة الصيام ما يتحرك وتاكلين خفيف حرام انا اشرب سوائل شكثر عشان ما يصير انقباضات وولادة مبكره ولا شي واكل عشان اغذيه واعوضه*

 

[كويتيه مذهله 87]

انا حاشني الحارج ليين التاسع وبرمضان العام فطرت بس مو علشان الحارج

بس شوفي دكتورتج شتقولج احسن لان انا جربت جميع انواع الادويه والاكل الي تخفف ماكو فايده يعني صومي احسن لج