الحركييييييييييييييه

[abla_momaiza]

يا جماعه لحقوني عندي دخول المشرفه وبنات التربيه العمليه علي في الحركيه ومحتاجه فناتق وخبراتكم بالنسبه للحركيه المليقه لالالالالالالالالالالالالالالا تطنشون

 

[أوركيد]

مميزة ...

الحركية زين نقدمها ...تبين ابداع فيها

اليوم كان علي حركية وبس وديت عيالي تدربوا على الدخول والانتشااار وتوزيع المجموعات ...التبادل يبيله شهر يضبطونه :eh_s(16):

شنو مهارتكم ؟؟؟؟

وانتي مستوى أول ولا ثاني ؟؟؟

 

[abla_momaiza]

والله يا اوركيد هالمشرفات وطلباتهم اللي ما تخلص قل ما قالوا نبي شي يديد مهارتنا الوثب واحنا مستوى ثاني ومشكوره عالرد وكالعاده طنااااااش كالعادي

 

[:: SeCRetS ::]

وثب وخبرة الحاسوب!!

الربط بينهم صعب!!

تصلح الوثب بخبرة حيوانات ونباتات


...

امم اختاري مهارة ثانية وماايصير خاطرج الا طيب ندورلج افكار : )​

 

[معلمة رياض اطفال]

حطى بايدهم كراكيش عشان لما يتحركون يستانسون عليها

حطى صور شخصيات للمجاميع

مساقة حلوه

بس

 

[الضاميه]

متى يجيبون معلمات للحركيه ويفكونا

انا مااعرف اقدم الحركيه

 

[معلمة رياض اطفال]

بدور المطوع عقدتنا

 

[ملاك-77]

بدور المطوع عقدتنا

الله يكون بالعون

 

[رضاب]

الحركيــــــــــــــة كابوس مزعج

كم مرة نكتب بتقرير الكفاءة في بند تطوير العمل

نبي معلمة خاصة بالحركية وطااااااااااااااااااااااااف

 

[ملاك-77]

للرفع



يامعلمات فعلا الحركية هم ماينزاااااااااااااااااح عنا أبد

انا اكره الحركية وصرت اكره اليوم اللي علي فيه حركيه...

من فيكم تتبرع وتكتبلي اشلون خطوات الحركية واشلون أضبط اطفال مستوى اول ؟

 

[الحياة]

بنات الحركية حلوة بس يبيلها تضبيط وحزم اول شي على شان تضبطينهم

جان من التهيئة وديتيهم وقلتيليهم اول ما اندش الحركية راح نسوي تمارين مع الابلة ونقلدها ونسمعها وهذا مو مكان للعب

او اخذيهم الحين بالفرصة او بعد المطعم هالوقت الضايع وديهم فيه ...

وخلي اغنيه خاصة حق تبديل الاقسام واغنية ثانية حق اللعب بالاقسام

 

[سوق الجمعة]

حطي ان احمد قام بتشغيل الحاسوب وشاهد شخصيات او حيوانات تقوم بالوثب او مسابقات قرص الخبرة عن عدد او كلمة .. والله مدري افكاري مو مرتبة..

 

[لانا]

احنا مهارتنا المشي...
تبدين بقصه ولد يبي يروح مع ابوه يشتري حاسوب من السوق القريب من البيت وتخترب السياره عاد يكملون الطريج مشي.......الخ

وبعدين تتطرقين للمشي للأمام وللخلف ولليمين وللشمال + المشي السريع والبطيء +المشي مع مسك الكره.......

 

[ياسمينا]

الحركيه تبدا بتنشيط الاطفال مع الحركات الرياضيه ثم انتشار وتسأل المعلمه الاطفال اين نحن ماذا نفعل بالحركيه رياضه وتنشيط الجسم وتقوي عضلاتنا
ثم يبدا النشاط التطبيقي يبدا بقصه حركيه مرتبطه بالخبره والمهاره
مع تعليم الاطفال المهاره تطبيقها
اخراج نموذج صح من الاطفال
ثم توزيعهم على المجموعات الاربع واللعب بالادوات الرياضيه مع الموسيقى
تبديل المجموعات
اخر شي تمارين استرخاء
وبس دوووووووووووخه صراحه بس اذا انضبطوا عيالج خلاص تتحكمين بالحركيه
وادعوووووووووولي

 

[روحـ روحه]

الله يجزاج خير ياياسمينا على هالشرح المبسط والجميل

 

[ملاك-77]

بارك الله فيج ياسمينا

 

[ياسمينا]

ولو خواتي ما سويت شي احلى شي دعواتكم لي والله يعينا

 

[عالي مستواها]

بالعكس أنا أشوف الحركية أسهل شي .. أهم شي تعرفون الخطوات أو الأقسام الرئيسية

الحركية ينقسم أربع أقسام ..

الإحماء : ويكون بمشي الأطفال حول الصالة ثم الجري مع الموسيقى وممكن الإكتفاء بس بهذول أو عمل تمرينات بسيطة زيادة مثل تحريك اليدين والأرجل من وضع الإنتشار

النشاط التعليمي : يتم فيه شرح المهارة تبدا المعلمة أول بمنبه أو مثير تربط فيه المهارة اللي تبي تعلمها بالخبرة اللي يدرسونها ويكون عبارة عن مشكلة تحاول تخلي الأطفال يحلونها كل واحد بطريقته .. طبعًا تعطيهم فرصة الكل يحاول بأكثر من طريقة
بعدها تطلع نموذج سوا الحركة صح وتخليه يسويها أمام الأطفال وبعدها تطلب منهم يكررون اللي سواه النموذج تقولهم أسم المهارة و خطواتها بشكل بسيط .. ما تنسى تشجع النموذج وتثني عليه وبعدها تخلي الأطفال يكررون المهارة أكثر من مرة وهالمرة تمر على الاطفال تشوف اللي سوا خطأ تصلح له

النشاط التطبيقي : يكون بتقسيم الأطفال أما 4 مجموعات أو قاطرتين .. يعتمد على المهارة يعني فيه مهارات لازم طفلين يسونها ما يصير طفل واحد مثل " الرمي واللقف " أو " الصد " ما يصير طفل بروحه يسوي صد فتقسم الأطفال طابورين كل طفل قدامه طفل ثاني عشان يسوي المهارة معاه .. أو أربع مجموعات كل مجموعة فيها تطبيق للمهارة اللي تعلموها الأطفال .. ويفضل تدمج معاها مهارات ثانية
مثلاً إذا المهارة دحرجة تحط بوحدة من المجموعات أطواق ينط الطفل فوقهم بعدين يسوي دحرجة على المرتبة ..

النشاط الختامي : تبدا بتمرينات تهدئة أو إستطالة مع نفس عميق شهيق وزفير وبعدها تسوي المعلمة مسابقة حركية بسيطة .. أهم شي يكون فيها حركة وبعدها توزع هدايا على الاطفال حلاو أو أي شي وبس جذي أستوفت أجزاء الدرس

عاد أنا أحب الحركية .. هي الشغلة الوحيدة اللي درسونياها بالكلية دخلت الروضة وأنا أعرف خطواتها عدل

 

[:: عائشه بقلبي ::]

روووووووووووووووووووووووووووعه

 

[عذبة الاحساس]

الله يعطيكم العافيه
انا ليلحين ادرس بس عندي حركيه وكنت ابي اعرف الطريقه والنشاط لان راح نسوي نفس الشي بس بينا وبين بعض بدون يهال وخذيت افكار منكم مشكورين