الحمد لله!!!!!

[مهاوي 26]

:hjy5jewf::hjy5jewf:أحب أشكر كل وحده تفاعلت معاي بفترة تعبي النفسيه
واحب ابشركم ولله الحمد والمنه
سويت عمليتي التكميم وقمت بالسلامه وامس طلعت لفلذات جبدي
وضميتهم وخذيتهم بحضني فديييييتهم
والعمليه اوكي بس والله التعب موجود
وبما انه الحين سوائل حاسه بدوخه​

 

[دمع القلوب]

الف حمد الله على السلامه ويا رب يخليج لعياااااالج وتصيرين رشيقه وتوصلين للوزن اللي تبينه


طبعا بقولج الاسأله المعتاده منو دكتورج وباي مستشفى سويتيها وجم كلفت عليج وشنو احساسج من سويتيها لليوم

شلون العوار والخياط

والف حمد الله ع السلامه مره ثانيه

 

[Desert-Girl]

حمدلله على السلامة

 

[مهاوي 26]

مشكوره ياحياتي
اول شي دكتوري رئيس قسم الجراحه العامه د.عبيد الحربي
بمستشفى الفروانيه
كلفتني770 دك
اول يوم عوار قوي شوي ثاني يوم احسن شوي ثالث يوم انا امشي الحمدلله
رابع يوم طلعت بس اللي استغربته
انه في يوم دخولي3 حالات تكميم ومعاي2 وثالث يوم3 ورابع يوم جاني الدكتور وقام يسولف يقولي شفتي 3اللي يمشون بالممر اليوم
مسوين تكميم قبل3سنين وردوا من وزنهم والحين مسوين عندي تحويل مسار
جان اقوله امبي اخاف انا ارد بعد جان يقولي لا تخافين انتي اصلا مو حيل متينه وزنج91 بتنزلين اكثر من 35كيلو الحين وبع3 او 4سنين احتمال تردين 10%يعني 10 كيلو احتمال مو اكيد
وبصراحه الدكتور حيييل شاطر دخلت العمليات الساعه2 الظهر الساعه 4ونص العصر انا بغرفتي
لا والجناح الله لا يوريكم كله عمليات سمنه اللي تحويل واللي تكميم المصيبه تمشي معاي بالممر اقولها اشفيج تقولي مراره يلعن ام النصب
ايه قلنا الوحده ماتقول لجماعتها واصدقائها علشان ما يتحجون ويعيبون
بس انا ما اعرفها ليش الجذب الله يهديها
ونصيحه بنات اللي تقدر تسويها عند د.عبيد خل تسويها ولا ترمي فلوسها بالخاص واهم ما يختلفون عن بعض ومن ناحيه العنايه الشهاده لله في عنايه والجناح جديد
والمسكنات شغاااااااله

ودمتم​

 

[اوووفه]

حمدالله علي السلامه وفالج الرشاقه
بسالك اشلون اسويها عنده عادي يستقبل من الجهراء او لازم الي بالفروانيه بس

 

[Sweetq8]

االله يقومج بااسلامه

انا ١٩ هالشهر عمليتي عند د.خالد العنزي

بالسلام وقطت هالفلوس عسل علا قلبي ولا

مواعيد الحكومه الي اتبهذل الواحد

ياعندج واسطه قويه يا نطري

وين وين احد حظه حلو ويلقا موعد قريب

حلو كلامج شجعني لاني احاتي عوار عقب العمليه

حييييل متخيلته عوار مو طبيعي ههههه

 

[عسووووولة]

حمد الله على سلامتج

 

[om^bader]

الحمدالله على سلامتج والله يقومج بالسلامة
والله اني حيل خايفة من العملية انا الاسبوع الجاي عمليتي الله يسهل علي

 

[dectora 7elwa]

الحمد لله عالسلامه

 

[ii DareeN ii]

حمدالله على السلامة شدي حيلج وحاولي تمشين من اول شي عشان ماتذيج الغازات وان شاء الله بتنظمين لرشيقات قريبا​

 

[قلب قلبها]

الحمدلله ع السلاااامه

 

[ليمونه79]

الحمد لله على السلامه اختي انا ابي اسويها بالفروانيه ابي اسئل خذيتي تحويل وله سيده رحتي للعياده و770 حق معدات العمليه وله رسوم العمليه واشلون العوار تقدرين تستحملينه وله قوي

 

[ليمونه79]

اب اب

 

[أحبج يمه]

الحمدلله على سلامتج

 

[ليمونه79]

اب اب اب

 

[مهاوي 26]

حبيباتي تسلمون كييييييييييلكم هلا ليمونه
والله كل شي سوينه بأقل من اسبوعين
اول خطوه رحت للمستوصف وقلت للدكتور أبي تحويل للجراحه وبس
خذيت التحويل جان اروح لمواعيد المستوصف قلت لها ابي موعدي عند الدكتور عبيد وحطته لي ثاني يوم رحت وشافني الدكتور جان يقولي اوكي بس سوي هالتحاليل سويت تحاليل الدم واللزي منه بالمستشفى بيومين وبعدين
حطولي موعد سونار البطن بعد اسبوع وموعد منظار المعده بعد شهر المهم لحقت
نفسي رحت الصبح موعد السونار العصر وانا بالسلام سويت منظار المعده
ب135دك ثاني يوم انا عند الدكتور عبيد هالحجي كله بآخر شهر 2جان اقوله ابي اسويها بسرعه علشان برتاح شهر وبعدين بسافر علاج مع الوالده
قالي اوكي 3\4 يصير قلت له اوكي
وسويتها الحمدلله من اسبوع وال770 اللي خذوها بس للمعدات الدكتور ما ياخذ شي
وفالج الرشاقه يا قلبي​

 

[ليمونه79]

مشكوره اختي على سعت بالج ابي اسال على العوار تقدرين تستحملينه وله قوي واشلون نزول الوزن يعني كم تنزلين بالشهر وبالنسبه للاكل اشلون وصحيح انه الشعر يطيح

 

[عـــزآآآآآهـ]

الحمدلله على سلامتج

وشلون فتحات المنظار يعورون !!!!!!!!!!!!!!!!!

 

[om bader]

االله يقومج بااسلامه

انا ١٩ هالشهر عمليتي عند د.خالد العنزي

بالسلام وقطت هالفلوس عسل علا قلبي ولا

مواعيد الحكومه الي اتبهذل الواحد

ياعندج واسطه قويه يا نطري

وين وين احد حظه حلو ويلقا موعد قريب

حلو كلامج شجعني لاني احاتي عوار عقب العمليه

حييييل متخيلته عوار مو طبيعي ههههه

:friends:انا بعد باذن الله عمليتي بالسلام تاريخ 19 هالشهر عند دكتور خالد العنزي

:eh_s(10): بس مايندرى ببلش بمنو الاول

يالله عشان نآزر بعض

 

[ليمونه79]

اب اب اب