الحمام المغربي الملكي والبقع الداكنة

[blackcat2010]

بنات انا ناوية ان شالله ابدي بالحمام المغربي كل اسبوعين بصالون واخذه ملكي حابه اعرف هو صج يشيل البقع الداكنة من الجسم و لا بس حجي الي جربت ممكن تفيدني وجم مره تنصحونه اسويه بالشهر خاصة ابي يروح البقع

 

[ام عبد العزيز م]

الحمام المغربي ادا كان مع الخلطات مالت الحمام المغربي اكييييد تشيل البقع وتوحد الون

 

[نوف الصقعبي]

حياتي لازم تسوين حمام مغربي لنظافة جلدج موبس عشان يكون همج التبييض

مثل اللي يقول اتسبح اصير ابيض وله لأ

تخيلي فى جلد لازق طبقات فوق جلدج الحالي من سنين ودهور
ومهما تستعملين من كريمات ماراح اتييب معاج اى نتيجة تذكر
لان جلدج محجوب بفعل الجلد والمتراكم عالمسامات والبشره

انتى بنت وانثى لازم تسوين حمام مغربي بشكل دوري سواء بالشهر مره او مرتين بالشهر
اما مسالة تنسين نفسج للابد وماتسوين مغربي هذا شي صعب
انتى بنفسج لما تسوين مغربي راح تنصدمين من الاشياء اللي راح تطلع وتطيح من جسمج

فما بالج اذا عمرج ماسويتي مغربي
مويمكن يطلع تمساح

ههههههه طبعآ اتغشمر واحب اضحك

ترى حتى انا وخواتى لما نسوي مغربي وحده تعلق عالثانيه
اللي تقول طلع مني حراشيف واللي تقول طلع مني فتايل هذا واحنا مواضبين عالمغربي
يعنى انتى بتشوفين فرق شاسع لما تسوين ومو مره وخلاص لا سوي كل شهر اقل شي مره

ولاتعرضين بشرتج لا للشمس ولا للعطور نهائيآ تبين تتعطرين رشي عالملابس

العطر على الرقبه يسوي سوااااااد وكذالك عالجسم سوااااااااااااد

واضف على المغربي اشتري لج كريم من صيدلية بوتس اسمه فير اند وايت
قولى لها ابي اقوى شي للتفتيح والتوحيد اهو بالحليب اقل من 20 دينار
ويقعد معاج اكثر من شهر وممتاز مع وضعه مرتين الى 3 مرات باليوم على جلد نظيف طبعآ

واشتري صابونة فير اند وايت البرتقاليه البيضاويه الخشنه للتبييض

حلوه العنايه بالنفس

انا اسوي حمام مغربي من قبل ما اتزوج والله العظيم
ليش انطر لين اتزوج واخلى زوجي ينصدم من ضيم وبلاوي جسمي

وانا لانى حملت اكثر من مره الحمدلله ف زدت شويه الجيله بل اهتمام ببشرتي مومعناته ان يكون عندنا بشره صحيه نهمل عمرنا ونقول ليش ناكل فايتمن ليش نهتم بعمرنا احنا زينين مانحتاي اهتمام لا طبعآ نظريه خطأ​

 

[نوف الصقعبي]

ام عبدالعزيز منى عيني تصغرين الاعلان مالج الصوره وايد كبيره وتخلي الصفحه بطيئه حيل​

 

[عجينه]

سوي لج اشتراك بصالون مرتين بالشهر او مره اللي يناسبج

وفي البيت السبوح العادي لازم مايخلى من صابون مغربي او الخلطه الصابونيه بالاضافه الى خلطات تسوينهم هرده سنفره كاب

اوالعروسه وحليب بودره اي شي يناسب جسمج مع الاستمرار بـِِـ تشوفين نتيجه حلووه

 

[ام عبد العزيز م]

ان شاءالله نوف من عيوني

 

[blackcat2010]

هلا خواتي انا مهتمة بس لان ابي شي يبيضني ويطلع لي جسم موحد و انا قبل كنت بيضة بس مع الشمس تسمرت و تسمر جسمي حييل و ابي ارد لوني مثل فاخترت ان اسوي كل اسبوعين حمام مغربي عشان يرد لوني فاتح

 

[blackcat2010]

وطبعا قاعد افكر بس اسوي ملكي لان فيها خلطات تبييض اكثر

 

[نوف الصقعبي]

فديت قلبج اختى ام عبدالعزيز وعلى راسي من فوق

خلي الاعلان بس الصوره حجمها كبير هذا قصدي ​

 

[نوف الصقعبي]

فديتج انا اسوي المغربي العادي ونتيجه وايد حلوه
اهو اهم شي ان تفركج عدل هذا الاهم من وجهة نظري
اما الباجي ف علي انا
من عنايه وكريمات توحيد وحبوب توحيد وغيره​

 

[نوف الصقعبي]

كبدايه سوي كل نهاية دورة شهريه حمام مغربي عشان جسمج وجهازج التنفسي ياخذ عليه​

 

[أميرة-]

ماشوف المغربي يبيض بس تحسين بنظافة


انا اسويه بشهر مرتين يعني كل اسبوعين او 3 وليلحين ركبي سود هههههههههههههه شنسوي علامة الجودة هذي ماتروح لو نغسل بكلوركس

 

[نوف الصقعبي]

اميره حياتي المغربي يوخر كل سموم الجسم الخارجيه المتراكمه مثل الجلد الميت

بعدها يكون جلدج نظيف تمامآ ويتقبل اى كريم بسهوله وسرعه فائقه

يعني شي يكمل شي

بعد الحمام المغربي لازم تعتنين بكريمات التوحيد

كريمات التوحيد ماراح تعطي اى نتيجه تذكر بدون مايكون الجسم متفرك صح ومتنظف عدل عن طريق البخار اللى اهو المغربي

عشان جذي موقاعده تستفيدين شي

المغربي يبيله اهتمام وعنايه

كريمات طبيه فير اند وايت

ليمون تفركين فيه الركب والكوع والمفاصل والابط

الهرده

وانتى بالحمام المغربي بس تخلصين تفركين بصابونة فير اند وايت وتخلين الصابون على جسمج 10 دقايق عشان تستفيدين صح من كل شي

الركب دايما يبيلهم ترطيب ترطيب ترطيب
الترطيب يساعد وبقوه على ازالة السواد
كل يوم فركي ركبج بليمون حتى وانتى قاعده
بعد ماتغسلين اركبج دهنيهم بزيت زيتون
​

 

[فوشيـأ]

واايد بنات اعرفهم افتحو من المغربي

 

[فوشيـأ]

واايد بنات اعرفهم افتحو من المغربي​

 

[ام عبد العزيز م]

ادري والله يا نوف حبيبتي والله راح اسويه ان شاءالله كتير قالولي بعد قلبي والله يا نوف

 

[أحلى البشر]

انا اسويه مره بالشهر بعد كل دوره واحس بالنظافه والنعومه اما بياض وتفتيح ماشوووف فرق

 

[أدعج غنج]

انا كذلك محافظه على اني اسوي بنفسي الحمام المغربي (خوفا من الحرام والتكشف ) وتطلع بلاااوي...بس ما لاحظت تفتيح كبير باللون
اما توحيد اللون والنعومه ...اووووف حدث ولا حرج ما شاء الله صج نظااافه وحلاوة وطراوه هههههه

 

[مـهـاآ]

ااب