الجفاء من الأقارب امي تريد رايكم ياحريم نساء الجنه

[مشاعر مخمليه]

الجفاء من الأقارب امي تريد رايكم ياحريم نساء الجنه

​

بسم الله الرحمن الرحيم
السلام عليكم ورحمته الله وبركاته
صباح الخير لكل [URL="http://www.al-janh.com/vb/j21140"]نساء [/URL]الجنه مبعوثه من فم امي الغاليه
ـــــــــــــــــــــ
الموضع هذا نريد استشارت وارأكن وبصدق نريد الأصلااح ماستطعنا
المشكله من الأهل والأقارب
من ذكور وأناث
نحن عائله أنعم الله علينا بنعم كثيره فله الحمد والشكر
ولالا نتدخل بشئون غيرنا ولكن الجفاء زائد عن حده ومتواضعين جداااا بكل شي وبحتى القليل
بماذا تنصحوننا لنقترب منهم كثيرا بدون تجرحات تأتي منهم
نحن نعاملهم بأحسن مايكون ونحاول أرضائهم ولا يحصل إلا الجفاء
ولالالالالا فايده فهم
هذا أمي تقولي وانا اكتب
ــــــــــــــــــــــ
يوم قامت امي كتبتلكن
ياحريم اكتب شي يطيب خاطر امي تتمنى حل بإسرع وقت
( ياحرام دايم تقول أقرب بيقولون وش تبي أبعد رافعه خشمه ومغنيه الله ؛والله حاله )
والله أحيانا ارحم امي
تقول ( ودي أكفخ بس مكسور الجناحي )
مع العلم أجدادي من امي وبوي راحلين الله يرحمهم ويغفر لهم ويجعلهم في جنات النعيم
لالالالالالالا تقصرين

 

[أحتمال دجيت]

شوفي حبيبتي

العلاقات العائلية موضوع متشعب والناس مو مثل اول تلقين الخوات والأخوان كلهم على قلب واحد ( انا اتكلم يعني مثلا اذا كانت امميمتك زارت عمتك منيرة مثلا ) بالأول خوات منيرة اذا كانت منيرة تعز امك هم راح يعزون امك ..
بس هالأيام لالالا من اول ماتطلع امك من منيرة تلقين سارة اخت منيرة رافعة السماعة عليها هاذي شعندها وشتبي مسيرة عليك انتبهي منها ترا هذيك السنة سوت نفس الحركة مع فلانه .... وتقعد تزن على منيرة ليما تترك منيرة امك ( هي اكيد بتتركها عشان ماتخسر اختها )
فنصيحتي لك ولأمك ولأي وحدة تبي تكون لها علاقات حلوة مع الأقارب
في البداية اختاري وحدة تكانة من اقاربك وتكون حقانية عشان اذا احد تكلم عليك في غيابك هي الأقنور عندها شغال على طووول ( ياحبي لها لنوعية ) وكوني معها علاقة قوية خلنا نقول لمدة 6 شهور ماتزورين الا هي ولا تضحكين وتمازحين الا هي بس والباقي خليك جادة شوي معهم ( يعني ابتسامة وبس مو تكبر وغرور لالالالا ) ... بعدين هي راح تفرضك فرض على العايلة وبكذا انتي تدخلين الجو معهم كلهم ...
الموضوع يبيله صبر ونا ختك وهذي علاقات حمولة نااادر ماتلقين الكل يتفق لان مثل ماقلت لك في البداية الناس مو زي أول


أتمنى اكون وصلت اللي في بالي لأني صراحة تعبت من الكتابة ....

وننتظر اراء الخوات معنا

 

[el.mlkaa]

زوووري الي تبينهم بين فتره وفترره بسس بععد لآزم أهم يزورونكممم أو حتى سؤال بالفون كآآفي

 

[شواااقه88]

على فكرة اختي من اهم اسباب القطيعه بين القرايب

انووو ما في مصالح مشتركة أو اهداف مشتركة

وفي تفاصيل دقيقة تخص الاشياء الشخصية لافراد هالعوائل

يعني مشروع تصليح العلاقات يحتاج وقت وصبر


وتوقع الرجوع لنقطة البداية باي لحظة


يعني وسعوا صدوركم
وهالموضوع الكل يشكي منه
:eh_s(7):​

 

[أعشقه]

غريبه ع اي اساس قاطعينكم يعني وليه فيه كره
انا الي اعرفه الناس تتقرب من الي عنده خير وفله وكذا منها يستفيدون ومنها مصالح مشتركه
انتو اهلكم في قلوبهم شي ثاني عليكم .. او حسد
انتو الي عليكم سووه كل فتره زوروهم وبكيفهم تقبلوكم ولا
مو اجباري يتقبلونكم عاد اهم شي انتو سويتو الي عليكم وزرتيهم
وخليكم عادي بتصرفاتكم وباسلوبكم
لا تغيرون انفسكم ولا نمط حياتكم علشانهم والي يبيكم ويبي قربكم بيتقبلكم بمثل ماانتو عليه

 

[وفاء ولين]

شوفي سلمي لي على الوالده واللهم امين نكون من نساء اهل الجنه
الزمن اللي احنا فيه زمن مصالح مصالح على قد مصلحتهم قد تقربهم
الغيره والحسد والمقارنه والنفاق اصبحت تحكم العلاقات الا من رحم ربي
وطمني امك مو لحالكم كذا كثير
والله يغنينا عن الناس ويمتعنا بالصحه والعافيه ويسترنا ولا يحوجنا لا احد وكوني انتي صديقة امك

 

[مشاعر مخمليه]

مشكورين من كل قلبي على المرور
والله يعطيكن الف عافيه

 

[قمر بيت أبوها]

كل فتره اعزموهم بالبيت ولا باستراحتكم وقهوهم وعشوهم والحمد الله كفيتوا ووفيتم
والله الحين الناس من تجربتي لاصار وضعك الاجتماعي والوظيفي والمادي افضل منهم وروك نجوم الظهر
واذا كنت فقيره وعلي نياتك داسوا عليك ياشيخه مااحد مرتاح من الاقارب خلي امك تقوم بالواجب والقصور لاجاء خليه منهم والباقي علي الله
ودام نية امك زينه الله بيجازيه بالاجر الناس ماتلاقين من وراهم غير وجعل الرأس
والله يجعلنا واميمتك من نساء الجنه والمسلمات اجمعين

 

[أبلة فاتن]

وناسه كله عضوات جدد بالموضوع وردودهم حلوه موضوعكم مفيد

 

[أنوثه ملكيه]

أول شي اللهم أجعلني جميع عضوات وزآئرات منتدى كويتيات من نساء الجنه ووالدتنا ي حي ي قيوم :eh_s(17):

وقولي لأميمتك إذا حست ب الوحده والجفاء تتذكر قول الله تعالى
( لاتحزن إن الله معنَا )

والجفاء والقطيعه إللي حاصله بأغلب المجتمعات إلا من رحم ربي
سببها ( قل الإيمان) ثم بعدها المصالح والغيره والحسد وإلخ
نسو إن ديننا الحنيف وصانا نكون يد وحده فقيرنا وغنينا واحد
إحنا للأسف في هذي الأيام ننظر للفقير إنه ولا شي وماندري إن اللي يجملنا ويرفع قدرنا قبل الفلوس الاخلاق وعند الله ترفع منازلنا الأعمال الصالحه

أنا أوصيك وأوصي أمك أن تصل رحمها وتحتسب بذالك الأجر من الله ولا يهمها كلآمهم حتى لاتفتح باب لشيطان ترى الشيطان يجري بالإنسان مجرى الدم
قدموو الخير ولا تنتظرون الرد يعني بالخليجي سو خير وقطه بحر

أجتمعوو دائماً على طاعة الله ولا تسنو ذكره بالمجالس
أتمنى لي ولكم حياة أجتماعيه سعيده:yaaaaaarb:

 

[^LILY^]

عندكم حلول كثيره .. !

ليش ما تهدون بعض الهدايا كما قال النبي صل الله عليه وسلم " تهادوا تحابوا " وفي رواية أخرى " تهادوا فان الهدية تذهب حر الصدر"

يقول الشاعر :

هدايا الناس لبعضهم بعض تولد في قلوبهم الوصال

وتزرع في الضمير هوى ووداً وتلبسهم اذا حضروا جمالا



والهدايا :

كالبلسم الشافي يوضع على الجرح المفتوح فيجعلة يلتئم سريعاً انها كالثلج البارد يوضع على النار المتأججه فيذهب حرها

حيث لها مفعول كالسحر لتحويل الالداء الى اصدقاء حميمين


^
^

تختارون وقت مناسب وتطرشون عليهم الهدايا بشكل مفاجئ

والهدايا مو شرط غاليه ع حسب المقدره

سجاده
أماعين

الـخ ....


^
^
^

هذا جزء من الحل و ان شاء الله بعد ما تحسن علاقتكم
حاولوا اذا كانت سبب القطيعه عندكم الحساسيه الزياده انكم تخففون وتدمحون الزلات لان مستحيل كل الطرفين معاند
متى ما قدرتوا الطرف الثاني راح يجي يوم احد يقدركم

وشوفوا شنو الشي اللي يزعجهم حاولوا تبتعدون عنه مثلا تعطون رايكم باثاث بيتهم او بعيالهم الخ
في ناس يتضايقون ما يحبون احد يذمهم انتي بهالحاله لا تبدين اي تعليق
لان شي ع شي ع شي ع شي = قطيعه وجفاء

شوفوا شنو الاسباب وابتعدوا عنها خير شر


-


انتم هالشكل سويتوا اللي عليكم وبريتو ذمتكم قدام الله وان شاءالله رايتكم بيضاء


وشكرا

 

[*ام فهودي*]

اي والله مثل ما قالت lily الهديه تسعد الانسان وتفرحه والمثل يقول انا غنيه واحب الهديه الهدايا تقرب المسافات بين الناس وتصفي النفوس

 

[granted]

والله ياختي محد يختار اقاربه طبعاً اقصد الاقارب الي من ابناء عمام الوالد او الوالدة او عيال خالة يد ام مادري منو :ch12:
وهالسوالف الي يتيمعون ويقطعون بخلق الله تعرفونهم

على فكرة لاحضت ملاحضة بالاقارب نفس ماقالت اختي قمر
لمن يصيرون بحاجتج تمشين لهم موضوع او تسعين لهم بشغلة
سبحان الله حتى ويوهم تتبدل والضحكة شاقة الوية والاسلوب الذرب والحجي المصفصف
واذا مو محتاجين منج شي يقطون الحجي مثل الرصاص استغفر الله ويدورون وين الجرح ويدوسون علية واسئلة الفضووول هذي هوايتهم
يطالعون عيوب غيرهم وناسين عيوبهم
الاقارب عقارب
عاد انا ماقام يهموني الفترة الاخيرة ولا احط لهم حساب مادري جذي صاير فيني تبلد مثلهم اهم مايعرفون الا مصلحة او قيل وقال
كل واحد بحالة وفكونا من شركم

 

[^LILY^]

بنات البنت تبي حل وامها اظن بتقرا لا تزيدون عليها
عطها حلول يكون احسن