الحمل الحوصلي

[حبيبه قلبه]

السلام عليكم
هلا كويتيات
شلونكم مع رمضان ؟؟
الحمدلله على كل حال اولا
انا حملت قبل كم شهر وكان ينزل معاي الله يكرمكم دم بسيط لمده اسبوعين رحت الطوارى حطت السونار قالت مافيه بيبي
قلت لها نزل؟انا مانزلت معاي قطعه مجرد دم بسيط
المهم نوموني تحت الملاحضه قالوا لي احتمال حمل حوصلي لازم تنظيف
قبل رمضان بيوم سويت غسيل وخذو المشيمه وحللوها وطلع نفس ماقالوا حويصلات ومشيمه بدون طفل:eh_s(2):
لي 20 يوم بعد التنظيف والهرمون للحين مرتفع 1500 وكل اسبوع احلل هرمون الى ان يوصل صفر وقالي الدكتور اذا نزل لي صفر راح اعطيج مانع لازم سنه ماتحملين عشان مايتكرر:eh_s(2):
بنات من حملت نفس هالنوع؟
وبعد كم نزل الهرمون؟
وبعد كم حملت؟
وهل تكرر هالحمل؟

ردو علي طمنوني
وادعو لي ربي يعوضني بتؤام بنات تامين الخلقه والخلق وكل من يتمنى يارب

 

[حبيبه قلبه]

ررررررررررفع

 

[ام ساره 4]

قصدج الحمل الحوصلي بالعنقودي والا غير شوفي إذا نفسه العنقودي بنت جيرانا حملت بعنقودي وقعدت فتره ماحملت وبعدين حملت وماشاء الله جابت أربعه ورا بعض ثلاث بنات وولد والفال لج إن شاء الله وعسى الله يرزقج بااللي تتمنينه اللهم آمين

 

[q8ya 7abooba]

انا كنت حامل حمل عنقودي اللي نفسه حوصلي شهر ٢ و سويت تنظيفات بعد شهر و نص من الحمل والحمدلله الهرمون ينزل بسرعه انا كان خمسين الف وانا حامل و الشهر اللي طاف كان 0.10 وقالت لي الدكتوره اللي سوت لي التنظيفات ان الحمل كان صغير الحمدلله وجزئي و طبعا الجزئي احسن من الكلي و ست شهور و بعدين احمل عادي و طمنتني انها كانت عندها شكثر حالات جذي و ما تكرر عندهم لان نسبة التكرار واحد بالمية و هالحمل عملية التنظيفات مو نفس تنظيفات العوار لاا تكون ادق و اعمق لان بقايا هالحمل خطير الله يكافيناا الشرر و الله يرزقج و يرزقنا بالحمل السليم والطفل المعافى ياا رب و اذا تبين اي شي انا حاضرر

 

[q8ya 7abooba]

و نسيت اقوولج راجعت عند دكتور ثاني طبعا بعد التنظيفات قالي ماكوو حمل قبل سنه بس انا مادري مع منو امشي
اقوول مرات هو ماسوى العملية و مايدري عن عمق الحمل و حجمه مابي امشي علا كلامه و مرات احتار لان الدكتوره معصومه شاطره و فاهمه هي اللي سوت العملية و تعرف حالتي و الله يكتب اللي فيه خير لناا

 

[حبيبه قلبه]

جزاكم الله خير
انا قالي الدكتور بس ينزل الهرمون بعطيج مانع بس للحين مرتفع مانزل
وانا مايناسبني المانع لان اول حمل لي خارج الرحم وماعندي غير انبوب وبصراحه احاتي خاصه ان هالحمل كنت انتظره لي فتره يعني لو بيعطيني مانع اخاف يأثر علي لان دكتورتي كانت مانعتني من اي موانع غير طبيعيه للحمل
حدي خايفه كنت اظن ان حمل خارج الرحم اخطر لكن هان في الحوصلي لان مامنعوني من الحمل بعد الحمل خارج الرحم والحمدلله بعد المنظار بشهر حملت

انا ناويه اراجع دكتورتي واشوف كلامها
يعني مااحد بعد الحمل الحوصلي حمل بعد فتره بسيطه مثلا 6شهور؟؟وبالنسبه للهرمون خلال كم نزل؟؟
يارب ارزقنا بالحمل التام الطبيعي
الله يعطيكم العافيه حبيباتي

 

[حبيبه قلبه]

طيب كم كان عمر الحمل؟
انا شهرين وكان عباره عن حويصلات ومشيمه

 

[حبيبه قلبه]

حبيت اسأل
انتي كم نزل عليج الدم بعد التنظيفات؟
انا قالوالي يمكن 3 ايام وتطهرين بس تميت 11يوم وطهرت هل طبيعي
لان مثل ماقلتي التنظيفات تكون اعمق من الاجهاض العادي

 

[q8ya 7abooba]

انا تقريبا كان شهرين لاان حللت تاريخ ٧\٢ و سويت التنظيفات ٢٣\٣ و بالنسبه للدم كان خفيف حيل مثل الدوره العاديه او اخف بس مانظفت بسرعه بس ماكان قوي خفيف حيل و بالنسبه للحمل انا الحين شاكه اني حامل و الله اعلم و يكتب لي الحمل السليم و الطفل المعافى ياا رب

 

[حبيبه قلبه]

جزاج الله خير
والله يكتب لج الحمل السليم ويفرحج بشوفه ضناج تام الخلق والخلق
ان شاءالله تفرحينا يارب

وعقبالي بالحمل السليم ان شاءالله والتام وكل من تتمنى يارب

 

[&هند&]

حبيبتي اقري سورة البقرة لمدة21 بس تخلصين قراءه انفثي على رحمج واعي ربج والله يرزقج الحمل السليم ،،،

 

[حبيبه قلبه]

ان شاءالله
الله يجزاج خير ياقلبي