الحمل وازاله شعر بالليزر

[نوال علي]

اشلونكم حوامل

حبيت اسالكم منو فيكم سوت ليزر لازاله شعر واهي حامل حبيت اعرف يضر الحمال خصوصا اني بالاشهر الاولى من حمل

طبعا بمراجعتي للحوامل اكيد بسال دكتوره بس حبيت اشوف في احد مسوي هل شغله عن تجربه وتنصحوني فيها ولا لاء

مشكله اني قبل حمال مسوي ليزر واوكي بس بعد كم شهر الحين طلع شعر اخاف اسوي شيره او موس اخرب الجلسات اللي طافت وانا الحين حامل واذا في ضرر على طفل اكيد مستحيل اسوي بس حبيت اشوف تجاربكم بهل موضوع

:bbbiu:

 

[[[ عيون جابر ]]]

الليزر ممنوع فتره االحمل حبيبتي والشعر تقدرين تشيلين بموس مووو شيره لين تولدين وتكملين جلسات الليزر

 

[نوال علي]

مشكووورة اختي على رد

 

[قمري]

انا كنت اسوي قبل الحمل ووقف حاليا واشيل الشعر بموس لين اولد واكمل

لاتغامرين

 

[ضحاوي الديره]

انا كنت اسوي بس وقفت حاليا وبرد اكمل بعد الولاده

 

[english muffin]

طبعا فيه ضرر

 

[sharoo_e5]

اخر مرة سالت الطبيبة قالت لى ممنوع اثناء الحمل
وقالت لى الصبغة بعد الشهر الخامس عادي

 

[نوال علي]

يعطيكم عافيه خواتي انا للحين ماسالت دكتورتي اللي اراجع عندها للحمال
بس اذكر قبل لا احمل سالت دكتورة ليزر قالت لي عادي وانها حملت مرتين وتسوي للمرضى واهي حامل تتعرض يوميا لليزر
وقريت بالنت انه عادي بس الاضمن بسال دكتوره النساء ولولاده

ولا تحرمونه من نصايحكم

 

[SWiiiRZ]

الليزر ممنووووووووع بالحمال يؤدي الى تشوه اطراف الجنين
ديري بالج

 

[واوي حبي]

لااااااا ديربالج. انا كنت حامل وانا بالشهر الاول ماكنت ادري حامل سويت اشعه وليزر والحمدلله على كل حال طاح يعني اجهاض

والحين انا حامل والله يثبته ياااارب والحمدلله رب العالمين
ديربالج تسوين يشوه الجنين اللهم ياكافي

انا الحين اشيل بموس وبكمل بعد ولادتي باذن الله

 

[واوي حبي]

لااااااا ديربالج. انا كنت حامل وانا بالشهر الاول ماكنت ادري حامل سويت اشعه وليزر والحمدلله على كل حال طاح يعني اجهاض

والحين انا حامل والله يثبته ياااارب والحمدلله رب العالمين
ديربالج تسوين يشوه الجنين اللهم ياكافي

انا الحين اشيل بموس وبكمل بعد ولادتي باذن الله

 

[نماين]

اذكر سالت د.الليزر و د. الولادة وقالوا عادي مايضر لانه ضوء مو اشعة تدخل بالجسم
بس مايفضلون يسوونه للمنطقة الحساسة عشان يخافون على الحامل من الالم بس
وانه ايضا ممكن ماتستفيدين منه لانه الهرمونات متلخبطة

 

[حكآية قلب]

مووووووزين


الله يخلي الموووس يهبل و نعومه 


انا بعد الولادة بسوي ان شالله و بكمل جلساتي

 

[Laymo0ona]

الليزر مايضر عاااادي بس اهما مايرضون يسوون حق حامل
مره شفت مقابله حق دكتوره وقالت مايأثر كلش وانه مايوصل تحت اليلد
وسألت دكتوري قال عادي
بس اهما يخافون انه لاسمح الله صار شي بتحطين اللوم عليهم

 

[tbola]

من خااااف سلم اجلي الليزر لين تولدين احسن

 

[مظلومة حيل]

انتي وين مسويتة لان في ليزر مضر يعتبر مثل الاشعه و في ليزر عاديانا سويتة قبل شهر ونص و بسوي بعد اسبوعين لان اليزر الي اسوية ما يضر وان شالله بالتاسع بسوي بس انا الي مسويتة بعيادة العدساني بالجابرية
بس اهم شي انج لما تروحين يكون في شعر و اهما يسوون نفس لسعتة النار والحمدلله تماام و ما يضر والشعر يقل بنسبة ٨٠ بالمية واي شي بالخاص لاني مو دايم ادش للمواضيع الي دخلتها

 

[<<المها>>]

وحده من رفيجاتي سالت دكتورتها تقول ان الاشهر الاولى خطر ممكن يسب اجهاض والاشهر التاليه لا عادي بس ما افضل تسويه لان ممكن يسبب تشوهات لاقدر الله ... وترى الموس مايخرب الجلسات اللي سويتيها لان اهما اصلا يحلقون لج بموس قبل الليزر

يامعوده لاتضحين بولدج او بنتج على سبة شعر حتى لو قالوا آمن مايسوى يجيه شي وتلومين نفسج باجر كلها جم شهر قزريها موس وتوكلي على الله ..

 

[PinkLulu]

اللي أعرفه عادي...لأن الليزر عبارة عن ضوء مو إشعاع

بس المرأة الحامل جسمها يمر في تغيرات هرمونية...وهالتغيرات تأثر على نمو الشعر

فما ينصحون جلسات اللليزر خلال الحمل أو بعد الولادة لأن الجسم احتمال ما يستجيب للعلاج

فأجلي الموضوع أفضل...حماية لج ولجنيننج

شيلي الشعر بالموس...وخلال الحمل يقل نمو الشعر​

 

[نوال علي]

بعد قلبي ما قصرتوا والله
على قولتكم لا اضحي بالجنين وسبب شعره خصوصا انه ماجا بساهل جا بالعلاج هل حمال
الله يتمم علينا بجنين كامل الصحه وخلقه كامله
انا امرض ارفض ادول خايفه على نونو خلينا على موس والله يعين كلها اشهر الله كريم
والله يرزق كل محروم بضنى ويهون علينا كروشات