الحقير زوجي حلف على المصحف واخر شي طلعت بلاويه000000

[شقا دنيا]

قوة بنات والله اني بضيقه مايعلم فيها الا ربي ابي حل بدايت زواجي كان زوجي يخربط ويكلم وبعد ماجكيته حلف لي على القران انه ماراح يسوي خرابيط ويكم بنات وبعد خمس سنوات زواج لقيت بايميله رسايل من منتدى طالبه وحده صداقته والمصيبه الثانيه مغير نكه بالمنتدي حااط اسم رجال ثاني المهم رحت على المنتدى وقدرت ادخل صفحته الخاصه( لاتسالوني شلون السالفه طويله)المهم والا لقيته يكلم نكات بنات ولا يصبح عليهم ومره يرسلها شعر ومره يناديها مثل مايناديني واكثر من وحده بس وحده منهم حيل مسولف وياها ولا مايسولف الا لما يكون بالدوام لان لما يرجع مايقدر يشبك من لابتوبي وانا الحين قلبي نار
مادري شسوي ارسله مسج واشخله والا شنو واهو مسافر واليوم راجع ابي عفيه والله والله قاعده ابي على حياتي عنده كل شي اسويه له وبالاخير يحلف على المصحف والقها مكلم بنات شسووووووووي
ردو علي الله يرد وجيهكم عن النار

 

[MuNira1987]

هلا حبيتي , الله يكون بعونج والله شي مو هين , انا اقول اذا رد من السفر خلج طبيعية ولا جنة صاير شي , و بعدين قطي نقزة انا رفيجتج صار معاها كيت كيت , واذا هاذي اول مره طوفي واذا عادها واجيه ب تفاهم , كل الرياييل عندهم هالسوالف و اكثر , و اهوه كلمها بس نت معناته ان امسويلج اعتبار و بس بالدوام يمكن مضيعة وقت يعني اهو غلطان بس عينه مو قوية , وصبري و ادعي ربج سبحانه .

 

[انا لحبيبي .]

لا حول ولا قوة الا بالله ، يعني خايف منك مو خايف من ربه بحلف بالله كذب؟ وعلى القرأن كمان؟

ادعيلو بالهدايه ، لانك لو تهاوشتي معه ما رح توصلي لحل ورح تكبر المشكله ولو ضليتي ساكته رح تموتي بقهرك

الله يعينك حبيبتي ، ادعيلو بالهدايه احسن شي ، وفهميه انه يلي بحلف بالقرأن وبكون كذاب شو عقابه

الله يهدي بالكم ويصلح الحال ،

 

[last-moon]

الله يهدية

شوفي لا تنبشي وراة وهذي تقزيرة والبنت عارفة هذا الشي

اذا كان مقصر في حقج قولي لية يافلان انت مقصر في كيت وكيت وكيت
ولا غير جذي لالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالا
والله نصيحة من مجربة

للعلم انا مومتزوجة والله يكتب لي اتزوج بس شسوي غصب عني اقولج جذي

 

[كادى الحب]

اللة يسخرة لج ادعى ربج احسن من الهواش اهوحلف جذب يعنى راح يحلف مرة ثانية ولا راح تصدقينة

 

[گـحِـلْ |~]

,

أكيد يقزرهآ وآلدليل إن وقت آلدوآم بس ..

على حسب شخصية زوجج ، إذا مآآيعصب إذا فتشتي وآجهيه أريح لج


طمنينا حبيبتي

 

[• JoJo •]

الله يعينك

 

[اسواريه]

خلج طبيعيه اذا رجع من السفر وزوجج مو اول واااحد ترى كل الرياجيل جذي هذي طبيعه عندهم وسوالف وخرابيط وسفر
ان الله مع الصابرين
ادعيله بالهدايه والصلاح

 

[فوفو22]

با ختصار

اللي تهدم بيتها على مسجات ومكالمات وايميلات

عقلها صغير وما عندها سالفه

هذا لعب وومسخره له بدايه وله نهاية

بدون تدخل وحلف وسب وغيره

معظم الرجال يمرون بهالمرحله وبعدين يطخون

لا تخربين عليج ليلتج على شي ما يسوى

ولبتعد عن حلف القران على هذه التفاهات

فوفو

 

[C U T E]

الله يهديه

 

[الشيخة@]

الله يصبرش

 

[زوجة عزيز]

نفس اللي عندي كله يحلف على القران واهو مجذب

 

[وجـه البـدر]

عاااااااااااااااااااادي ..

كلهم اللحين جذي مووووووووووووضه اذا مو منتدى ايميل واذا مو ايميل تلفون واذا مو تلفون ايفون واذا مو ايفون فيس بوك وهكذا ..

ليش تحرين نفسج أكبر طااااااااف

 

[Tom ♥ Jerry]

.،



لو انا منج اقوله .،
حبيبي لو تشوفني انا آكلم وآحد ثاني و آصبح و آمسي و ادزله آشعار ؟
ترضى ؟!
شوفيه شنو يقولج آكيد بيقول لأ !
قوليله عيل قدر شعوري ؛***

ترا الحلف بالقرآن مو هين !
لا تستهيون بالقرآن !
قوليله اذآ آنت مو قد الحلف مره ثانيه لا تحلف !
لانة الحلف مو لعبه

 

[Miss sensitive]

نصيحه
لا تلاحقينه ولا تعايرينه
ادعيله واهتمي بنفسج وخليه يركض وراج
مارده بطخ
بس اذا تكلمتي ويننتيه بعاند ويزيد

الله يعينج ويهدي سركم يا رب

 

[جنوني عيونك]

تدرين ان الحين الله مابيوفقه بحياته ياكبرها يحلف على القرأن انا مابي اقولك كلام يعني اخرب بينكم
بس ترى بيحلف ع القرأن اكثر من مره وعادي الي يكذب مره يكذب مليون مره وهو على شنو عاد حلف على قرأن ّ!
من رأييها صارحيه وأزعلي حسسيه ب الذنب واتركيه وروحي بيت اهلك كم يوم ! خله يحسس كيف الحياة بدونك لاتخافين ترى حياه الرجال لمن يتزوجون بدون مرا ماتسوى من يطبخ له من يغسل ثيابه وهو مايقدر على هذا كله
ولمن ترجعين له لاتعطينه وجه خله يحس بالضيق عشان يغير من نفسسه رغم ان الرجال مايهمهم الا نفسهم بس ولين تركتيه على كيفه ترى عادي يسستمر ّ! مايهمهم
وترى بعدين يتأدب هو من نفسسه لين شاف ان الشي يخلق مششاكل يمل ويزهق بس اكيد بتنقهرين كيف يكلم بنات اكيد مابترضين و
واتمنى احوالكم تتصلح بس لو انا محلك مابسوي الا الي قلت لك عليه وزي ماقالت الأخت شمحووطة سوي انك مكانه يرضاها ! اكيد مابيرضى
الله يصبرك

 

[وردة-الكويت]

مثل ماقالت العضوه فوفو22 كلامها عين العقل

 

[pusy cat]

انتي قلتيها مغير حتى اسمه

يعني علاقه غير جاده مجرد لعب وتضييع وقت ومو شرط يتعدا المنتدى والايميلات

تعوذي من ابليس ولاتنبشين من وراه وانسي اللي شفتيه

 

[zaina alotibi]

با ختصار

اللي تهدم بيتها على مسجات ومكالمات وايميلات

عقلها صغير وما عندها سالفه

هذا لعب وومسخره له بدايه وله نهاية

بدون تدخل وحلف وسب وغيره

معظم الرجال يمرون بهالمرحله وبعدين يطخون

لا تخربين عليج ليلتج على شي ما يسوى

ولبتعد عن حلف القران على هذه التفاهات

فوفو

كلامج منطقي بس للأسف تطبيقه صعب ومهما كانت هالتصرفات سخيفة بس صدقيني تهز الثقة

 

[فاقده ابوهاااا]

استغفر الله ياربي وايد يحلفون على القرآن وبالاخير تكتشفين جذبهم حسبي الله ونعم الوكيل