الحكم بالاعدام على زوجين كويتيين

[رووح الإتحآاد]

المصدر : http://forum.alrams.net/showthread.php?t=311047#ixzz1myxWEyeL
الرمس نت




02-20-2012 02:51
الكويت (صدى) : حكمت محكمة كويتية على زوجين كويتيين بالاعدام بتهمة تعذيب وقتل خادمتهما الفيليبينية بحسبما افادت صحف كويتية الاثنين.
وذكرت عدة صحف ان محكمة الجنايات حكمت باعدام الزوج المقعد وزوجته بعد ان ادانتهما "بقتل خادمتهما الفيليبينية عمدا مع سبق الاصرار والترصد".
واستندت المحكمة بشكل خاص الى اقوال ابن الزوجين الذي اكد تعرض الخادمة للضرب من قبل والدته لايام حتى تدهور حالتها.
وبحسب تفاصيل القضية، فان الزوجة قامت بتعذيب خادمتها بشكل يومي وبعلم زوجها، الى ان فقدت الخادمة وعيها في احد الايام.
وخوفا من الملاحقة القانونية، نقل الزوجان الضحية الى منطقة اسطبلات وتخلصا منها ثم دهساها تحت إطارات السيارة التي كانت تقودها الزوجة.
ويعيش في الكويت حوالى 73 الف فيليبيني وفيليبينية بينهم 60 الف امراة يعملن كخادمات في المنازل.
وتعمل في الكويت حوالى 600 الف خادمة معظمهن من دول آسيا.


المصدر : صدى

 

[ياحُبِي لِلكويت]

لاحول ولاقوة الا بالله مهما كانت الأسباب مايتعاملون معاها بهالوحشيه

 

[درة أهل الطولات]

يستاهلون لكن ليش الفلبينية اللي اذبحت بنت النقي ما اعدموها ؟؟؟؟؟

والا عيالهم حرام وعيالنا حلال​

 

[&موناليزا&]

اوكي​

بس ليش ماعدموا الخدم اللي ذبحوا اعيالنا؟؟؟؟؟؟؟؟؟؟:eh_s(4):​

 

[irresistible]

والله الصراحة حكم فاشل خل يعدمون الفلبن اللي قاتلين عيال الاوادم تالي يحكمون علي اهل الديرة ولا صوبهم غفور رحيم و صوبنا شديد العقاب والله القانون مادري شلون قايل هالايام

 

[طراطيش]

طي معليه يعدمونهم لانهم قتلو

طيب وليش مايعدمون الخدم الي قتلت عايشه وغيرها

حكم ظاااااالم

المفروض ماينعدمون الا لين ماتنعدم الي قتلت عايشة

 

[_ظل الياسمين _]

شالقلوب اللى عليهم قطيعه اثنينهم
مجرمين ...
واللى يسالون عن عدم اعدااام القاتلات
الفلبينيات او غيرهم هذول وراهم دول ومصالح
والمصالح اصبحت اغلى من الدم فى وقتنا الحالى.

 

[أبلة فاتن]

اذا ما اخذوا العقاب بالدنيا تاخذه بالاخرة ولا تنسون ان الله شديد العقاب

يعني ياخذون جزاهم اهنا بالدنيا اهون من الاخره

وبعدين هذي روح انسانه

هذا زوجها مقعد وجذي يسوي اجل لو كان يمشي شنو سوى ؟؟

والمشكله على خادمه ؟؟ يعني لاحول ولا قوة

قوتكم طلعوها على المجرمين الظلمه مو على خادمة لاتملك شيء

وموعاجبتكم الخدامه ودوها المكتب واخذوا غيرها واهيا مو مخلوقه

علشانكم تقرى افكاركم بس القدر خلقها تكون عندهم

صج شي يحر اكره ما عندي استغلال ضعف الانسان وحاجته للمال

واهانته وفوق هذا هدم حياتها ازهاق روحها

استغفرالله ياربي

احنا كوننا دول مسلمه نؤمن القصاص والحدود جزء لا يتجزأ من دينا

بس الدول هذي فلبن عادي عندهم شنو يعني يقتل روح

كل انسان ودينه وكل خوفهم يسوون لهم شي

لا يحطون اكس وما يجيبونهم الكويت

​

 

[نونو العصله]

حرام عليهم الله
الفلبييه مو بشر
بس لازم يطبقون القانون ع الكل
مو ابوي ما يقدر الا على امي
وين اعدام قاتله عايشه ودلال الله يرحمهم

 

[khawla&tito]

انا لله

 

[ســتارز]

ما اصدق وما سمعنا عنه

عفية حكم بسرعة البرق

والخدامات القاتلات مرفهات

 

[MyLittleBerry]

اي والله شالتفرقه

انا مع اعدام الزوجين اللي عذبو الخدم وذبحوهم ومع اعدام الخدم اللي ذبحو عيالنا

 

[الأميرة جوري]

لاحول ولاقوة الا بالله

 

[zqertya]

بنات ترا القضاء الكويتي نزيه والحمدالله يعني مافي وااسطه الحمدالله انه بقصر العدل ماتمشي الواسطات بس تدرون هذيل القتله من دوله ثانيه وتدروون طريج المحاكم طوييل غير انه ممكن حكومتهم تسوي تسويه مع اهل القتيله عرفتوا يعني ندفع المبلغ الفلاني وتطلع القاتله وجذي وعاد هني على مايحكمون وعلى مايتنازلون ولا مايتنازلون وجذي يطولون فلاتتوقعون ان قضااانا مو شي لا الحمدالله

 

[M!Ss Un!VerSe]

اللي تقول يستاهلون الخدم!؟ عفيه قلب!؟
سؤال الفلبينيه اللي ذبحوها شعلاقتها بللي ذبحت دلال وعايشه
يوم القيامة الله مايحاسب شخص بشي ماارتكبه
واذا ليش مايعدمونهم حبيبتي ديرتنا الكويت تخاف من حقوق الانسان
المحامي خالد عبدالجليل قال جذي
يعني المشكله من عندنا
ودولتنا اهي اللي تعدم عيالها
بس القصاص حق كل انسان ولوكانت خادمة
الله يرحمها اذا كانت مسلمه

 

[منو انت]

نسمع ونسلم يارب

 

[ديمــــــــــه]

لاحول ولا قوة الا بالله

 

[فـــخـــر]

حسبي الله ونعم الوكيل فيها وفي زوجها

معذبينها ليما ماتت :'( عفيييه قلوب عليهم

 

[عادت ذكرياتي]

لا حول ولا قوة إلا بالله

 

[بندووشه المطيري]

آلله وأكبر

آلله وأكبر

آلله وأكبر

ألحييييين يعدمون على هآلأثنين عشآن آلفلبينيه

أدري كلنآ بشر ومآكو فرق بآلجنسيه بس وين آلعدل

!!!!!!!!!!!!!!!!!!!!!!!!!!!

وينه ؟؟

ودم ( محمد غزآي آلميموني ) يروح هدر

حرقت ورب أقسم بآلله

هآذي ديرة قآنون !!!!

وين آلقآنون يآ أهل آلعدل

لآ حول ولآ قوة إلآ بآلله

لك آلله يآلميموني لك آلللللللللللللله

صج مآفينآ خير حنآ يآ مطير إن خلينآ دمك يروح هدر

لآ بآرك آلله فينآ جآنآ خلينآ دمك يروح هدر


# قهرررررررررررررررر :eh_s(2):