الحزن ذابحني وودي أبكي عمري كله

[روح العود]

قوه بنات انا بدش بالموضوع دغري
توفت جدتي الله يرحمها ويسكنها جناته من 9 شهور تقريبا وكنت ساكنه عندها لين كبرت خذوني اهلي ومتعلقه فيها حييل وقضاء الله وقدره خذاها من بين ادينا مثل ماقلت لكم....
المشكلة اني بكيت واجد بالعزا وبكيت بعد العزا اشهر واحس فيني بكااااا لسنين جدام ماسيطر على نفسي ولا ني حاسه بطعم الاكل والدنيا كلها طايحه من عيني ووجهي شااحب مريض والكل يسال شفيج تعبانه؟
مارد تخنقني العبره...
شسوي بنات شالحل راح انعمي صايره ماشوف عدل 9 شهور يوميا ابكي يمكن حدي اسكت يومين والثالت ارجع ابكي وانا عندي عيال
ودي اتقبل الوضع واعيش بس كل شوي يطري علي اروح ازورها ولما اتذكر اني ماراح القاها انهااااااااااار...
وودي ازور قبرها بس يقولون مايجوز شالحل انا تعبانه وكل مايمر وقت اشتاقلها اكثر...............​

الله يرحمج يالغاليه ويجمعني فيج بجناته قولوا آمين​

 

[كنوشة 2009]

الله يرحمها ويغمد روحها الجنة
والبجي يا اختي ما راح يردها
جان زين الميت يرجع جان ما سكتنا
انت الحين المفروض تدعين لها وترحمين عليها
والميت يقولون ما يعذبه غير البجي
وعسى الله يمسح على قلبك ويصبرك

 

[رآء يآء ميم]

عمر آلبكآ مآيرد آلغآلي

آلي تسوينه مآيجوز ترآ جدتج تتضآيق بقبرهآ لآ بكيتي

آلمفروض تصبرين و تحتسبين آلأجر من عند رب آلعآلمين

آلحين هي محتآجه دعآئج و تصدقي لهآ

 

[عسل سل]

لااااااا نصيييييييييحه لاتزوورين القبر تنتكسيين زيااده خلييج والله مردج رااح تنسييييين ولاتزوورين القبر اهم شي ولاا ماارااح تعيشين حيااه طبيعيه
حبيبتي انتي الحين صارلج 9 شهوور شلوون لو تزوورين القبر
خلااص ياقلبي تناااسي ياحيل الله مابيدج شي صح شعوور صعب بس المفرووض الصدمه وايام الحزن رااح اووكي ما قلنا لاتحزنين بس على الاقل خففي ولاتفكرين بافكار تضيق خلقج والحل الانسب سلي وقتج بشي حتى لو ضاايق خلقج ظغطي على نفسج وتسلي بأي شي
ماشاالله وحده مره حطت موضوع عياالها كللهم ماتو بحاادث وهي صااابره ماشاالله اتعظي منهااااا والحمد لله على كل حاال

 

[مس روبنز]

آآآآميييين

تصبري​

 

[مريومه النزغه]

حبيبتي الله يرحمها البجي ماهو بزين حق البيت اول شي صلي لها استغفريلها حجي عنها عمري تصدقي لها وادعليها بالنغفره بصلاتج هالدرب كلنا ماشين عليه وهذا امر رب العالمين

 

[Q8_QT]

الله يرحمها ويسكنها فسيح جناته
حبيبتي الله يصبرج قضاء وقدر ولا اعتراض على حكمه شتسوين بعد ادعيلها الله يرحمها وتصدقي لها

 

[Tom ♥ Jerry]

.،



لا حول و لا قوة الا بالله !
يا قلبي بدآل لا تبجين ادعي لها دموعج مآ رآح تنفعهآ بقبرها !
طلبيلها الرحمه و اقريلها قرآن
و ادعيلها و استغفري لها اذا تحبينهآ صج ؛)
و حآولي تنسين محد على الدنيا دآيم الا وجهه سبحآنه
هاذا طريج كل ابن آدم .. ؛*

 

[بدورة القمورة]

لا حول و لا قوة الا بالله ... الله يرحمها يارب...

بعد عمري الله يصبرج يارب..

اذكري الله وتوكلي عليه..

وهذا امر الله من رضي فله الرضى ومن سخط فله السخط


قولي أدعية الكرب وكرريها باستمرار مع الاستغفار وإن شاء الله تتحسنين

وهذا الدعاء مفيد جربيه..

(اللهم إني أعوذ بك من الهم والغم والحزن والجبن والبخل
والعجز والكسل وضلع الدين وقهر الرجال).

 

[رهــKSAــــف]

الله يصبرك..
ادعيلها بالرحمه والبكاء ماراح يفيدك

 

[غداً القاك]

الصبر الصبر
واستعينوا بالصبر والصلاه ..

 

[عاشقة هواك]

الله يرحمها

 

[ام زهقانه]

ادعيها وتصدقيلها وقري القران

 

[brettey]

ياقلبي عورتي قلبي الله يرحمها بس البجي ماراح يردها والله حاسه فيج

 

[gala q8]

الحــل :

شغلي نفسج بأشيـآء وايده .. و حاولــي تشغلين نفسج بأعيـآلج و بزوجج .. حاولي تنسين .. مو زين يصير فيج شيء لا سمح الله ( والله لا يقوله ) .. لان انتي عندج اهل و عندج أعيـآل ,, لازم تهتمين فيهم .. ~

 

[أتراب]

الله يرحمه ويغفر لها
البجي ما راح ينفعج ولا ينفعها

درسي لها قران واترحمي عليها

​

 

[! هُوْ وِينِه !]

يآ قلبي عليج
والله آنآ كنت نفس حآلج وآردى لكن مع آلآيآم نسيت آو تنآسيت لآن مآ يمكن تنسين شخص غآلي عليج
ربي يجمعنآ مع حبآيبنآ بجنآت آلنعيم

 

[(كويتيه عسل)]

الله يرحمها ويغمد روحها الجنه الله يحب جدتج لانج موناسيتها

بقولج شي عن تجربه راح يريحج انا صار فيني نفسج لما جدتي توفت وكان عمري 16 انصدمت لما توفت ومحد قالي لانهم يدرون اني بنهار وانا كنت حاسه لما عرفت صار فيني اكتئاب نفسج وارتحت لما امي سوت التالي لجدتي الله يرحمها :


انتي دايما ادعيلها

اتصلي على جمعية عبدالله النوري 1802444 واييلونلج لي البيت
وهالجمعيه ثقه وسألي اهلج عن الشيخ عبدالله النوري
تصدقي لها وسويلها صدقه جاريه.. صدقه لمريض .. مصاحف .. كفالة يتيم .. مكينة خياطه لاسرة فقيره .. شراء كتب لطالب علم .. شراء ادوية لمريض ... بناء بئر .. بناء مسجد.. الخ واااايد عندهم شغلات

سويلها شي يفيدها في قبرها وآخرتها

وهم انتي الله راح يآجرج وبتشوفين هالشي بعيالج اذا كبروا

ولا تقطعين بين فترة وفترة سويلها شي انا عقب ماسويتلها والحمد الله لحد الحين مستمره هذيك المره حلمت في جدتي وارتحت كان الحلم حلو

 

[لحظآتَ]

^
الله يجزاج خير وربي استفدت حيل من ردج ماقصرتي ..
وبخصوص صاحبه الموضوع
الله يرحمها ويتغمد روحها الجنه يارب هم السابقون ونحن اللاحقونَ
حاسه فيج وربي لان صعب تفقدين احد يعتبر جزء من كيانج
بس مابيدج غير الدعاء المتواصل لها بالرحمه ..

 

[حـــــلا]

الله يرمحها ويرحم جميع اموات المسلمين والمسلمات اللهم امين

حبيبتي كل ما ضاق خلقج او تذكرتيها ادعيلها وثوبي لها قراءة القرآن الكريم لحد ما تختمينه صدقيني حتي باحلامج بتشوفينها مرتاحة ومبتسمة لج لنج ذكرتيها بوقت كل انسان محتاج لحسنات تقربه من الجنة ومن رحمة ربنا ... الله يغفر لها ويفتح لها باب من الجنة ينور لها قبرها ويآنس لها وحشتها ويغفر لجدتي وكل اموات المسلمين
اللهم امين