الحقوني عقب باجر عرسي

[ورده بوسط صحراء]

السلام

بنات انا بمووت من الخووف عقب باجر عرسي مو قادره حتى انام نمت شوي وقمت ابجي من الخوف انا صغيره عمري 18 واهو بعد كبري بندرس برا .. شلون اول يوم بنات والله لو تشوفوني قعد ابجي ابجي حيل دموعي مو راضيه توقف قلت مالي غيركم مادري شسوي حتى اهو خايف يكتب بالبي بي انه خايف وانا ميته من الخوف بنات الحقونييي شسوي ..

يعني اول ليله شلون تمر ؟؟؟ مادري بنات احس مو قادره مابي الايام تمر

 

[دلع بآبي]

كبر بعض !!

آنتوا صغآر بس ان شاء الله قدها

آول ليلة انتي مالج شغل هو يتصرف بس خلج هادية وعفوية

وعن السفر والغربة توكلي ع الله حبيبتي والامور بتمشي بسهالة

وان شاء الله تتيسر اموركم

 

[ام كوثر2007]

الله يسهل عليج امورج ان شاءالله ويتمم عليج

لا تشيلين هم لليله الاولي التساهيل من ربج وفي اصغر منج تزوجوا وبعمرج يابوا عيال لا تحاتين

 

[شادن33]

وليش امهوله الموضوووع
سهااالات انشالله

 

[الأميرة جوري]

سهالات ياقلبي.....شغله موكبيره وايد وتخرع ..الله يوفقج

 

[تعبت اداري...~]

‘
اهليين
الا بذكر الله تطمن القلوب
لاتوترين وهدي نفسج واقري سورة البقره وبترتآآحين....
​

 

[أحمرجوري]

مبروك ياعسوله و18 سنه بالهزمن مو صغيره لا تحاتين احلي يوم بالحياه الزوجيه استمتعي ومتعي زوجك مبرووووووووك مره ثانيه

 

[اانثى ولاكن]

اولا الله يتمم عليج ويسهل امورج اذا عن اول ليله ترا ماتخوف ولا فيها شيء واذا عن السفر سهالات انشاءالله
بتتيسر امورج حبيبتي والحين اقري قران واستغفري ربج ليما تهدين

 

[انثى عاشقة]

ياحياتي انتي وليش الخوف !!
احلى ليلة هي اول ليلة خليج ريلاكس وهادية مو لازم يصير شي بينكم
حسب المود اذا جوكم هادي ورايقين يتم كل شي
واذا مرتبكين وجذي عادي تتأجل ماخربت الدنيا
وصدقيني هذي ليلة عمرك تحسين نفسك مستقلة والحين لك بيت خاص فيك
ماله داعي تسترسلين مع الوساوس
بس الزمي الاستغفار واقري صباح عرسك سورة البقرة انا جذي سويت
وربي يسهل امورك وتطلعين احلى عروس بالدنيا ​

 

[Q 8 Y A t]

اليوم الثاني بتضحكين على نفسج
ونااسة لا خوف ولا شي

بيمر مثل يومج هذا

عادي جداااا


واللي قاعد يصير معاج كلنا مرينا فيها واليوم الثاني ضحكنا على شكلنا

 

[@sweet angel@]

وعليكم السلام والرحمة
لا عاادي حبيبتي سهالات ان شاء الله ابعدي عنج الخوف نهائي واستمتعي بقدر الامكان مع زوجج لان احلى الايام الايام الاولى
وااايد حلوة
بمكن ناحية العمر اشوفج انتي عمرج مناسب انا تزوجت كبرج وتغربت كبرج بس بالنسبة لزوجج اشوفه صغيير
بس الحال يختلف على شخصيته وشكله وعقله والله يجعله زوج صالح يسعدج وتسعدينه
والخوف حالة طبيعية للزوجين لانه بيدخلون على حياة يديدة
الله يوفقج حبيبتي

 

[*E.B.D.A.3*]

ياحبيبتي ترى طبيعي كلنا مرينا بجذي ،،
بس عشان تقدرين توخرين الرهبه ،، اعتبري هاليوم يوم عادي
اول ماتردين البيت قولي بغسل مكياجي واتعشى وانام
بس ...
بهالبساطة ،،،
اخذيها نفس اي روتين يومي انتي تسوينه ببيتكم، انتي لمه تردين من عرس شتسوين ؟
اوكي لو سوينا سكب على جلسه الحش ، شفتي فلانه وشفتي علانه
بتصعدين دارج وقبل لا تمسحين المكياج بتقعدين تصورين عشان توارين رفيجاتج
تالي تاخذين شاور وتنزلين تاكلين وبعدها تنامين
صح .. ؟

بسسسسس !! هذا اهو !!
ولطالما اهوه نفسج خايف ومرتبك ، صدقيني باول يوم مراح تسوون شي ، لطالما اثنينكم مخترعين
هدي بالج .. وفكري فيه وجنه مثل اي يوم حطي ببالج ان لمه تردين بس بتمسحين المكياج وتنامين خلاص
ماكو شي يخرع ولا اكو شي مخيييف ...

واذا قرب منج تقدرين تستاذين منه وتقولين له اليوم انا مو مستعده نفسيا .، وراح يقدر
لطالما انتو اصلا بينكم معرفه مثل مانا فهمت وقاعدين تتواصلون ..
فانشالله ماكو خوف ولا هم يحزنون

 

[((غلاي))]

الله يتمم عليج و مبروك يا عروووسه

الامور سهالات لا خوف و لا شي خليج ريلاكس

الله يوفقج يارب

 

[دلوعة أبوهآ]

إن شاءالله بالتسآهيل
لآتخافين ولآ تتوتري وتخربي شكلك وآلميك آب ..

وربي يسهل

 

[سلمى الدلوعه]

اللهـ .. يوفقك اسمعي القران قبل تنامين وكثري من الاستغفاااار فديتك
ومبرووووووؤؤك ياعروسسهـ ..

 

[ماني من الناس]

خايفه من شنو بالضبط من الزواج ولا السفر برا والدراسه

 

[مشتاقة الى الله]

بسيطة حبيبتي مافي شيء يخرع

لا توترين عمرج وكوني واثقة من نفسج

سهالات ان شاء الله

 

[نونو العصله]

مبروك وبلتوفيق
اقري اية الشرح
الله يشرح صدرج
ولا تحاتين
سهالات
منتي ياهل

 

[لمى الهاجري]

حبيتي ليش هالخوف استانسي انتي عروس بتمر بسلام بيلمج على صدره وبيمسك ايديج ويهديج لا تخافين تعوذي من ابليس هاي احلا ايام عمرج لا تضيعينها بصياح وخوف استانسي انتي عروس

 

[Beyoncee]

الله يتمم عليج ويوفقج
ليش الخوف بالعكس افرحي استانسي
دام بينكم تواصل اول ليله مايبيلها بروفه تساهيل من الله