الحقن المجهري

[asma$]

السلااام عليكم

حبيباتي بسالكم عن الحقن المجهري :eh_s(11): ابتوكل على الله واسويه عند فوزيه القطان ابسالكم عن الاجراءات ومتى اجيهم وشنو سحب بويضات واعور ولا لا تعبت تفكير ومحاتاه انا على قولتهم سليمه وزوجي سليم بس مادري ليش مايصير حمل جربت قبلها التلقيح الصناعي وما نفع والحمدلله على كل حال .......


الله يفرج هم اللي يرد علي ويفهمني ويرزقه الذرية الصالحه...:eh_s(7):

 

[بحرينيه كوول21]

ماعرف والله
بس الله يرزقج بالذريه الصالحه يارب
لكن اذا أنتو سليمين ليش العمليات؟؟

 

[asma$]

ماصار الحمل بدون سبب معروف والله يكتب اللي فيه الخير

 

[عسل حدي]

سويتيتي صبغه يمكن في سدد بالانابيب والصبغه تبطلها وتحملين

 

[Denya-3'areeba]

الافضل تاخذين هالمعلومات من الدكتورة
سحب البويضات يعوّر شوي بس عوار تتحملينه
توكلي على الله وسويها وان شاءالله ماكو الا العافيه
الله يقومج بالسلامه ويرزقج بالذرية الصالحه

 

[عسل حدي]

الله يرزق الجميع

 

[glby7sas]

الله يرزقج انا بعد بسويها واليوم اول موعد لي اذا رديت راح اقولج شنو صار معاي طبعا الدكتوره قالتلي اييلها قبل موعد دورتي بعشر ايام واللي اهو يصادف اليوم ان شاءالله

 

[عسل حدي]

اب اب اب

 

[asma$]

قلبي حساس ماقلتينا شصار ويااج؟

 

[عسل حدي]

ناطرين تجربتج
انا باجر عندي اشعة صبغه

 

[asma$]

اب اب

 

[glby7sas]

حبيبتي سامحيني عالتأخير راح اقول شنو صار وياي طبعا رحتله عالنوعد سوتلي سونار عشان اجيك عالمبايض وعلى بطانه الرحم والله الحمدالله طلع كل شي سليم الحمدالله لانها قالتلي عشان اذا فيه مشاكل انحلها قبل الدوره واكتبتلي على تحويل حق مستشفى طيبه الدكتور شفيق وقالتلي اكلم الدكتور وادق عليج اقولج متى تروحيله بعدين عطتي اوميقا 3 وفولك اسيد قالتلي تستخدمينهم لمده شهر وعطتني حبه اكلها مرتين باليوم لمده اسبوع هذي حق الدوره قالتلي عشان تنزل بموعدها بالضبط مع العلم دورتي منتظمه
وبس قالتلي عاد اول يوم دوره تبلشين مع الدكتور شفيق حق الانابيب وان شاءالله راح اقولكم الخطوات اول بأول
والله يسهل يااارب

 

[شمـ305ــوخ]

ااااااااب لعيونج
الله يزقنا يارب

 

[glby7sas]

انااا امس رحت الموعد عند الدكتور شفيق شكله خوش واحد قعد معاي انا وريلي وشرحلنا شنو راح نسوي بالضبط وسوالي سونار عشان يتأكد انه مافي شي يعيقنا ان شاءالله معنه الدكتوره كانت رافقتلي مع الملف سوناري الموهم وعطاني ابر استخدم اول ابره اخذها من ثاني يوم الدوره واخذها حتى لو بالبيت انا اطقها عادي لانه صاير شكل الابره مثل القلم وثاني ابره ابدي فيها من خامس الدوره واخذها مع الاولى وسابع يوم دوره اسوي تحليل دم عشان يحددلي متى راح يسوي العمليه
وامبي بصراحه انصدمت من سعر الابر شنو 400 دينار ولا بعد ناقصني 3 حرام عليهم

 

[عسل حدي]

ليش جذي الاسعار

 

[glby7sas]

مادري حدي حدي انصدمت من الاسعار الله يستر هذي بس الابر قبل العمليه الله يستر من الباجي جم بيكون اسعارهم

 

[Katkoota85]

الله يوفقكم يارب ويسهل عليكم وتحملوون كلكم .. اهم شي الاستغفار بنات بنية الذريه واخذوا حبوب فوليك اسيد وملتي فيتامين مثل السنتروم قبل العمليه وحبوب كالسيوم ورويال جل انتوا وازواجكم هذا كله يحسن من جودة البويضات والحيوانات المنويه بإذن الله وكثروووا من الحليب حلو حق البويضات وبالتوفيق يارب
وبخصوص سؤالج اختي عن العمليه كل وحده وحسب جسمها ومشكلتها يحددون العلاج والابر وهو عادةً ابر تبلشين فيها من اليوم ال21 للدوره . هذي الابر تعمل على انها توقف الغده النخاميه وتنزل كل هرموناتج عشان يتحكم فيها الدكتور قبل العمليه لين يوصلون لعدد البويضات المطلوبه وحجمها ويتابعون معاج كل هالامور بالسونار واخر شي يعطونج ابرة تفجير علشان تنضج البويضات عدل وبعدها العمليه وتكونين صايمه لمدة 12 ساعه . ويتم السحب بالوقت اللي يحددونه لج وبعدها يتم ترجيع البويضات للرحم عادةً بعد 3 او 4 او 5 ايام لحد ماتوصل الى درجة الانقسام المطلوبه طبعاً بعد مايلقحون البويضات مع الحيوانات المنويه في المختبر ويتم اختيار افضل الاجنه على حسب درجة انقسام الخلايا وتمين مرتاحه اسبوعين لحد يوم التحليل وان شاءالله تكونين حامل ونباركلج يارب انتي وكل مشتاقه للحمل ياااااارب

 

[عسل حدي]

ربي لا تذرني فردا وانت خير الوارثين

 

[Katkoota85]

شصار معاكم طمنونا ؟؟

 

[عسل حدي]

ربي لا تذرني فردا وانت خير الوارثين