الحلتيته لفتح الرحم اللي تبي توولد

[تحبني ولا ...]

مرحبا



قريت بالمنتديات عن الحلتيته انها تفتح الرحم



كاتبين ان تشمينها وتفتح الرحم او في طريقه ثانيه ان تحطينها عزج الله بالكوتيكس وتلبسبنه



بس مادري اشمها فتره ولا شلون انا شميتها بس شويه ولاعت جبدي ريحتها تذبح


اللي عندها معلومات او اي شي يفتح الرحم تقولنا

 

[الذوق28]

ان شالله البنات يساعدونج

 

[شوارفسكيه :$]

هلا ياقلبي حتي انا سمعت يوم اختي كانت بشهرها بس ماجربته طبعا انا من حزب الطماشه ههه ماحبيت ادخل ومارد

 

[الريمـ اللعوبـ]

شتبين بهالسوالف بالله فتح رحمج وانتي مافيج طلق او البيبي مرتفع مو نازل بالحوض حرام عليج
خليها علي ربج
والله انا وحده لما كنت حامل فبجري والله ماخليت شي ماسويته كل الخلطات اللي بالمنتدي سويتها وحده كاتبه حليب مع دارسين مع قرنفل ومع زيت الخروع
وشربت زيت الخروع مع عصير وشربت كف مريم ومشيت كيلوين ورا بعض وبعد بعد بعد شكثر والله ماخليت شي
واخرتهااااا خذيت اسبوعين من العاشر لدرجة الدكتور يقولي انتي نسيتي تولدين ولا شنو

خليها علي ربج انتي بس ارتاحي اي ونسيت اقولج بالبيبي الثاني ماشربت ولا شي والله العظيم وفتح رحمي من رابع يوم بالتاسع وولدت فسبحان الله مايطلع الا بالساعه اللي الله كاتبها له
الله يسهل عليج ياااارب وتولدين بالسلامه

 

[أحلام بنت]

عاد هذي اللي جربتها

لا زادت الطلق ولا فتحت الرحم

وهذا وانا مخلصه شهري بعد

السهالات من رب العالمين

سبحانه ان اراد امر قال كن فيكن

شفيها الاذكارات والادعيه

ولاستغفار
الله يقول اذكروني اذكركم
ويقول الرسول في حديثه
الكريم اذا استعنت فاستعن بالله


خلوا القلب متعلق بذكره
الله مصرف الامور

ارجوا ان ماكثرت حجي وطولت
السالفه لكن هذي تجربتي
وحبيت اذكرها لكم


والله يعينج وعين كل حامل
ويسهل ولاداتكم ويرزقكم
اطفال بصحه وعافيه


واسفه علي الاطاله

 

[t.o.o.ot]

كل شي بوقته حلو ....

 

[جـــواهر]

لاتستعجلين الله بيأذن له

 

[تحبني ولا ...]

حبايبي مشكوورين عالردود



والله من التعب والثقل مليت بس ودي اوولد وارتاح



الله كريم يارب يسهل علي وعلى كل حامل

 

[((غلاي))]

الله يسهل عليج
خلي هالسوالف ماتفيدج
كل شي بيد الله
كثري المشي و ادعي ربج يسهل عليج ان شاء الله:yaaaaaarb:

 

[حرم حبيبي]

نصيحه لاتاخذين شي

 

[للحين ناطره]

أشلون تحملتي ريحتها
وااااااااااااااااااااااي
انتي تقريبا ولادتك معاي
الله كريم ويسهل علينا وعلى كل الحوامل
ماكو غير المشي اللي انصحج فيه امشي كل يوم كثر ماتقدرين

 

[rora_q8]

ربي يسهل عليكم ويتتم عليكم