الحمل والامساك ،،،،الحل؟؟؟

[فديته]

السلام عليكم كويتيات

بدش بالموضوع علطول

انا حامل بالشهر الثالث

من حملت معاي الامساك ، خليت الحديد والفيتامين بس علشان يروح الامساك وماكو فايده

وصفلي الدكتور شراب للامساك اشرب 40 مل منه ، نفع اول مره بس ثاني مره مانفع كللش

اللحين صارلي اربع ايام مع الامساك ،، شسوي

تكفون ساعدوني بنات اللي تعرف تحاميل شي ينفعون تعلمني

خلونا نساعد بعض يمكن مو انا الوحيدة اللي تمر بهالحاله

ناطرتكم

 

[جديده 1]

لاتاكلين كربوهيدرات .. اكلي الياف .. كثري سوائل و بالذااااااااااااات عصير برتقال فرش عالريج

 

[ام قدووور]

اكلي رقي وبرتقال وكيوي ومشمش وكثري خضره والياف

واذا ما نفع روحي الطبيب يعطونج ملين للحوامل

انا صرفته لي الدكتوره بس ما استخدمته خلج علا الطبيعي افضل

 

[شنوووفه]

حبيبتي انا كنت جذي وصار فيني بواسير بس الدكتوور ماعطاني لاتحاميل ولا شرااب قالي اكلي كيوي وصج والله شي مو طبيعي والعنب الاخضر بعد عجيييب وشربي عصير برتقاال وكثري ماااي
موفقه

 

[iLLuMinaTion]

انا اللي اعرفه البرتقال وايد زين

 

[om MaRyooM]

البنات ماقصرو

بس للمعلومية .. اذا كنتي تاخذين كالسيوم اهوا اووول سبب حق الامساك


وشربي ماي وايد والله يعينج

 

[سكر فتافيت]

شوفى الموضوع ده ياجميل
وام مريوم السبب حبيبتى الحديد مو الكالسيوم
الكالسيوم برىء من المساك ههههه
http://www.q8yat.com/t754793.html

 

[أعشقه]

حتى انا والله اعاني منه

 

[شقرا كويتيه]

شوفي حبيبتي خذيت كل اللي قالوه مانفع معاي رحت المستشفى حطلي حقنه وعلطول عالحمام عزكم الله ديري بالج الامساك موزين للحامل

 

[q8 83]

دايما يحوش الحامل امساك بالاشهر الاولي و انا وحده تعذبت من الامساك

ماضل تحاميل و مسهل و كل شي

بس شدي حيلج بالشوفان (كويكر ) لانه كله الياف

و المشمش المجفف و الخوخ الفرش و راح تدعين لي

بس اقوى مفعول فيهم الشوفان

 

[صدفه نسيتك]

الله يعينج. كثري الياف