الحر و الميك اب

[خرافية الهوى]

شلونكم بنات ؟ شمسوييين ..
بنات أبي اقتراحاتكم في شغلة وحلولكم .. أيام الششتااا كان الميك اب يظل حلو وثااااابت طول اليوم .. عاد الحين في الجامعة والشمس والدوام يصير الوي خرييييييطة من الانهار والمستنقعات ..:eh_s(11):
بشرتي طبيعتها جافة وفي الحر ماتدهن لااااااا يطلع ماي من الوي يعني يعرق بس مايدهن .. آناا استخدم فاونديشن حلو نسبيا وما استخدم فوق باودر لأني ماحب طبقات .. قاعدة أفكر آخذ ليي مثبت ميك اب تهقون ينفع في جو الأفران المرتفعة الحرارة ؟
ولا مرة جربت آخذ لي مثبت .. بس سمعت عن ماك انه مو وايد زين .. مادري اذا انتو مجربين ماركة أحلى وتثبت صج .. لأنه ماتدرون شقد اعاني .. رفيجتي تحط لها باودر من جذي مايتغير وييها بس انا ماحب لا لوزباودر ولا باودر لأنه لما يتعرق ويهي يتغير لونه ويصير لونه اففف محتقن مادري شلون ..

صج بناات اذا المثبت ينفع بروح آخذ لييي .. عطوني تجاربكم معاه واذا عندكم اشيااء ثانية ساعدوني
يعطيكم العافية بنااات .. الله يوفقكم

 

[كويتية دلووعة]

اب اب

 

[الكآيدهـ]

وييي نفسي استغفرالله هالجو كلش موطبيعي جنج في جهاد مو رايحه الجامعه


اممم انا استخدم مثبت ماك حلو بس مودايم احطه مادري ليش يعني انا سمعت ان اهوا عجيب انا جفته عادي يعتفس شوي الميك اب بعدين حطي بودر خفيف حيل احسن لج



up

 

[احساس راقي]

اااااااااااااااب لعيووونج نفس المعاانااه خخخخخ

 

[خرافية الهوى]

تسلمو لييي حبايبي .. يعني اكنسل ماك فكس ؟ شنو البديل انزين ؟
هممم كريولاين حلو ؟ ولا فور ايفر ؟

 

[MayOumii~]

..

,,

الله يعينج والله...فما بالج بالي بشرتها دهنية مثلي..يبووووي ))=
والله حتى بليل اكون رايحة مجمع مصكر ويهي يلعب لعب ))=

ياريت في حل ((=

..

,,

 

[بـخور الدواسـر]

اذكر ان زين الاتات قال عنده منتج للتعرق بأي مكان بالجسم حتى الوجه
بس ما اذكر بالضبط شنو استعماله وهل ينفع للميك اب ولا لا

فيه المروحه الصغيره ههههههههههه يمكن تنفع

 

[سالم الروح]

ماعندي فكره

 

[خرافية الهوى]

ههههههههه اي والله الله يعييينا .. مالي خلق أطلع ولا نص ثانية في الشمس ويهي اخترب .. جان زين يصييير برونز الا يصير ألواان الطيف كلها لووووووول .. خلاص انا بجازف وبشتري مثبت كريولاااين وبجوف آخرتها
مشكورين حبايبي على الريسبوندز

 

[مارينا1]

ما عندي فكرة​

 

[خرافية الهوى]

بناات
رحت وخذيت لي ماك .. لازم تجارب لووول .. بجربه باجر وبخبركم ..
تصبحوون على خير

 

[aloooya]

ماعندي فكرة

 

[queen angel]

نفس المشكلة..

​

 

[خرافية الهوى]

مرحبا بنات
اليوم الصبح جربت الفكس بلاس من ماك في الجامعة .. يعني ماقدر اسميه مثبت بس حلوو ..
يعني ظليت لي آخر الدوام ويهي فيه نضارة وجذي .. بس مايثبت الميك اب .. مادري احتاج مثبت أقوى ..
هالمرة بجرب كريولاين ههههههه لوووول مووو صج احس روحي مينونة لوول

 

[q8ia7]

على فكره ترا فكس ماك هذا مو مثبت !!! احنا طول هالمده على بالنا مثبت واهو اصلا عباره عن رذاذ اللي يسويه انه يعطيج رفريش ولما تحطين ميكب وبودره وتحسين ويهج "كيكي" يعني طبقات مثل ماقلتي ومغبر من البودره ترشين شوي منه واهو راح يخفف شوي الفاونديشن مو يخففه بس يخلي الفاونديشن يندمج مع البشره ويخفف غبرة البودره وجذي .. كللللش ما يثبت ميكبج

فيه مثبت ماركة دييقو .. ما جربته .. بس سمعت عنه هني بالمنتدى بس احسه مو زين اذا كل يوم بتحطينه بشرتج تروح فيها :\ بس انا ماجربته احس جذي

 

[رهـوم]

شلون تبين مكياجج يثبت بالحر وانتي ماتثبتينه بالباودر ؟؟
حبيبتي لازم لااااازم تحطين فوق الفاونديشن لوس باودر او كومباكت عشان يثبت الفاونديشن ومايسيح بالحر والشمس
اعطيج طريقه جربيها باجر وقوليلي اذا ساح الميك اب ولا لا
اول شي حطي المرطب المناسب لبشرتج الجافه وعقبها وزعي الفاونديشن وعقب الفاونديشن حطي لوس باودر وفوقه حطي كومباكت اذا سويتي هالطريقه ماتحتاجين مثبت ولا غيره سويها وقوليلي شيصير معاج

 

[nonameq8]

انا صراحه مجربه برايمر photo shot الي تستخدمه كيم عجيب شوي عليه يثبت الميك اب خيااال و يبت منه باك اب واايد من بره الي ودها تقولي

 

[حلاوة الحلوة]

الحل












لاتحطوووووووون مكياج؟؟؟؟ <<<< ادري بتذبحوني بس والله صج انا اكره نفسي لما احط واطلع النهار الحمدلله افتكيت من دوام النهار كنت مثل حالتج يابووووووووووي عالبشره تفضح مع سيلان الميك اب ودرجة الحرارة الحنينه واللي عندها حل تنقذنا

 

[THE HONEY]

احس احسن شي تحطين بودر كومباكت او لوس فوق الفاونديشن لانه بشرتج جافه ما ينفع تستغنين عن الفاونديشن

موفقه :**

 

[خرافية الهوى]

رهوم حبيبتي ..
إن شاء الله باجر أجرب طريقتج .. آنا عندي بودرة ماكس فاكتور الكحلية إن شاء الله تنفع ..
مشكورين حبايبي