الحمد الله تمت عمليتي بنجاح

[q8ya-barby19]

السلام عليكم
بيوم الخميس 6/1/2011
مستشفى :السلام
العملية : تكميم معده
الدكتور: خالد العنزي

الحمد الله
اكلمكم وانا بالمستشفى اليوم ثاني يوم الحمدالله شالو البربيش الي على جنب ومشوني
الالم اخف من امس بس محتمل والسسترات مو مقصرين بالمسكنات
الدكتور مهما اقول بصراحه قليل بحقه الله يوفقه صج يستاهل 100٪


حبيبت اشكر اختي bnt- kwt واختي اميره بكلمتي اهماالي شجعوني
وبنات العمليه سهاله
واي استفسار انا جاهزه*

 

[شنشووونه]

الف حمدلله على سلامتج حبيبتي

 

[شـو shoo]

رد : الحمد الله تمت عمليتي بنجاح

حمدالله ع السلاامة حبيبتي ...

 

[AF (&-&)]

الحمدالله على السلامة

وانا بعد سويتهاا 16- 12

اي استفسار انا حااظرة

 

[q8ya-barby19]

الله يسلمكم حبيباتي
af بغيت اسالج شسويتي مع الغازات والبنج انا ماسكني العوار بظهري ومشيت ولي الحين العوار موجود عوار العمليه خف وايد بس اللنج لي الحين

 

[الفراوله1]

رد : الحمد الله تمت عمليتي بنجاح

الحمدلله عالسلامه والله يتمم عليج قولي لنا التفاصيل اذا سمحتي واول شي جم وزنج ومافي سايد افكت للعمليه بالمستقبل ؟؟

 

[الفراوله1]

رد : الحمد الله تمت عمليتي بنجاح

والبربيش وين يحطونه مايعور ؟ وجم فتحه سوولج ماعليه الاسئله وااايد تحمليني وانا اختج

 

[ام لجووونه]

الحمدالله على سلامتج وان شاء توصلين لي الوزن الي تبينه
بس عندي جم سؤال ماعليج امر
جم كان وزنج وطولج قبل العمليه؟
وجم كلفتج ؟
ومواعيد الدكتور حق العمليه بعيده والا قريبه؟
وهل كان عندج ضغط أو سكر أو آلام في الظهر أو الركبه ؟ ( بعيد الشر عنج )

 

[al7nooona]

حمددالله على سلامتتتتتتتتتتتتتتتتتتتتتتتتتتتتتتتتتتتج

شلون العوار عقب العمليييييييية؟؟؟

 

[الياسمين]

انا خذيت موعد للاستشارة باجر عند اللدكتور ريليييييييي موراضي قلت اخذه يمكن الدكتور يقنعه
و الف الحمدالله على سلامتج

 

[اميره بكلمتي]

كللللووللوووش

الف الحمدالله على سلامتج وماتشوفين شر

وفاالج الرشاقه ان شاء الله

 

[اميره بكلمتي]

بشريني عنج عساج بخير

 

[q8ya-barby19]

بتكلم بالتفصيل للبنات
اول شي انا اعاني من السمنه من خمس سنين وتاخر الحمل عندي وكنت احاول انزل واضعف واوصل نص المسافه وارد ادبلها
لين وصل وزني ل١١٤ ادري يفشل وطولي ١٥٩ اعتزلت الناس والله ماقمت اطلع ومجمل طلعاتي لاهلي وبيت يدتي
وقمت ادخل اهني واقرى تجارب البنات افتنعت بالتحوير لانها اسرع شي واستخرت وكلمت اهلي وريلي وما وافقو
وانا ما اهتميت سكت ما ادري ليش وبعدها بفتره ياست وقعدت اقري من يديد بس ها المره عن التكميم وقفت معاي اختي لانها تشوفني شلون اعاني واستخرت وكلمنا اهلي وريلي علي اساس حلقه هههه معن مو مفكره فيها كلش لانها فاشله لين ما اقنعتهم انها اخف العمليات وحجزت عند للدكتور خالد جزاه الله خير ودخلت عليه انا وامي
اول كلمه قلتها له دكتور انا وامي جايبن على اساس الحلقه لكن انا جايتك ابيك تقنع امي بالتكميم لان حلقه انا ما ابيها امي لاتشوووووفونها انصدمت هههههههههه وقعد يفهم امي ما قصر وامي تحاول مني مناك لين غلبها ههههه
وقالت خلاص باستخير
سبحان الله الله ارادها لي الفلوس تدبرت بيومين والتحاليل سويتها بالحكومه والسونار بيوم خلصته وعطوني موعد مع التخدير كل شي اوكي سويتها الخميس
يوم العمليه
الخميس ٦/١ دخلت المستشفى الساعه ١١ وشي
حجزنا الغرفه وما كانت جاهزه دخلونا سويت يا حليلهم طبعا الدكتور قبله بيوم ياخذ حسابه ٢٠٠٠
والمستشفى خذو وقت الدخول ٥٠٠
اقولكم دخلنا السويت قاسو الضغط والحراره والقلب وركبو لي بربيش
وعطوني حبه ع الساعه ١٢ وشي يماااا اسمها ريلاكس هههه نمت والله مع اجواء السويت وحده ونص قعدوني عمليه ههههه والله اني راهيه عادي يا حلولو من الحبه واضحك اقول لامي استودعيني ههه وادخل العمليات وايي الدكتور يا حليله والله طيب ها الانسان وياخذ رقم امي عشان يطمنها وانا عااااادي فري كويت ( تاثير الحبه)
ويدخلوني يجهزوني للبنج ٢ دكاتره مساعدين ودكتور تخدير واحد منهم يقول يالله عشان تخرقي بالسلامه يام ... عشان ... طبعا هو سالني عن اسم بنتي هههه واقعد انا العياره ادومع ويقول لي لالا خلاص اقري الدعاء وعدي عاد انا استودعت نفسي وقعدت استغفر لين نمت وقعدت ع الساعه ٥ من كيفي ههه حلوه هذي
لي رجعه اقول لكم شصار

 

[q8ya-barby19]

سوري بنات مو بربيش درب اقصد

 

[Joy close]

رد : الحمد الله تمت عمليتي بنجاح

الحمدلله ع السلامه والله يرزقك بالحمل يااااارب

 

[q8ya-barby19]

قعدت الساعه خمس خذوني على طول للغرفه وياني الدكتور وقال لي يالله مشي وما كنت لابسه نطرني حرام لين لبست وطلع ماقدر ينطر اكثر ههه مالحق يشوني امشي اشوه لان الدكتور بمشي خمس دورات ع الجناح كله وانا درت دورتين
الالم محتمل واهما مايقصرون مسكنات
ثاني يوم ياني دكتور من المستشفى وقال لازم اشرب ١٥ ملي ماي كل ربع ساعه
اول مره شربت استفرعته مع دم شوي عزكم الله
بعدين صار على شوي شوي اتقبله بس موكل ربع ساعه

ثالث يوم شالو البربيش كان بفتحه بالبطن ع اليسار
ويا الدكتور خالد وقال تشربين ماي كل ربع ساعه ٣٠ ميلي
وع الساعه ١٢ يابولي شوربه وجاي وعصير شربت العصير
وطلعت للبيت
خذو المستشفى تقريبا ٢٠٠ الا شي بسيط
وادعولي الله يتمم علي وانزل بصحه وعافيه

 

[al7nooona]

الف حمدالله على سلااااااااااااااااااااااامتج

والله يتمم عليج وتنزلين بصحه وعافيييييييييه ان شاءالله

 

[q8ya-barby19]

الله يسلمج حبيبتي

 

[ام لجووونه]

الحمدالله على السلامه حبيبتي
بس بأي مستشفى سويتي العمليه ؟ ومواعيد الدكتور حق العمليه بعيده والا قريبه؟

 

[q8ya-barby19]

الله يسلمج
سويتها بالسلام والدكتور بالعكس قال لي متى تبين تسوينهاوانا حددتها