الحكة ماذيتني :(

[q8ia_cutaa]

شلونكم بنات شخبارككم


الحكة ذبحتني حيييل لاعت جبدي

فجاة جتني حكة براسي فيها حبوب يابسة فيها دم يابس جذي اتقشر فروة راسي من ورا

وبنفس الوقت جاني شي نفس الاكزيما بس الجلد مو ناشف.. بذراعي الثنتين وفخوذي وساقي وزنودي ...

وحكة بالمناطق الحساسة من برا لدرجة ان ماقدر امشي ساعات ولا اقدر اصك ريولي

واليوم زايدة هالحكة حتى بالغسول شوي وابجي من الالم واحس بنقزات مثل الابر


ورحت كذا دكتور وماكو فايدة


اروح دكتورة جلدية ولا نسائية؟؟؟


عندكم دكتورة زينة




بليز والله تكسبون فيني اجر


مشكورين :tek:

 

[دنيا جديده]

ماتشوفين شر انشاءلله
بالنسبه لحكة الراس والذراع روحي لجلديه
اما الحكه بالمنطقة الحساسه روحي امراض نسا
والله كان فيني حكه بالمنطقه الحساسه خمس سنين وانا اتعذب لين رحت الدكتوره معصومه امراض نسا وولاده وانا بنت مو متزوجه ماشاءلله من عقب علاجها لاحكه ولاشي الحمدلله هالدكتور رووووووووووعه
صدقيني عن تجربه

 

[q8ia_cutaa]

مشكورة حبيبتي على الرد

انا مو متزوجة ..

اروحلها اتهقين؟؟؟


ومشكورة حبوبة
والله ينورلج دربج ان شاء الله ويسهل عليج حياتج

 

[دنيا جديده]

اي انا بعد مومتزوجه ورحت حق الهادي مافادني رحت حق سكينه مافادتني كلهم امراض نسا وولاده
بالاخير مدحولي دكتوره معصوومه ماشاءلله تبارك الرحمن عالجهاا والله روووعه
طلع فيني التهاب وفطريات يكفيكم شرها بس بعد عالجها وفحصت والله راحوو
انصحج فيها.

تسلمين على الدعوه الحلوه ياقلبي

 

[نووووونا]

يمكن حساسيه من شى معين (( اكل او دواء او لبس مثل صوف )) او اى شى

ثانى ,,,,,,,, اعتقد دكتور جلديه يكون انسب حبيبتى والف سلامه ان شاءالله.

 

[عرووسه]

بقولج شي ان شاء الله يفيدج


هذي حلها

الزيت زيتون دفيه بالنار وخليه حار وانتي تحطينه على راسج وادهني راسج

والله يشافيج انا ناطره النتيجه

بس طبعا تكررين هالعمليه 6 رات تقريبا