الحمدلله على كل حال.. اجهضت.. ممكن تتفضلون؟؟

[أم علاي]

السلام عليكم و رحمة الله وبركاته



انا كنت حامل بالاسبوع السابع وحاشني نزيف واجهضت .. الحمدلله على كل حال


خواتي بغيت اسألكم


الحين الدكتور وصفلي حبوب للتنظيف لمدة اسبوع

سؤالي اهو .. هل الحين وضعي نفس وضع الوالدة .. نفاس و ادوية واعشاب هالسوالف؟؟

وهل هالحبوب هذي تنظفني عدل ويرد كل شي طبيعي بعدين وما احتاج شي ثاني ؟؟



يا ليت اللي عندها خبرة تفيدني وبكون شاكرة لكم

 

[للصبر اخر]

رد : الحمدلله على كل حال.. اجهضت.. ممكن تتفضلون؟؟

الله يعوضج يارب ويرزقج بالذريه الصالحه
بالنسبه للنفاس مادري احس يبيلج راحه مابين 10 ايام واسبوعين على حسب صحتج
والادويه تقدرين تاخذينها علشان تنظفين
عن تجربه اجهضت 3 مرات بس اول مره تنفست لانه كبير بو 6 شهور اما الباجي لا والله ارتحت اسبوع وبعدها كل شي طبيعي

 

[أم علاي]

اي صج نسيت ...


يبيلي ترديد بعد لا شلون ؟؟

 

[جذابه بنت ذيابه]

رد : الحمدلله على كل حال.. اجهضت.. ممكن تتفضلون؟؟

ام علاي


الله يعوضج باللي احسن منه ياررب



عن تجربه اجهضت مره وحده


تنفسي لمدة عشر ايام

ودويات واعشاب وكل شي
واكلي اترسي بطنج .. عشان ترد عافيتج
وحيلج بعصير قمر الدين وعصير الطماط


والله يرزقج يارب

 

[ريمي74]

الله يعوضج خير
بس 7 اسابيع يكون كيس ولين الحين يمكن ماتكون الجنين
هذا طبعا في بعض الحالات
اهم شى ريحي نفسج مدة اسبوع غلى الاقل
وعن الحبه اللي كتبها لج الدكتور انا كنت اخذها مدة 3 ايام بس
لانها تسبب انقباض للرحم
ولمن يوقف عليج الدم روحي سوي سونار احسن علشان تتاكدين انه مافي بقايا ""
وماجوره ان شاء الله

 

[ناتشوو]

بالنسبة للاكل
احرصي اكل دافي
مشروبات ساخنة
انا اجهضت وكان الحمل اقل من شهرين
اسبوع نزل دم
ورحت عقبه سويت سونار اتأكد ماكو بقايا في الرحم
وريحت اسبوع بعد عقبه( دلعت نفسي وتسوقت)
ورديت بيتي

بالنسبة للحبوب هذي تساعد الرحم يطرد البقايا وبعدين كون حملج كان في بدايته ماامداه الرحم تغير حجمه او مكانه
وآخر يومين استخدمي تحاميل الجلسرين او البيتادين وان شاء الله سهالات

وربي يعوضج ان شاء الله

 

[ملكه الحطب]

حمد الله على سلامتج

والله يعوضج يااااااااااارب

 

[++The DuchesS++]

الله يعوضج يارب
حاولي تريحين نفسج اسبوعين على الاقل
وشربي ادويه اللي تنظفج نفس النفاس
عشان تنظف رحمج عدل

 

[غنوة ستايل]

ياقلبي وضعج مو نفاس نفاس
اقل شوي من النفاس . استمري على حبوب الطبيب . بس الجنين كان في نبض او لا ؟
لان هذا يختلف . اذا في نبض نفاس كامل . يستمر معاج حوالي 20 يوم
لو مافي نبض بس جيس ونزل فهذا نص نفاس . بس بعد يبي عنايه يعني قولي 15 الى 14 يوم دم بعدين خلااص تنظفين .

الاهم من هذا كله اخذي بالج من البرد ـ لا تشربين ولا تاكلين بارد ولا غازات

 

[أم بشبوشة]

الحمد الله علي السلامة عن تجربة 7 مرات اجهاض لا تهملين نفسج و اخذي هالحبوب لأن وايد البيبي صغير حرام تسوين تنظيفات و ارتاحي اسبوع كافي و سوي التحاليل قبل ما تفكرين بأعادة تجربة الحمل و الله يعوضج انشاالله

 

[BiiShOoO]

الله يعوضج ياارب

انا مثلج اجهضت و بس ريحت اسبوع و خذيت سوالف النفاس

 

[حجيه هيونه]

البنات ماقصروا


ولا يضيق خلقج انا هم اجهضت وحاشتني كآبه بعدها اسم الله عليج


ان شاء الله ماتدور السنه الا والياهل بحضنج

 

[بـاسي قــوي]

رد : الحمدلله على كل حال.. اجهضت.. ممكن تتفضلون؟؟

ربي يعوضج

 

[أم علاي]

مشكوووووورين يا بنات كلكم اللي رديتوا وماقصرتوا

انا الحجي صار معاي مت ١٠ ايام وهذت علاج ابر وحبوب مثبت وقف الدم ٥ ايام وامس رد علي بس وااااايد

رحت سويت سونار قالولي في جيس بس مافي بيبي نطري جم يوم يمكن يبين مع اني بالاسبوع السابع

واليوم ماقدرت اتحمل الالم والعوار والنزيف رحت حف الدكتور قالي انتي اجهاض

ومابي اسويلج تنظيفات لان الجيس نزل ومافي شي بالرحم غير الدم اخذي الحبوب تنظفج واذا بعد يومين ماوقف الدم لازم تنظيفاات
‏
بس يماااااااااا يالعواااااااار جني قاعدة اولد وااااايد تعبانة وليلحين مو قادرة انام

الحمدلله على كل حال والخيرة فيما اختاره الله



اوكي يعني ابلش من الحين بالدوا ومشروبات النفاس عدل؟ لين ما انظف عدل؟

 

[رووحي لغاليها]

رد : الحمدلله على كل حال.. اجهضت.. ممكن تتفضلون؟؟

الله يعوضج باللي احسن منة يارب
وانا اجهضت خمس مرات ارتاحي 10 ايام الطبيب مسوي تنظيفات يعني الرحم نظيف وللة الحمد وعسى اللة يرزقج بالذرية الصالحة

 

[ديانا سبنسر]

الله يعوضج يارب

 

[ناتشوو]

مشكوووووورين يا بنات كلكم اللي رديتوا وماقصرتوا

انا الحجي صار معاي مت ١٠ ايام وهذت علاج ابر وحبوب مثبت وقف الدم ٥ ايام وامس رد علي بس وااااايد

رحت سويت سونار قالولي في جيس بس مافي بيبي نطري جم يوم يمكن يبين مع اني بالاسبوع السابع

واليوم ماقدرت اتحمل الالم والعوار والنزيف رحت حف الدكتور قالي انتي اجهاض

ومابي اسويلج تنظيفات لان الجيس نزل ومافي شي بالرحم غير الدم اخذي الحبوب تنظفج واذا بعد يومين ماوقف الدم لازم تنظيفاات
‏
بس يماااااااااا يالعواااااااار جني قاعدة اولد وااااايد تعبانة وليلحين مو قادرة انام

الحمدلله على كل حال والخيرة فيما اختاره الله



اوكي يعني ابلش من الحين بالدوا ومشروبات النفاس عدل؟ لين ما انظف عدل؟

الله يعوضج يارب
وماتشوفين شر
ايه ابدي دام للحين فيه دم
انا جربت هالحبوب
صح الم ومغص بالبطن
بس انا كان اقل من يوم الالم وانتهى
سبحان الله من جسم لي جسم يفرق
عالعموم كله اجر وعافية

 

[أشرق الأمل]

اللة يعوض عليج بالحمل السليم والذرية الصالحة يارب

 

[bto0olah]

الله يعوضج خير انشالله ويرزقج عن قريب

 

[حرم_طيار]

رد : الحمدلله على كل حال.. اجهضت.. ممكن تتفضلون؟؟

تنفسي حبوبه

شربي زعتر- بابونج-دارسين- كراويه

الله يعوضج ان شالله