الحضانه

[دمعه حزينه]

يعطيكم العافيه حبيبات قلبي ..

حبيت استفسر عن الحضانات ما عليكم امر ..


في حضانات الحين عندهم تسجيل ومبلش معاهم الدوام ؟لاني الصراحه محتاره مع بناتي الثنتين وانا توني مخلصه الامومه ..

والاهل كل واحد واشغاله وكل من لاهي وماعندي خادمه شسوي بهالحاله وودي بنفس الوقت يستفيدون وارتاح من التفكير فيهم طول النهار انا ماحب الخدم ,,

ويقولون الحين الانفلونزا قامت تخف واعراضها مثل الانفلونزا العاديه ..


فيدوني الله يعافيكم ولكم جزيل الشكر ..

 

[MisS Z]

اي والله ياريت هالحضانات تبطل ..

حضانه ولدي صكروها ومادري متى يفتحوون والله وهقوونا .. ؟؟

ان شاء الله أحد يفيدج ..

..^^

 

[زوجة جوجي]

اي والله صج عاد
انا نفس حالتج ادرس و ماعندي شغاله و على قولتج الاهل كل واحد و اشغاله

جان زين يردون يفتحونهم

 

[وحده كويتيه]

بنااات في حضانات بيفتحون على شهر 11 انا بجنوب السره رحت استفسر عن حضانه قالت التسجيل فاتح والدوام 3 -11 -2009
اتمنى اني فدتكم

 

[دمعه حزينه]

بعد عمري فديتكم


ياريت بفتحون الحضانات ملينا ..

حبيبتي وحده كويتيه ممكن ارقام الحضانات اللي فاتحه على الاقل ندق نستفسر

 

[ألول_85]

اي والله انا بنتي مو مدخلتها من قبل بس كله تحن ابي اروح مدرسه و بدخلها قبل لا أولد عشان ما ابي اذا شافت ياهل بحضني ادخلها الحضانه و عبالها بسبته ابي من قبل اعودها
اللي تعرف تفيدني ابي بالعدان و القصور و القرين او حنتى مبارك الكبير

 

[om_naseer]

اي والله انا بنتي مو مدخلتها من قبل بس كله تحن ابي اروح مدرسه و بدخلها قبل لا أولد عشان ما ابي اذا شافت ياهل بحضني ادخلها الحضانه و عبالها بسبته ابي من قبل اعودها
اللي تعرف تفيدني ابي بالعدان و القصور و القرين او حنتى مبارك الكبير

هلا حبيبتي والله انا مو بالقرين بس رفيجتي مدخله ولدها حضانه بالعدان إسمها حامل المسك واايد إمدحتها لي وآنا ودي أدخلها بنتي لأنها فتوحها عندنا بجنوب السره:ggdw:

 

[tmtmt]

في حضانه بجنوب السره اسمها .. الدكتور الصغير افتحوا امس داقين علي

 

[ريكاتو]

قولولي بنات في بالأندلس انا بنتيضايق خلقها ومتعودة على الحضانة بس حضانتها اللي عندنا مسكرة وقالوا ما راح نفتح الا الكورس الياي ساعدوني بليز

 

[nazek_q8]

حضانه سبائك بالعدان فاتحين ولا صكرو كلش

 

[jegrom]

منو يعرف متى يفتحون حضانة موني فيس الي بالزهراء؟

 

[أسماء]

تعرفون حضانه ياخذون عمر6 أشهر لأن ما عندي خدامة و متوهقة ببنتي مدري وين أوديها إذا داومت ؟

 

[love love]

كل الحضانات صكرت والي ماصكرت لو درو عنها يسحبوون الرخصه منها

والحضانات احتمال تبطل قريييب

كلنا ماعندنا خدم واهاليينا لاهيين ودوام حدنا متوهقيين

 

[toto2006]

اناا جضانة بنتي مفتوحة من سبوعين ريبورن اللي بالزهرا بس خذوا فلوس الكورس كامل 400 دينار وفتح ملف 100 بس تستاهل

 

[دمعه حزينه]

up

up

up

 

[ام زهره]

[COLOR="RoyalBluحبيباتي كويتيات انا عيالي بحضانه الرميثيه النموذجية فاتحه اذا بتسجلون عيالكم وايد زينه وسعرها 65 بالشهر وصاحبتها كويتيه 24 ساعه بالحضانه عينها عاليهالe"][/COLOR]



وةى

 

[دمعه حزينه]

حبيبتي ام زهره

جم رسوم التسجيل عندهم ؟

وشنو الايدي العامله اللي هناك لوول ؟

وياخذون بعمر 6 شهور ورقمهم لو سمحتي

 

[katkota76]

حضانة بنتي المرتقى قالوا راح يفتحون آخر 11

 

[tmtmt]

منو يعرف متى يفتحون حضانة موني فيس الي بالزهراء؟

حبيبتي فاتحين الحضانه للتسجيل بس متى الجوام بالضبط مادري دقي عليهم ولا روحي ساليهم
لنهم يم مدرستي اشوفهم مبطلين وكاتبين بدء التسجيل

تعرفون حضانه ياخذون عمر6 أشهر لأن ما عندي خدامة و متوهقة ببنتي مدري وين أوديها إذا داومت ؟

عندج حضانة ليلى الي بالزهرا تاخذ من عمر شهر
وعندج هم بالزهرا حضانة الدكتور الصغير م تاخذ من عمر صغير بنتي عمرها 8 شهور قالت ناخذها وفتحوا التسجيل

 

[حروف من ذهب*]

انا حضانه ولدي قالولي ما نفتح الا لما يعطونا امر وزاره التربيه ولما نفتح بندق عليج
دفعت الرسوم كامله ولدي ينطط عندي ويحوس وانا انطر متي يدقون