الحل لفعال للخطوط البيضاء.......

[سماسم 6]

بنات ساعدوني من فتره طلعت عندي خطوط بيضاء خفيفه في الموخرة:eh_s(2): وبعدها زادت وبدت واضحه واللحين في اثار خفيفه طلعت فوق الركب ابي حل ابي حل الله يسعدها اللي تعطيني حل لها بعرف شنواسبابها وليش تطلع؟؟ ابي اي كريم او خلطه تكون مجربه ونفعت معااكم

 

[يسحرني بنظراته]

امممممممم انصحك ترطبي جسمك بشكل كثيف جداً
ولا تزيدي وزن اساسا مصيرها تروح بشكل تدريجي
موفقه يارب

 

[سينامون]

حبيبتي هذي اسمها stretch marks

خطوط التمدد العامل الرئيسي لظهورها اهو نقص الكولاجين الي موجود في الجسم
من التعرض للحرارة و السباحة بماي حار و طبعا الظعف او المتن السريع مع جفاف البشرة

طبعا طبيا مالها علاج بس في مستحضرات تقلل من ظهورها

و يقال ان في اجهزة عن دكاترة التجميل ممكن تروحها

انا وايد قارية عنهم لاني كنت اعاني من هالمشكلة من بداية سن البلوغ

طبعا كنت يائسة من هالموضوع لين لقيت الحل بمنتدى وحدة الله يوفقها

و يفتحلها كل باب مسكر و يعطيها خير الدارين

الادوات : مفراكة بيضة من الحواي و زيت زيتون اردني طبيعي ( تحصلينه بالجمعيه عند راعي الجبن)
فازلين بالكولاجين فازلين جلي
الطريقة: تفركين المنطقة الي فيها الخطوط حركة دائرية عالناشف طبعا اول مره راح اتعورين
و اليلد راح يتقشر معاج تحملي ميخالف و تفركينها لين الخط الابيض يصيرلونه احمر
و تاخذين زيت الزيتون تدلكين فيه المنطقة تسوين مساج عميق بالزيت لمدة نص ساعة

و بعديت تسبحين و تدهنين بفازلين جلي مع الكولاجين و تنامين

تكررين العمليه كل يوم لين تختفي معاج الخطوط

و راح تحسين بالفرق من اول مره

كل اسبوعين تسوين حمام مغربي عشان تقشرين البشرة

هالله الله بالترطيب موفقه حبيبتي

ادعيلي بالذرية الصالحة

 

[حنانو 89]

انا استعملت كريم من الصيدلية ماركة viola حييل حلوو وصراحه فاد معاي بس المشكلة ان انا لما قطعته ردت الخطوط وبشتري واحد ثاني بس للامانه انا لما استعملته خفت الخطوط وتقريبا اختفت وقطعت الكريم ما كملته يمكن عشان جذي رد لي مرة ثانيه واهو سعرة 8 ونص وعلبته من برا عنابي

 

[krkooora]

زبدة الشيا الخام

 

[((غلاي))]

لازم ترطبين جسمج دايم
و لاتمتنين حاولي وزنج يثبت

 

[سماسم 6]

مشكورين بنات
بس شنو لاامتن صدمتووووني انا وزني 39
لازم امتن وادور على خلطة تسمني

 

[سينامون]

يختيي ياحلوج

شكلج عنونه بنوته مو متزوجة

نصيحة وخري عن الخلطات و خلج طبيعية لاحقه عالمتن

انا قبل كنت عصله و الموضوع كان متعب نفسيتي

يوم كشت بكلام الناس زاد وزني لا و بعد مع الزواج متنت الي قمت اسوي ريجيم

و عادي لو زاد وزنج طول ما انتي اتدهنين بكريمات فيها كولاجين مثل زيت الزيتون و زبدة الشيا او اي كريم ثاني

بس اهم شي لا تهدين الترطيب

موفقه حبيبتي

 

[FuNtk]

زيت زيتون مع زبدة الشيا الخام
و تدهنين الجسم فيه


مع الوقت تخف الخطوط

 

[&موناليزا&]

عزيزتي رفع لعيوووووووونج

 

[عذبة الروح..]

انا عندي بعد خطوط قاعد استخدم مرطب فازلين بزبدة الكاكو ، بس النتايج بطيئه حيل

 

[dla3_princess]

في خلطات سهله تساعد ان توخرهم بسحبيبتي ترا هالشي حيييل طبيعي

لا يضيق خلقج و ترا وااايد ناااس فعلاااا رااحت منهم الخطووط بإذن الله تقدرين

تدهني عدل و حطي زيوت و كريمات و في خلطة بالمنتدى خطيييرة انتشرت و وااايد بنات مدحوها

اذكر اسم العضوة ماي ورد

كاتبه موضوع عن هالشي و بصراااحه خيااااااااليه طريقتهاااا عجيييبه بتشووفين فررررق انشالله


مووووووفقه