() الحاجة ام الاختراع () شوفوا شنو سويييت هالمره() رولات اللحم المفروم بالباشميل ()

[chocolate cake]

في مثل يقول

" الحاجة أم الاختراع "

و انا كنت بأزمه ما رحت الجمعيه ماااالي خلق
و ريلي بالدوام و لازم يرد يلقاني مسويه غدا !!

انزين شسوي

ما عندي عيش
ولا باستا
و لا دياي

"كل شي خلص و كل مره ااجل رووحة الجمعيه ماااااااااااااااااالي خلق "
:dddds:

لو كان في عيش جان سويت عيش و ربيان

و لو عندي باستا جان هم سويت اي شي

فصج كنت متوهقه

المهم جان أألفلي طبخهمن مخي على حسب المتوفر عندي :gr4uu:

و سويت هالاكله اللذيذه و الخفيفه

و صج صج صج

خطييييييييييره

المقادير _03BA:
_03BA:

لحم مفروووم
بصل مفروم
فلفل اخضر بارد مفروم
ثوم
مشروم طازج مفروم
بطاط (مكعبات صغيره مقليه )
بقدونس مفروم
مكعب ماجي
رشه دارسين
رشه بابريكا
رشه كمون
معجون طماط
عجينه سمبوسه

باشميل (طبعا كلكم تعرفون شلون تسوونه)

الطريقه:eh_s(6):

اول شي يا تفوحين اللحم المفروم عشان الزفره او انج تحمسينه بجدر بدون شي بس لين ينشف مايه

تيبين مقلا كبيره شوي و تحمسين البصل مع زيت
و بعدين تحطين الثوم و مكعب ماجي و اللحم المفروم
تحمسينه عدل و تظيفين البهارات عليه
عقب تحطين الفلفل بارد لين يستوي شوي
بعدين المشروم و اخر شي البطاط المقلي
تحمسين عدل مدل
بعدين تحطين البقدونس المفروم
و اخر شي المعجون
و تخلين الخلطه على جنب

بعدين تييبين ماعون بايركس تدهنينه بزيت شويه او بالباشميل (طبقه خفيفه عشان لا يتلزق)

عقب تيبين عجينه السمبوسه و تحطين كميه من خلطه اللحم و تلفيننها على شكل روول
و تصفينه بالبايركس

لا تخلين فراغات بالبايركس
و عقب تصبين فوقه الباشاميل و ترشين رشه جبن موزريلا و تذخلينه الفرن يتحمر

و بعدين تقدمين الاكله و اهي حاااره

و بالعااااافيه

صج صج صج خفيفه و لذيذه تعطيج طعم اللازانيا على معكرونيه الباشاميل

صج لذييييييذه

و هذي صووووره بس للاسف ما صورت عدل لاني كنت يوووووعاااااااانه :dddds:

جربوها و قوليلي رايكم

و صج صج صج ان الحاجه ام الاختراع خلاص ماني رايحه الجمعيه عشان ابتكر اكلات يديده لووووووول

:dddds::dddds:

اختكم - Om Fahoodiii

 

[over love]

واى تينن يوعتييييييييييييييييينى
وأموت بالطبخ السريع الى مافيه حوسه وايد

تسلم أيدينج وكثرى من هالسوالف

 

[مغتربة 2006]

يعطيج العافيه صج ست بيت
لوووول لو انا مكانج
جان قلت حق ريلي يب من بره ما عندنا شي بالبيت لوووووووووووول

 

[شندوخه]

ماشاءالله تبارك الرحمن فنتقق عجيب تسلم ايدج

 

[معكرونه أسبكتى يم يم]

لاعاد تروحين الجمعيه اذا هذا شغلج

بجربها ان شاءالله تسلم يدينج

 

[يمّه مني]

ام فهاديييييييييين

ممكن حته

يمييييييييي صراحه مايمحون روحة الجمعيه كلش

تسلم الايادي خووش اكله

 

[chocolate cake]

واى تينن يوعتييييييييييييييييينى
وأموت بالطبخ السريع الى مافيه حوسه وايد

تسلم أيدينج وكثرى من هالسوالف

وييي انا ما احب ايوع احد

لووووول

و اي والله ترا حده سريع و لا تغرج الطريقه و قرقتي بالموضوع ترا صج صج حدها سريعه الاكله

و ان شالله كل ما اسوي شي لذيذ انزلكم طريقته و مشكوووره حبيبتي على مرورج الحلو نور الموضوع

يعطيج العافيه صج ست بيت
لوووول لو انا مكانج
جان قلت حق ريلي يب من بره ما عندنا شي بالبيت لوووووووووووول

هههههههههههههه

تهقين مره ثانيه اقوله جذي
لوووول عاد انا كله احس بتأنيب الضمير :dddds:
مشكووووره حبيبتي على مرورج الروووعه

ماشاءالله تبارك الرحمن فنتقق عجيب تسلم ايدج

الله يسلمج شندوووووخه
حبيبتي نور الموضوع بردج

لاعاد تروحين الجمعيه اذا هذا شغلج

بجربها ان شاءالله تسلم يدينج

هههههه عاد ليلحين ما رحت الجمعيه مادري باجر شنو بسوي بس خلاص احس مخي يعورني من كثر ما افكر
:dddds:

الله يسلمج حبيبتي و مشكوووره على مرورج

ام فهاديييييييييين

ممكن حته

يمييييييييي صراحه مايمحون روحة الجمعيه كلش

تسلم الايادي خووش اكله

افا عليييييييج بس حته !!

ما طلبتي شي والله

تستاهلين اكبر صينيه بايركس بالدنيا لووووووول

مشكوره حبيبتي على مرورج نور الموضوووووع :eh_s(6):

 

[digital]

ماشاء الله تسلم اييدج

هذا دليل انج شااطره وتتفننين بالمطبخ وهذى حلاة الغربه تعلمنه وايد اشياء

يعطيج العافيه

 

[اسراء205]

مشكوررره

تسلم الايادي

 

[dalal]

عاشت ام فهوووودي والله :ggdw:

 

[little nina]

تسلم ايدج

 

[جارة القمر]

تسلم ايدج


حبيبتي

 

[قطوة@@]

ما شاء الله فتق حلووو
وتشوووق
يعطيج الف عافيه

 

[chocolate cake]

مشكوووريييين بنات على ردودكم

نورتوا الموضوع

 

[على وجهها سمة الأبرياء]

شوقتيني تسلم ايدج

 

[chocolate cake]

الله يسلمج حبيبتي مشكووووره

 

[خزانة فن]

يسلموا حبيبتي

 

[الريم الجفول]

تسلم الايادي

 

[chocolate cake]

الله يسلمكم

مشكووريييييين

 

[رورو الحلوه]

تسلم ايدج