الحلوى من يد ام ميمي لعشاق الحلويات الكويتيه,,,

[^^ام ميمي^^]

بسم الله الرحمن الرحيم

سويت هالحلوى وقلت لازم احط طريقتها لبنات منتداي الغالي

وطبعا هالطريقة تعلمتها من كتاب الضيافة القدييييييييم

المقادير :

3ونص كوب سكر
1 اصبع زبدة متوسطة ( 227غم )
ربع كوب ماي ورد + زعفران
3 ونص ملاعق كبيرة نشا
ملعقة شاي صبغة صفراء بودر. مثل صبغة العيش .
3 ونص كوب ماء
كوب ساجو مطحون
هيل و مكسرات للزينة
المكسرات انا حطيت جوز ( عين الجمل ) و لوز و فستق .
الطريقة :

اول شيء نخلط الساجو مع الماء و النشا ونتركة لمدة ساعتين تقريبا.
نحط السكر على نار هادية ونحركة لما يذوب و يصير لونة ذهبي بعدها انضيف الزيدة ونحركة جيدا ثم نضيف الماي ورد اللي مخلوط مع الزعفران والهيل و الصبغة و ماء المضاف له الساجو والنشا و نحركة دون توقف لما تتماسك اتصير اشوي ثقيله وبعدها انصبها بالصينية وهي ساخنه ونضيف لها المكسرات و الهيل على الوجه واثناء صبها ..


وعليكم بالعافيه


اذا تحبين تاكلينها وهي ساخنه او واهي باردة كله طبعا حلو بيطلع طعمه واذا حطيتي معاها قهوه عربية بتطلع امممممممم لذيذة ولا تنسون وانتو تاكلونها تدعون لي

 

[jojo.]

يعطيج العافيه

 

[عاشقه رويشد]

تسلم ايدج

 

[توته حمره]

تسلم ايدج

 

[||الجـــواهـــــر||]

تسلم ايدج مبين خوووش حلوه
عاد ميته على الحلوه ودي اسويها بس شنو ساجو ؟؟

 

[78MariMar78]

يعطيج العافية ام ميمي

وعساج على القوة

 

[ام سلومd]

تسلمين حبيبتي خوش حلوى

 

[dl3sl]

تسلم الاياااادي يم يم

 

[Dandona]

تسلم ايدج على الحلوى

الساجو ياالغاليه sago عبارة عن حبيبات بيضاء تستخدم لصنع الحلوى البحرينيه والعمانيه
موجود باالجمعيات عند رف المكسرات

 

[جارة القمر]

الساقو


موجود بالجمعيات


حبيبات بيضاء نفس هالصورة

^^ام ميمي^^



مشكووووووووره

 

[<< أزيان >>]

تسلم ايدج ياحياتي مبين عالطريقه حلوه

بس للأسف الصور مو طالعه عندي

يعطيج العافيه ياعمري

 

[كلي تفاؤل]

هلا امي ميمي اتصدقين عاد ميته على طريقة الساقوا مشكورة حبيبتي وصج الساقو شكله غريب جنه حبات فلين __<طاع التشبية ...لوول جزاك الله خير على الوصفة

 

[DVDQUEEN]

تسلم ايدينج و مشكووووورة يعطييييج العااافيـــة

 

[^^ام ميمي^^]

الله يعافيكم كلكم حبايبي ومشكورين على مروركم


والساجو مثل ما قالو البنات جنه حبيبات الفلين موجود بالجمعيات عند رف البهارات ومكتوب عليه ساجو


وبنات الصورة موووو طالعه

 

[a7la_frawla]

يعطيج العافيه حبيبتي

 

[القبله]

ماشاء الله تسلم أيدج

 

[ابلة غزالة]

تسلم الايادي

:e3:

 

[^^ام ميمي^^]

الله يسلمكم حبايب قلبي


ترى صج صج لذيذه وسهله وماتوقعتها جذيه سهله

 

[خاشووقه]

حسافه مو طالعت لي الصوره
ويعطيج العافيه ما قصرتي

 

[doooora]

يعطيج العافية ،، كل المقادير متوفرة عندي والطريقة سهلة ،،، ما قصرتي