الجناط والبواكه اللي ما تبونهم وين تودونهم ؟

[بشه المنفشه]

السلام عليكم




بين فترة وفترة أسوي تصفية للملابس وأودي للجان بس الحين عندي تصفية جناط اشكثر وبعضهم ماركات بس مستهلكين وقدم وقالولي لا تودينهم حق اللجان لأن في بعضهم ياخذونهم ويبسطون فيهم والفلوس بجيوبهم والله أعلم !!!!

فمادري إنتو شتسوون فيهم ؟؟

 

[ام الدرر]

انا اعطيهم لناس ثقة يودونهم للمحتاجين بره مه الملابس
واحيان خدمي يشوفون احطهم باكياس اللجان فيطلبون
واخليهم يختارون اللي يعجبهم
واذا على انهم يبيعونهم انا عندي يبيعون الجناط اهون من بيع ملابسي ​

 

[بشه المنفشه]

لا ماحب أعطي شي للخدم خصوصا الهدوم فيني وسواس

 

[أغلى حبيبه]

عطيهم ناس تعرفينهم محتاجه وكله باجره ان شاءالله

 

[أم سيف وسلطان]

اعطيهم ناس اعرفهم محتاجه

شوفي حد يعرف ناس محتاجه

 

[ام زهقانه]

أنا اعطيهم زكاة مرات هنديتي نبيهم عطبها ايهم

 

[أم حسون]

انا اعطيهم للخدم

 

[&موناليزا&]

عزيزتي رفع لعيوووووونجhttp://www.q8yat.com/t973508.html

 

[q8 knosha]

انا اعطيهم حق خدامتي

 

[العز انا]

الجناط اعطيهم خدامتي او الناس المحتاجه او صالونه تجيني البيت

 

[بشه المنفشه]

مشكورين ما قصرتوا كثر الله خيركم

 

[3aSaL Q8]

الملابس امي توديهم حق ناس محتاجييين او اعطيهم حق الي يشتغلون بالصالونات
الجنط العاديه الخدم او الصالون او تبرع
جنط الماركات خشييهم باجر ترد موضتهم حق بنتج او وزعيهم على الاهل البنات اللي توهم كبرو وصارو يلبسون جناط خواتج بنات العم الخال عادي يستانسوون فيهم
وفي بنات يبييعوون جناطهم

 

[بشه المنفشه]

مشكورين وايد وايد

 

[غرور الريم]

انا اعطيهم خواتي ولا للجاإان

 

[PuPa^^SWeeT]

الجناط الماركة اخشهم حق بناتي



الجناط المتقطعة شوي اوديهم لجان ولا اعطيهم خادمتي



بس الجناط اللي نوعيتهم زينة اخشهم حق بنتي لما تكبر

 

[قطوووة]

اذا كانت حالتهم زينة اما اتبرع فيهم
اؤ اتبادل مع بنات خالتي
خاصة ان جناطي ااغلبها نظيفه
عادي

 

[Um Rashed]

انا الصرااحه ادزهم بره ... لناس محتاجين واخذ من خواتي بعد ايمع واودي معاي اضمن لهم انه يوصل اغراضهم لناس يحتاجونه وياخذون اجر عليه طبعاا

 

[PuPa^^SWeeT]

طرت اببالي فكرة

مرة كانت زميلة ويااي بالدوام

كانت لها ظروف مادية ماني قايلة وظيفتها



بس كانت تعبانة ماديا اهيا و زوجها ظرووفهم مؤقتة كاننت بس حتى تجهيز رمضان و عيد مو قادرين



قمت يمعتلهم يمكن ولا اغراض

ماركات و عاديات كل شي مابييه


يمعتلهم تقريبا شفتو جياس سنتر بوينت الكبار حيييل اكبر شي اكبر شي


يمعتلهم يمكن فوق 20 جييس



و عطييتهم ( عددهم كبير 7 بنات و ولدين )


استانست و قالتلي وايد و من هالحجي



شوفي انتي احد اتعرفينه محتاج من عايلتهم اهلكم



اي احد اتحسين عادي يقبل منج


وعطييهم




تكسبين فيهم اجر


والاقربون اولى بالمعروف