الحشره الي تطلع من العيش

[zezo113]

تكفون يا بنات

هالحشره الي تشبه القمله
الي مانس عارفتلها اسم

منتشره بالبيت بسبة العيش
الله يخسها

وماني عارفه شلون اقضي عليها

ساعدونيييييييييييييي
:krkrkr:​

 

[ديناا كوليكشن]

حبوبتى حطى كيس العيش فى الشمس عشان تموت هالحشرة

 

[لي لي الحلوة]

اكيد حبوبة عندج طحين جنب العيش

وقومي بعدها حذفي الطحين

ونظفي المكان بديتول

او اتصلي على شركة اللي ترش البيت بالكامل من الحشرات

 

[Ms. luxury]

صح أنا شقتي القديمة جذي حتى قاموا يمشون على فرشنا ..
على فكرة هالحشرة اسمها بالكويتي (دويبة)بسكون الدال ومد الواوبالياء وشدة بالفتح على الباء يعني جنج تقولين (ادويبة) كأن فيها همزة وصل
يعني تصغير دباية اللي تدبي على الارض

 

[العاطفية]

حبيبتي اولا الحين الحين قومي رشي خل بزوايا البيت ومكان ماكنتي مخزنه العيش الي قطيتيه طبعا..وثانيا روحي اشتري بودر الحشرات تلاقينه بالجمعيات ومسحي الخل ورشي بودر عاد البودر بكل مكان رشي بس دير بالج اذا عندج يهال يتعبثون وانشالله بتشوفين يومين بالكثير 3 ايام وبيختفي نهاااااااااااااااااااااائيا وعن تجربة ترى

 

[أحبه موت]

الله يعينج ويع ويع ما أحبها صج انها صغيره بس تلوع الجبد استغفرالله جربي الي قالولج عنه البنات اذا مافاد دقي عالشركة وخلي يرشون البيت أحسن ترى اتييب لكم الأمراض بعيد الشر عنكم

 

[مريوم 2009]

مشكوره أختى على الموضوع ..

حتى نفس المشكله وصرت أحط بودرة بف باف ونفس الشيئ ..

وغسل المطبخ بالمطهرات .. وبالنسبه للطحين أنا أحطه بالفريزر .. علشان ما يطلع فيه دود ..

 

[بنت الكويت العسل]

روحي ايس هاردوير عندهم كتاب بقسم الحشرات في كل المبيدات اللي تتوفر لها

 

[كوكب الدرر]

البنات ما قصروا عطوج كل المقترحات للتخلص من " الدويبة"

بس أهلنا قبل كانوا يقولون العيش كل ما كان قديم ( فيه دويبة ) يكون أفضل عند الطبخ

أما الأخت اللي قالت حطي العيش بالشمس فانا ما أأيدها لأن العيش راح يتكسر لما ينطبخ

 

[*الأثــــــــير*]

حبيبتي انا لمن ابطل جيس الرز احط اعواد دارسين فيه لانه مستخيل تطلع هالحشرة والدارسين موجوود

وهاذي طريقتي من زمان والحمدلله ما اشتكي منه ابد

 

[LaRa CrOfT]

انتبهي حبيبتي يمكن تكون حشرة الفراش مو العيش لانها تشبهها ولازم تقضين عليها

 

[om deaj]

شلون نتنشر في البيت؟؟ الي اعرفه بس بالعي والطحين
وطريقة القضاء عليها مجربتها رفيجتي انها حطت راس ثوم بالعيش وماتو كلهم وماطلع منهم شي لي برة

شكلها مثل ما قالوا حشرة الفراش

 

[قمري]

حتى انا نفسج قامت توصل لين فراشي بس تدرين ليش لاني كنت احط الصينيه بالفراش و تكون اهيه موجوده فيها من المطبخ بس لما يبت خدامه خليتها تغسل المطبخ كله بالديتول و اختفت الحمدالله بس صاجه هالحشره كرييييييييييييييييييهه و انا بجرب اللي قالوا عنه البنات بحط ثوم و دارسين لوووووووووووووول عشان اضمن اني موتها قطع والله يوفقج :ada:

 

[عبق البنفسج]

مادري ليش هالحشرة بس تصير بعيش التموين .. مو ملاحظين هالشغلة !!
المهم انا صارت معاي هالشغلة قبل سنة امبيه العيش صار اسود من الدود وعقب خالتي قالتلي حطي ملح خشن وحطيت وماكوو فايدة .. كل يوم بليل كنت ارش الصالة والمطبخ بفليت وماكووو فايدة والله وصل الدود لي داري مادري شلون وتخيلو لدرجة افتح الفريزر والقاه .. شلون وصل الفريزر مادري .. فعقب قطيت العيش كله وظليت جم يوم كلا فليت فليت .. لي الحمد الله راحو وعقب ماقمت آخذ عيش التموين وقبل شهرين تقريباً خذيت عيش التموين وتوى بدا يصير دود .. بس بجرب طريقة العضوة *الأثــــــــير* بحط دارسين وبشوووف

 

[عمري الخالد]

حبيبتي جيبي شركه ترشلج البيت

 

[ماما فطوم]

الطريقة الوحيدة اللي نفعت معاي وماتوقعت انها روعه لهالدرجة وضع العيش بالفريزر اذا كانت الكمية كبيرة اوزعه بصناديق بلاستيك

واخلي العيش من 3 الى 4 ايام واطلعه وافتحه عشان تروح البرودة وارده لدرام العيش بعد مااكون نظفت الدرام والاماكن اللي منتشره

فيها رشي فليت خفيف جم يوم ومايمر الاسبوع الا انتي مرتاحه من هالمشكلة وفعلا عيش التموين مليان وكل مره تشترون عيش جمدوه

جم يوم ولما تروح البروده احفظوه بمكانه ولاتخافين ماراح يتكسر العيش ولايخرب اللي تستفيد تنشر هالمعلومة وتكسب اجر0

 

[عبق البنفسج]

امممم بجرب طريقتج حلوة بحطه بالفريزر

 

[رونـق]

و منكم نستفيد

شكرا صاحبة الموضوع

 

[ماما فطوم]

بنات اللي تبي تجرب طريقة التجميد لازم الكمية ماتتعدى 10 كيلو مثل ماقلت صندوق بلاستيك بس خليه مكشوف بالفريزر انا ماجربت

خيشة عيش كاملة احطها مره وحده قسمته عشان البرودة تقتل حتى بيض الدود 0

جربوا كمية صغيرة وشوفوا النتيجة وباذن الله بتعجبكم انا اخذت الطريقة من النت وطبفتها ونجحت ودعيت لصاحبة الفكرة من قلب0

 

[H.A.K.W]

حبيبتي انا نفسج انشر هالسوس بشقتي كلها ويع لوعه لوعه بكل شي يطلع حتى بالصاله والممرات وغرفة النوم
قمت رشيت فلفل اسود بكل المطبخ والدروج والزوايا وحطيت علج اكسترا نكهة النعناع والله يومين واختفوا ونظفت الشقه واشحلاتها
والطحين انا احطه بدرج البهارات لان الحشرات ماتحب ريحة البهارات.
جربي هالطريقه انشالله تنفع