الحل لشعر الاطفال الناعم اللي يتلفلف

[توست محمص]

صباحكم ورد حبيباتي
شلونكم
تعبت من عيالي وشعورهم قلت مالي الا انتوا
الحين قرب الصيف والحر
الله يعين
مثل ما كتبت لكم بالعنوان الشعر الناعم اللي يتلفلف وش الحل معه
انا بقواكم طريقتي لكنها للاسف مؤقته ما تدوم وايد
واللي عندها شي تضيف لنا بلييييييييز
مثلا ولدي عمره سنتين اول ما اسبحه امشط شعره والبسه القبعه
وانطره ينشف
واشيلها يا زينه ويا حلاته يصير مرتب ويهبل
جم ساعه بس ومع اللعب والركض
يرجع مثل ما كان
وانا ما اقدر اشوفه جذي لازم مرتب
من ورى امنا بالله ممكن اطوف لكن الشعر من جدام لا ما اقدر
خاصه اني ساكنه ببيت حمولتي واهم دقيقين وايد بهالشكل والمظهر
فكرت بالسدر تهقون يمقط الشعر لكن متردده خايفه اجرب والحنه يغير لون شعورهم ما ابي
شرايكم
يارب الاقي عندكم حل يدوم ياااارب:yaaaaaarb:​

 

[أميرة طفولتي]

نفس المشكله بالضبط 

ولدي عمره جريب السنه ونص
الشعر نفسه ناااعم بس كيرلي
جنه مسوي ويفي هههههههه

جان زين انا شعري يضبط جذي لمن اسويه 
ياريت احد يعطينا حلول 

 

[ريح قهوه]

نفسي انا بنتي ناعم بس ملتف ولما اطقه استشوار يطلع شحلاته بس مع اللعب يرد اخيس من قبل


اي والله نبي شي يخلي شعورهم مرتبه مثل ماهي؟؟

 

[عنووشه]

نفس المشكله بنتي سنه واربع شهور


ناعم بس ملفلف

شنوووو الحل


ناطره بس الصيف وبحنيه اخليه يثقل وينزل ما يتلفلف يمكن ينفع

 

[حرم_الغلا]

نفسسسس ولدي شششعر ناعم بس يتلفلف وابوووه الله يهداه مايبي يحلقه بس تحديد


ابببببببي حل :eh_s(2):

 

[عشماويه]

آنا ما ارتحت إلا لما حلقت شعره

طولت شعره ست شهور وقبل جم يوم قصيته

ولدي نفس الحاله وبكل زواره حده ساعه أو اقل ويلف شعره ويتبهدل

وكنت اتعب نفسيا وانا اطالعه وودي أقوم اطلع المشط وامشط شعره بس أخاف ينقدون عليّ الحريم

فمالكم إلا المقص ههههه

 

[حرم_الغلا]

عشماويه ياويييلي عالمقص بس ابوووه مو راضي بس تحديد والله تفشلت اللبس مرتب والريحه حلوو والشعر خرب السالفه كلهااااااااا

 

[فجوره]

واااااااااااااااي بنات طلعت مو بس أنا للي أعاني حتى ولدي جذي شعره ناعم
شحلاته بس يلف عالطول ولازم المشط معاي بالجنطه امشط له اذا عند اهلي طاااف عادي
بس عند حمولتي اذا برتبه يا اذا ما في احد أو اخذه الحمام ارتب شكله وعندي حل بس مؤقت طبعا

أول شيء الشامبو للي أستخدمه له مع البلسم صانسيلك

ومرات جونسون

أول ما أسبحه أرش على شعره من هالبخاخ

وأمشطه عدل لين ما الشعر كله يكون سيدا وبعدها أخذ من هالبلسم
وأحطه على شعره لا تحطون اشووي ولا وايد وسط على حسب الشعر

وبعدها أمشط شعره وأحط من كريم جوز الهند على شعره يعني اكثر منه بالمعقول
ما راح يزيت الشعر لانه يخلي الشعر حلو فتره طويله بنات أنا استخدم الجديد للشعر العادي
مكتوب عليه قولد بس ما لقيت صورته بالنت الا القديم

وبعدها قعدي مشطي شعره لين ما يطخ عدل وحسيتي انه تعدل حطي اي نوع سيروم
عندج يحلي الشعر أكثر أنا أحط لوريال

وبعد ما تخلصين كل هذا لبسيه كبووس عشان شعره يظل نايم لفتره طويله وانتي طالعه
زوارتج شيلي الكبوووس


يمكن الخطوات طويله بس بالتنفيذ ما تاخذ منج وقت كل وحده على حسب طول
شعر بنتها أو ولدها


وطبعا أنا مابي أقعد اقص بشعره لانه ما راح يتعدل فلازم اهتمام يمكن يتعدل


وبالاسبوع مره أو مرتين أدهن شعره بزيت السمسم أو زيت الزيتون أو جوز الهند
وقبل لا ينام بالليل أدهن شعره بزيت الأطفال العادي وألبسه الكبوس


وان شاءالله تستفيدون من تجربتي ..



​

 

[فجوره]

واللي بنتها أو ولدها أعمارهم فوق السنتين سوا لهم حنة التنعيم وايد تاجرات يبيعونها
أو كراتين للاطفال وايد سمعت مدح من الحنه والكراتين وتفتكون من اللويه







​

 

[نـعـومـه]

مادري ليش ماشوفها مشكله

بنتج ولا ولدج طبيعه شعورهم جذي الناس ماراح تنقد

 

[ReDLOve]

حطو على شعوورهم بيبي جونسون بالصبار اينن حق اليهال

و دهون بزيت السمسم ينعم الشعر

 

[hneen2]

والله نفس المشكله ان شالله نلقا حل شعر بنتي ناعم بس ملفلف لما استشوره بصالون اطفال اينن بس انا ما احب كل طلعه استشوار ابي شي طبيعي استخدمه لها تطيح اللفات

 

[توست محمص]

واي يعني مو بس انا
فجوره خطواتج وايد احس يزبت الشعر وولدي شعره قليل مو كثيف
اما الكيراتين وحنه التنعيم لحس صعبه اطفاااااااااااال مساكين
ان شاء الله نلقى حل واللي تجرب شي تقول لنا
انا للحين براسي فكرة السدر اتوقع يمقط الشعر

 

[فجوره]

واي يعني مو بس انا

فجوره خطواتج وايد احس يزبت الشعر وولدي شعره قليل مو كثيف

اما الكيراتين وحنه التنعيم لحس صعبه اطفاااااااااااال مساكين

ان شاء الله نلقى حل واللي تجرب شي تقول لنا

انا للحين براسي فكرة السدر اتوقع يمقط الشعر

لا والله مو وايد بس عشان مو متعوده عليها أنا هم ولدي شعره اشوي
بس كللللش ما يزيت لانه مختاره أنواع ما تزيت الشعر وتقدرين تجربين
وراح تشوفين النتيجه بعينج وااااايد حلوووه شعر مفرود وناعم ولامع
أما السدر ما عندي فكره عنه اللي اعرفه يكثف الشعر ما يفرده أما الحنه حلوه
واهي للي تساعد على فرد الشعر







​

 

[أم حورية]

فجووورة حرااااام لا تلعبين بشعر الياهل

الزيوت اوكي بس الكريمات والسيروم والبلسم كثرتهم موووزينة كلها كيماويااات تاثر ع فروة رااسهم والله موزين

انا عندي بنتي جذي بس شسوي طبيعة شعرها جذي

اذا زيوت وحنة اوكي بس ليش العب بحسبتها وتالي الله يقوله يصير فيهم مرض لا سمح الله

ايهم احسن بعييييد الشر المرض ؟ ولا شعرهم ؟؟ خلااص هذي طبيعة شعرهم وهذي خلقة الله*احاول باللي مايضرهم

وصدقوني دام الياهل مرتب ونظيف محد راح ينقد واللي بينقد هذا ناقص لان هالشي مو بيدج

الولد لازم حلاقة اول باول والبنت ينلم شعرها وخلاص

ع فكرة في مادة موجودة ابعض الشامبوات والبلاسم مسرطنة

الله يكافينا الشر والله يحفظ عيالنا من كل شر يارب

وسوري مو قصدي اخرعكم بس والله احبلكم الخير

ديرو بالكم لا تغركم المظاهر وتنسون صحة عيالكم

 

[Rayoma2]

ياحلاتهم والله بالكيرلي
يهبلون الله يحفظهم لكم

 

[عشماويه]

فجور وايد على ولدج كل هذا


ماشاء الله بس آنا ولدي أركض وراه عشان أمشط شعره هالدور كل هالكريمات


أمهات البنات الله يعينهم بس الأولاد عادي ما له داعي هالخطوات كلها والله حرام بتخربين شعره


...


إذا تلاحظون الأفلام الأجنبية عيالهم الشعر كله كيرلي ويطولونه بعد


إحنا الظاهر متعقدين يا ستريت يا ماكوو هههههه

 

[om_3azoz]

في كيراتين بحلاق اليهال سالو عنه يمكن ينفع

انا بنتي الحين عمرها 4 شهور وجم يوم من تعرق شعرها يصير يضحك حتى ولدي الكبير جذي كان ويوم كبر تغير صار ناعم وطويل

مره وحده من اهل خالتي قالت وي ليش جذي شعره نفس البنات حلقوه كنت بقولها وانتي شكو ههههههه
انا ولدي 10 شهور حددت شعره بس على الخفيف كلش وبعدها ماحلقته الا سنه ونص يمكن حم اطراف بس وكله اطراف
بس مره فصلت خالتي حنت حنت حنت قصيه صيف حر تقول والله اخذه اقرعه قلت لا مستحيل وديته الحلاقه قصيت اللي وراه كله بس الحين رد طال هههههه ماحب شعر قصير احبه طويل

 

[om_3azoz]

اي وبعدين دام ناعم بس بس كيرلي ترى حلو

ولاتخربون شعر عيالكم بالكريمات ومادري شنو ,, حطولهم زيت اي بس كريمات لا


ودي ادهن شعر عزوز وشعري هههههه باجر بروح اشتري


بس زيت شنو تنصحوني فيه

 

[فجوره]

فجووورة حرااااام لا تلعبين بشعر الياهل



الزيوت اوكي بس الكريمات والسيروم والبلسم كثرتهم موووزينة كلها كيماويااات تاثر ع فروة رااسهم والله موزين



انا عندي بنتي جذي بس شسوي طبيعة شعرها جذي



اذا زيوت وحنة اوكي بس ليش العب بحسبتها وتالي الله يقوله يصير فيهم مرض لا سمح الله



ايهم احسن بعييييد الشر المرض ؟ ولا شعرهم ؟؟ خلااص هذي طبيعة شعرهم وهذي خلقة الله*احاول باللي مايضرهم



وصدقوني دام الياهل مرتب ونظيف محد راح ينقد واللي بينقد هذا ناقص لان هالشي مو بيدج



الولد لازم حلاقة اول باول والبنت ينلم شعرها وخلاص



ع فكرة في مادة موجودة ابعض الشامبوات والبلاسم مسرطنة



الله يكافينا الشر والله يحفظ عيالنا من كل شر يارب



وسوري مو قصدي اخرعكم بس والله احبلكم الخير



ديرو بالكم لا تغركم المظاهر وتنسون صحة عيالكم

انا هذا ما اسويه الا اذا رحت زواره بس وصانسيلك ساله في ناس وايد
والاغلب يستخدومونه لعيالهم والباقي من جونسون يعني للاطفال وكريم جوز الهند
صحي وطبيعي ما فيه شيء والسيروم أحط نتفه مو وايد








​