الحضانه اليديده اللي بصباح السالم على الشارع ؟؟

[miss_heathrow]

بنات فاتحيين حضانه يديده هالسنه بصباح السالم قطعه 5 على الشارع اول ما تدشون دخله صباح السالم على اليسار عوووده
عاد صابغين البيت صبغ روووعه رسم واااايد روعه جنه قصر دزني تقريبا من حلاته تليقفت رحت البيت بس مالقيت احد العصر

منو شافه وشنو اسم هالحضانه ومنو مدخل عياله هناك واللي تعرف الرقم ياليت بس تكتبه

وما ادري اذا يرضون اصورلكم المبنى ولا لا شرايكم اصوره ولا ممنوع ؟؟؟


تكفون اللي تعرف خل تفيدنا

 

[سفرجل]

اسمه حضانه الابداع وهذا المبنى الثاني ودخلته بس جذي بغيت اشووف توهم بانيينه وماعجبني في عمال ولويه واليهال ماشاءالله واايد
بالشهر جنه 70 بس مع فتح الملف ماادري شنو 100 واشوي
والله ارفيجتي تمدحهم
بس انا دخلت اعيالي المبنى الرئيسي داخل قطعه 5 واايد قمته وريحه والعابهم مغبره
وهالحضانه مافيها العاب وايد جو دراسه في دراسه

 

[كوكو لاتي]

والله الابداع يمدحونها وااايد بس ما جربت والاسعار مثل ما قالت سفرجل بالضبط بس من دون الاكل
الاكل عليج

 

[**فراشة الكويت**]

رد : الحضانه اليديده اللي بصباح السالم على الشارع ؟؟

انا ولدي فيها بالحضانه
وانا حيل مرتاحه كل عيال حمواني كانوا فيها وشفت النتيجه فيهم
بس السنه هذي ما فيها روضه
بس حضاااااانه

 

[سفرجل]

مااردي ليش انا ماعجبتني لانه يوم سجلت ولدي علشان يدرشونه المدرسه كل يوم معاقبته ولمن اتعاقبه اخليه يقعد عن السكرتيره عيل ليش دافعه؟؟؟؟؟؟؟؟؟؟؟
والسكرتييره اتقولي حبيته ابي اجابله طول الوقت @@ اي شى
ووكان لابس كبوس رد بدونه يوم اقولهم اتقولي لا يمكن مالبستيه جنه يجذبوني
والمديره شووف عيني تلت شعر البنت جدامي يوم خزيتها جان السكرتيره تضحك واتل البنيه داخل
ومره المديره حاطه حنه وماادري شنو بشعرها وتتمشى
بس من يومها شلت اعيالي

 

[مطيريه ماركه]

رد : الحضانه اليديده اللي بصباح السالم على الشارع ؟؟



آنآ آشوفهآآ بس آسمع آخوآني بِ يودون عيآلهم لهآ لآنهآ ورى بيتنآآ

ومآعرف عنهآ آي شي :eh_s(17):

 

[miss_heathrow]

بنات ترا المدرسه يديده توه الحين فاتحه حتى اسم او اعلان مو حاطينه

عرفتوها ولا لا
انا كل مره امر ماكو لا يهال ولا شي

 

[سفرجل]

اي حبيبتي حضانه الابداع ارفيجتي ولدها فيها بس مو ورا اتروحين روحي جنج بتطلعين من المنطقه في صعدا على اييدج اليمين قبل مااتطلعين جنه براحه اهني البوابه والمبنى بعده للحين ماخلص واليهال داخل وللحين يعدلون فيه

 

[رفرف]

هاذي حضانة الابداع الفرع الثاني مثل ما قالو البنات ..

المبنى ليلحين فيه عمال وصيانة بس بنتي فيها وايد مستانسة ..
وانا بناتي من عمر بالابداع عمري ما شفت عليهم شي خاصة ابلاتهم ينحطون ع الجرح يبرا ..
والله لما اخذ بنتي من الحضانة من نوصل البيت تقولي وديني السكول تموووووت عالحضانة ..

 

[miss_heathrow]

تخيلو بنات اسال السؤال نفسه مره ثانيه ,, عرفتوا اي حضانه اقصد اللي عليها خوش رسم من بره لوووووول والله اتغشمر


راح امر عليها ان شاء الله واللي عندها علم اذا في عصر ولا لا ؟؟

 

[miss_heathrow]

???

 

[كويتيه ذربه]

عرفته اللي يصير قبال الدائري السادس اول ماتدخلين على ايدج اليسار
يعني اذا شفتي برجر كنغ تكملين سيده جنج بتروحين الدائري السادس اخر بيت <<< عرفتي الوصف

انا سمعت ان فرع ثاني حق الابداع

 

[miss_heathrow]

thank you all


يعطيكم العافيه امهات