الحبوب تختفى بعد الزواج

[احبكم مررره]

بسم الله الرحمن الرحيم







بنات انا وجهى وللحمد الحمد فيه حبوب مضايقتنى حييييل

ودى اخذ الروكتان بس انا على وجه زواج

وماقدر اخذه بخطوبتى بعد بيهج الرجال

المشكله
خالاتى وخواتى يقولون بعد الزواج يختفى
انتوا شايقينى مثل هل الحلات بنات فيهم حبوب وخف بعد الزواج
:eh_s(16):

 

[شادن33]

ههههه اهم شي لا يهج الريال
صح وايد بنات شفتهم نفسح وبعدين صار الوي سيراميييييكه
تتغير الهرمونات السعيدة !!!
انت بهالفتره لاتكثرين مايونيز وبطا مقلي ووجبات سريعه
وسمعت ان الصبار الفرش حلو للحب الشباب
مبرووووك ياعروس

 

[سمر شمر]

اي يخف

لاتتهورين وانتي بويه زواج

ماتدرين لاسمح الله يمكن مايصلحح

انا عن نفسي ويهي كان حب (نفسية قبل الزواج

وبعد ازواج اختفى ولله الحمد
انا تهورت قبل زواجي وانسلخ جلدي سلخ

حتى اهوو انصدم

طبعاا مع الادوية تهيج لان البشرة حساااسة خصوصا ان كان فيها حب
والله يوفقج

 

[alhabibah]

انا كان فيني حب الشباب بويهي وظهري وصدري، بس تزوجت كللله راح. بس لي حملت، ارجعت الحبوب برقبتي وصدري، بس ويهي ولله الحمد صافي..

 

[$$king moon$$]

استخدمي تقشير للوجه او كريمات تخفف الحبوب
وان شالله عقب الزواج تتغير الهرمونات واتخف
بس قولي ان شالله

 

[ام كوثر2007]

دامج للحين ما رحتي بيت ريلج .

خلطيلج قفشه سدر مطحون وقفشه عيش مطحون وشوفان مطحون ونشا وخلطيهم بغرشه .. كلهم بمقادير متساويه

وكل يوم اخذيلج قفشه من الخلطه وحطيها بطاسه . وحطي عليها اشوي عسل وماي ورد وفركي فيها ويهج وخليه علي ويهج لمده ساعه الا ربع .

بعدين روحي المغسله . وحطي بيدج ماي علي ويهج وقعدي سويه مثل السنفره . وغسليه بماي دافي . وحطي اي كريم مرطب عقبه .


وان شاءالله كل الحبوب اللى بويهج بتختفي وهالشي عن تجربه .


عسى الله يوفقج ان شاءالله بزواجج .. ويسهل امورج .

 

[AL-DMERA]

اي ان شاء الله تروح ,,
بس مايمنع الحين تعتنين ببشرتج ,,
انا بقولج شي وانتظمي عليها طول حياتج ,,
الحبوب تجي من وصخ بالبشره ودهون زايده ,,
اخذيلج تونك تنظيف ومقشر خفيف للبشره وكريم مرطب للشره ,,
هذيل الثلاثه روحي وشوفي المناسب لبشرتج واشتريهم ,,
التونك كل ماطب وجهج ماي استخدميه وقبل النوم وبعد ماتقومين من النوم ,,
المقشر قبل النوم يومياآ ,,
المرطب قبل النوم بعد التقشير حطيه ,,
البشره لازم تنامين واهي نظيفه وتتنفسسس ,,
المقشر مااقصد التقشير القوي الماسك لأ ,, اقصد كريم تقشير السنفره الخفيفه ,,
وان شاء الله بعد الزواج بتخف الحبوب لأن انا نفسج كانت حبوب واجد تطلعلي والحين خفت ,,
موفقه ,,

 

[اتعبني غياابك]

حيلج بالروب والعسل ع الويه انا كنت نفسج طالعلي حبوب وماطلعتلي وايد لا يوم قرب عرسي وربي الحمدالله وبفضل ربي وهل خلطه رااااحت الحبوب " مشاء الله" ومبرووك ياعروس والله يهنيج

 

[Dark SouL]

نشا وماي ورد حطية ماسك لمدة ربع ساعه كل يوم وشوفي شلون الحبوب بتتقشر

او اخذي مرة ونقغيها بماااي حار وحطيها علي الحبه همن بتتقشر وتعالجها اذا الحبه فيها التهابااات

 

[ام سعود ديكسون]

مبروك الزواج

غلاتي ما انصحج بالروكتان يسبب تشوه بالأجنة لازم تقطعينه قبل سنة من التخطيط للحمل
و يتعب الكلي و الجبد لازم تراجعين دكتور اذا تعبتي منه يقطعه او يعدل الجرعة

يعني باختصار وخري عنه
روحي اشتري لج غسول كلين اند كلير ويا التونر و الكريم العنونو مال الحبوب اللي مكتوب عليه ينشف الحبة ب ٤ ساعات

او جربي كليراسيل المجموعة كاملة من الجمعية

 

[zaina alotibi]

شوفيلج دكتور جلدية وقوليله انج على وجه زواج عشان يراعي بالعلاجات انها ماتضرج .....

تخف بعد الزواج ممكن بس ترا مو دايما

 

[honey lust]

حبيبتي انا اعرف وحده ظهرها كان متروس حبوب و قالتلها الدكتوره بعد الزواج يروح و فعلا راح

و ترا الروكتين يبيله 6 اشهر على ما يطلع من الجسم و بعدها تقدرين تحملين

 

[اميره1980]

انتي للحين ما ملجتي حاولي تعالجينه باسرع وقت
و لا تنسين ان النفسية تلعب دور بالموضوع بعد

 

[Judy . abbot]

صج الحبوب بعد الزواج تخف وايد. بس ماتروح نهائيا خصوصا اذا في آثار
الروكوتين ماينفع حق عروف كورس علاجه من ٣ لي ٦ اشهرر وعقب ماتوصلين حق النتيجه الي تبينها لازم فتره ما تحملين مادري جم شهرر واذا حملتي وتوج مخلصه علاج لا سامح الله يصير تشوهه بلاجنه
بس هم لازم تعالجين بشرتج
انا رحت حق دكتور مشعل الغريب بعيادات السلام المسيله
خوش دكتوور وعطاني مضاد حيوي وكريمات وايد خفت الحبوب بس انا الله يهداني ما كملت الدوا بس الدكتور ممتاز ونفسه حلووه وعندج بعد عيسى بشور بس مواعيده بعيده

 

[*peace*]

الحل عندي واذا نفعكم بنات ادعولي عفيه

روحي الصيدليه اخذي كريم ليوفيسودين للحبوب الصيدلي بيقولج شلون طريقته اتوقع سعره ٥ دنانير

وباي باي الحبوب حتى بالدوره ماكانت تطلعلي يهبلللللللل

جربوه عجيب ولاتنسون صلاة الاستخاره وبسم الله الذي لايضر مع اسمه شي قبل لاتحطونه

اي وترى الحامل مايصير تستخدمه

 

[مشتطـه]

ايييييييييييييي



سبحان الله يختفون الحبوب لما تتزوج البنت مادري ليش @@

انا لاحظت بنات وايد

 

[دلوعة صلوح]

اب
اب
اب

 

[احبكم مررره]

مشكوريييييين
بعد عمررررررى انتوا عطيتونى اامل
وان شاء الله تروح بعد الزواج وافتك مليييييييت
دعواتكم

 

[Galb.sh]

انا من سنتين خذيت هالحبوب بس ماراحو 100 بال100 بس خفو وعقب ردو بس على خفيف
لان كنت اخذ جرعه قليله .. وفعلا الحبوب هذا علاجه .. بس انتي نفسي وهم قالولي نقس الكلام بعد الزواج الهرمونات بتتغير والحبوب بتروح
وماله داعي تاخذين روكاتان ..

 

[| تفاصيل |]

استخدمي غسول من صيدليه
ينشف الوجه من الدهن
لان الدهون اهي الي اتسبب الحبوب
وخذي لج كريم مرطب زين

وهذا الحل مجرب والحمدلله مفيد
بس بشرط استخدام الغسول يومياً