الحمل بعد حبوب المنع

[مهندسة طموحة]

السلام عليكم خواتي
ممكن تفيدوني متى الوحده ممكن تحمل (تقريبا) بعد ما توقف حبوب منع الحمل؟
انا صارلي 2 ونص اخذ حبوب و ودي احمل السنه اليايه و مادري متى اوقف الحبوب علشان المبايض تسترجع نشاطها الطبيعي
اتمنى انكم تفيدوني من خبرتكم و شكرا

 

["*آآآنؤؤؤقهـ*"]

على حسب كل وحده غير


يمكن تعطيج مناعه ٣ شهور ٤ شهور ٦ شهور او سنه اوسنه ونص


يمكن تحملين ماتاخذين مناعه



انتي قطيهم وشوفي نفسج .. واذا ماصار حمل خلا ل ٣ شهور ودج تحملين

راجعي عند دكتوره او دكتور براحتج وشوفي نفسج واخذي تحاليل هرمونات تطمني ع نفسج

اكشفي ع مبايض بين كل شهرين ٣ شهور

وبيعطيج علاج ان شااءالله تحمليييين


الله يرزقج ويرزقناااا

 

[شـيـوخـهـ]

على حسب في ناس من تقطعهم على طوول تحمل بنفس الشهر

وفي ناس لا تعطيهم مناعه جم شهر صعب تعرفين لين تجربين

 

[زين ودلال]

حطي ابالج مو اقل من ست شهور

اهو ممكن يكون قبل عااادي بس عشان لاتتعبين ونفسيتج تتعب اذا ماصار

الله يرزقج ان شاء الله

 

[tbola]

على حسب راجعي عند الدكتوره تفحص بويضاتج

 

[@ام يوسف@]

على حسب طبيعه الجسم انا آخذهم سنه وتعطيني مناعه 6 شهور