الجريش

[عروبه]

السلام عليكم
ومبارك عليكم الشهر
بنات منو تعطينى احسن طريقة لعمل الجريش والافضل التقليدى القديم وشنو احسن انواعه الموجودة بالسوق لانى والله كل ما اسويه يطلع جنه ماى مع انى دايما اخفف الماى عليه واستخدم (المطاحن )
تكفون رمضان على الابواب وزوجى وايد يحبه

انتظر ردودكم

 

[under shadow]

مشاركة: الجريش

حتى انا ابي اتعلمه بس ما ابي يكون الطماط وايد فيه
اللي تعرفه تعلمنا وجزاكم الله خير

 

[bnt q8 in usa]

مشاركة: الجريش

شوفوا ابوي احسن جريش الامارتي لايعلي عليه
اقولج طريقه تسوينها:تقصين بصل وتقصين طماط عدد 3 وتحمسنهم ببهاراتج الطيبه او ممكن بس كاري وفلفل اسود_تالي تقطين اللحم ولو يكون هبر افضل واذا تبين دياي هم كيفج جنج قاعده تسوين مرقه ولاتنسين اللومي حبتين ومعجون طماط واحد تالي تصبين ماييج وتخلين اللحم ينضي واذا كان دياي شيلي العظم عشان لاتعابلين فيه حزت الضرب وخلي كل مانقص ماييج صبي ماي_لمن تحسين انه لجم ناضي يبي جريشج تكونين غاشلته عدل مو منقعته بس غسيل
وصبي واول فقاعه تقطق وياج قصري علي الجوله وكل 3 دقايق او 5 دقايق قلبي الجريش عشان لاتصير حكوكه والماي خليه فوق الجريش بمقادر نضرج بقلاسين وكل مانقص الماي هم صبي قلاسين خلي علي الجوله عقب الجريش تقريبا ساعتين ونص _عقبها خليه يبرد وضربيه ولاحظي انه الماي يكون قل نوعا ما واذا حسيتي بالضرب ماذيج زيدي شوية ماي

الحشوه:بصل مقصصته تحمسينه بالدهن شوي وتحطين لومي مطحون وفلفل اسود وملح

ملاحظه:لاتضيفين الملح ليمن حزت الضرب
الحجي وايد بس بالفعل اسهل منه ماكوو

 

[under shadow]

مشاركة: الجريش

مشكووووره بنت الكويت جزاج الله خير

بس الماي بجذيه صار وااااايد يعني ماعرفت كميته

وبعدين احمس اللحم وايد والا شويه لانه ماينضى بسرررعه وبعدين بعد ما اصب الماي عليه اخلي اللحم يطبخ فيه قبل ما احط الجريش

 

[جارة القمر]

مشاركة: الجريش

bnt q8 in usa


مشكوره

ودي أجربه

بس خايفة

تسلمييين

 

[bnt q8 in usa]

مشاركة: الجريش

خلي اللحم ينضي بعدين ضيفي الجريش ومثل ماقتلج الماي خليه علي نظرج كل ماشفتي الحبه اخذت راحتها زيدي قلاس

 

[عروبه]

مشاركة: الجريش

مشكورة بنت الكويت
بس ليش ما انقعه

 

[bnt q8 in usa]

مشاركة: الجريش

حبيبتي النقعه حق لمن بغيتي تسوين الكبه كبة جريش
بس لي غسلتيه وصبيتيه علي مرقتج يصير احلي والنكه تصير روعههه

 

[jolie_q8]

مشاركة: الجريش

مشكوره

على الطريقه

 

[الغلاااااااكله]

مشاركة: الجريش

تسلمين بنت الكويت عالطرقه الحلووه

 

[جكورة]

مشاركة: الجريش

أول شئ تحمسين البصل مع 3 طماطات مقطعه مكعبات مع فلفل أخضر حار مع جزر وفلفل أسود دارسين ناعم لومي ناعم وبهارات الخضرا والدجاج المقطع على حسب الرغبه ممكن 6 قطع وممكن 8 وأحط الماي مثل طريقة مرق الدجاج ولما يستوي الدجاج أحط الجريش المغسول والمنقع بالماي لمدة نص ساعه وأول فوحه أقصر على الجدر وأضرب كل خمس دقايق واذا نقص الماي زيدي كل شوي قلاص لحد مايستوي الجريش...وبعدين أحط فوقه السمن العداني والصباره والبصل وعليكم بالعافيه طبعا أسووويه جريش المطاحن...