مرحبا بنات ...
الحمدالله و بفضل الله ولدت بالسلامه يوم 20 يوليو و موعدي كان 24
مبروك حق كل وحده ولدت و الله يسهل على الحوامل
اللى صار معاي باختصار ان انا من اول التاسع معاي طلق بس بارد و لا كنت امشي و لا كان في جماع و لا اخذت شي يساعد و لاني كنت ناويه اولد بالصباح كنت لما احس بالام اروح لهم و كل ماروح يسون لي تخطيط يقولون لي في طلق و الرحم مفتوح بس سانتي
تميت لغايه اخر التاسع تقريبا يعني كان باقيلي 4 ايام و اخلص شهري تعبت و تعذبت من الطلق البارد و مستشفي الصباح الله يسامحهم عذبونبي و بهذلوني زياده كل يوم يسون لي دخول و مايولدوني المهم اخر مره طلعت من عندهم و انا نفسيتي تعبانه كان الحجي هذا الساعه 12 الظهر اخذني زوجي و شاف حالتي و نفسيتي حيل تعبانه قالي يلا نروح الراشد و اولدي عندهم لان انا كنت اراجع عندهم طول فتره الحمل المهم قتله لا ابي اروح مستشفي اقدر ادخل احد معاي الولاده لان باخذ طلق صناعي و راح اطول و وجودك انت و امي راح يمكن يهون علي قالي كيبفج وين تبين قتله نروح مستشفي لندن الحين و نشوف شنو راح يقول الطبيب طبعا انا ماكان فبالي اى دكتور و كنت ادري ايفا احسن وحده هناك
رحنا المستشفي و دخلت عند ايفا و شرحتلها وضعي قالتلي ماكو مشكله نولدج اليوم اذا تبين بس اللى بيولدج دكتوره سحر مصريه لان ايفا منتهي دوامها قتلها ماكو مشكله ... انا الحين بروح البيت اجهز نفسي و اجيكم قالت اوك
رحت البيت تسبحت و جهزت الاغراض و اخذنا امي و رحنا المستشفي زوجي سوالي دخول على طول و يت الدكتوره السحر الصراحه قمه بالاخلاق و بالها طويييييييييل اهم شي كان عندي طوله بال الطبيب فحصتني قالت واحد سانتي و سوتلي سونار و قالتيلا روحي غرفتج علشان يجهزونج
رحت و جهزوني من تحاليل و تخطيط و غيرت ملابسي و الحقنه الشرجيه الحجي هذا الساعه 2 الظهر يتني الدكتوره الساعه 3 حطتلي تحميله وحده و قالتلي الساعه 5 قومي امشي بالغرفه شوي علشان الساعه 6 تدخلين الولاده قلت اشفيها هذي مستعيله تو الناس على مايتبطل الرحم بس وجود امي عندي كان متطمني و زوجي راح البيت ينام تضايقت ان خلاني بس قلت يلا خليني باللي انا فيه الحين
اشتغل العوار علي من الساعه 4 العصر و انا بلشت صراخ دخلوني الساعه 6 الولاده وفحصتني قالت 4 سانتي لغايه الحين
قلت الحمدالله ان فتح بسرعه بس طبعا و اهي تفحص انا صراااخ و امي كل ماتشوفني اصرخح تنحاش بره
بطتلي ماي البيبي و راحت اجاني زوجي الساعه 8 و انا مخدره و نص صاحيه و نص نايمه مو حاسه باحد من اللى حواليني سال الدكتوره متى تولد المره قالتله بعد ساعه و نص انشاءالله و فحصتني قالت الحين 5 سانتي
زوجي قال انا بروح اصلي مدام للحين باقي ساعه و نص
اهو بس طلع مني و انا صراخي زاد قالتلي تبين ابره الظهر قتلها لا تبين كمام قلت لا بتحمل قبل لا تمشي قتلها دكتوره بسوي بوش قالت لا تو الناس انتي بس 5 سانتي قتلها انا حاسه بجذي و اصرخ و ادفع اصرخ و ادفع جان تجي على طول تقص و تجهز العده و ثالث دفعه نزلت بنوتي بعدها ماحسيت بشي الا و انا بغرفتي
الحمدالله التساهيل من رب العالمين
طولت عليكم ماعليه
على فكره الولاده كلفتني 300 دينار غرفه خاصه مع علاجي و علاج للبيبي و فحوصات بعد للبيبي بسسسسسس
و هم بخصوص الدكاتره كلهم زينين و بالهم طويل و مبتسمين على طول و خصوصا سحر
الحمدالله و بفضل الله ولدت بالسلامه يوم 20 يوليو و موعدي كان 24
مبروك حق كل وحده ولدت و الله يسهل على الحوامل
اللى صار معاي باختصار ان انا من اول التاسع معاي طلق بس بارد و لا كنت امشي و لا كان في جماع و لا اخذت شي يساعد و لاني كنت ناويه اولد بالصباح كنت لما احس بالام اروح لهم و كل ماروح يسون لي تخطيط يقولون لي في طلق و الرحم مفتوح بس سانتي
تميت لغايه اخر التاسع تقريبا يعني كان باقيلي 4 ايام و اخلص شهري تعبت و تعذبت من الطلق البارد و مستشفي الصباح الله يسامحهم عذبونبي و بهذلوني زياده كل يوم يسون لي دخول و مايولدوني المهم اخر مره طلعت من عندهم و انا نفسيتي تعبانه كان الحجي هذا الساعه 12 الظهر اخذني زوجي و شاف حالتي و نفسيتي حيل تعبانه قالي يلا نروح الراشد و اولدي عندهم لان انا كنت اراجع عندهم طول فتره الحمل المهم قتله لا ابي اروح مستشفي اقدر ادخل احد معاي الولاده لان باخذ طلق صناعي و راح اطول و وجودك انت و امي راح يمكن يهون علي قالي كيبفج وين تبين قتله نروح مستشفي لندن الحين و نشوف شنو راح يقول الطبيب طبعا انا ماكان فبالي اى دكتور و كنت ادري ايفا احسن وحده هناك
رحنا المستشفي و دخلت عند ايفا و شرحتلها وضعي قالتلي ماكو مشكله نولدج اليوم اذا تبين بس اللى بيولدج دكتوره سحر مصريه لان ايفا منتهي دوامها قتلها ماكو مشكله ... انا الحين بروح البيت اجهز نفسي و اجيكم قالت اوك
رحت البيت تسبحت و جهزت الاغراض و اخذنا امي و رحنا المستشفي زوجي سوالي دخول على طول و يت الدكتوره السحر الصراحه قمه بالاخلاق و بالها طويييييييييل اهم شي كان عندي طوله بال الطبيب فحصتني قالت واحد سانتي و سوتلي سونار و قالتيلا روحي غرفتج علشان يجهزونج
رحت و جهزوني من تحاليل و تخطيط و غيرت ملابسي و الحقنه الشرجيه الحجي هذا الساعه 2 الظهر يتني الدكتوره الساعه 3 حطتلي تحميله وحده و قالتلي الساعه 5 قومي امشي بالغرفه شوي علشان الساعه 6 تدخلين الولاده قلت اشفيها هذي مستعيله تو الناس على مايتبطل الرحم بس وجود امي عندي كان متطمني و زوجي راح البيت ينام تضايقت ان خلاني بس قلت يلا خليني باللي انا فيه الحين
اشتغل العوار علي من الساعه 4 العصر و انا بلشت صراخ دخلوني الساعه 6 الولاده وفحصتني قالت 4 سانتي لغايه الحين
قلت الحمدالله ان فتح بسرعه بس طبعا و اهي تفحص انا صراااخ و امي كل ماتشوفني اصرخح تنحاش بره
بطتلي ماي البيبي و راحت اجاني زوجي الساعه 8 و انا مخدره و نص صاحيه و نص نايمه مو حاسه باحد من اللى حواليني سال الدكتوره متى تولد المره قالتله بعد ساعه و نص انشاءالله و فحصتني قالت الحين 5 سانتي
زوجي قال انا بروح اصلي مدام للحين باقي ساعه و نص
اهو بس طلع مني و انا صراخي زاد قالتلي تبين ابره الظهر قتلها لا تبين كمام قلت لا بتحمل قبل لا تمشي قتلها دكتوره بسوي بوش قالت لا تو الناس انتي بس 5 سانتي قتلها انا حاسه بجذي و اصرخ و ادفع اصرخ و ادفع جان تجي على طول تقص و تجهز العده و ثالث دفعه نزلت بنوتي بعدها ماحسيت بشي الا و انا بغرفتي
الحمدالله التساهيل من رب العالمين
طولت عليكم ماعليه
على فكره الولاده كلفتني 300 دينار غرفه خاصه مع علاجي و علاج للبيبي و فحوصات بعد للبيبي بسسسسسس
و هم بخصوص الدكاتره كلهم زينين و بالهم طويل و مبتسمين على طول و خصوصا سحر
