الجذب فبل الخطبه والزواج !!!!! شاركونا تجربكم

[دلوعة الكويت90]

بنات خلونا نتكلم اليوم شوي عن الجذب قبل الخطبه وقبل الزواج !!

انا عن نفسي صارلي كذا موقف لمن يتصلون الاهل ويقولون والله ولدنا عنده دبلوم الشي الفلاني ولمن يي الصبي يطلع شهادته دورات وبعد المتوسط بعد ترى احنا مو فرجة قولوا الصج من اول وحياتي وحده اعرفها لمن تقدمولها قالولها الصبي مهندس واخر شي طلعت شهادته مو معترف فيها بالكويت والحين اهيا تصرف عليه ... واهو كان يدري ان شهادته مايقبلونها بالكويت بس ماقالوا تخيلو والبنت مستانسه عبالها خذت مهندس طلع ولاشي !!
:eh_s(16):
وانتوا شاركونا تجاربكم

 

[لمى الهاجري]

انا من ناحيتي هلي رافضين اتزوج سوا جذبوا او ماجذبوا الله كريم الا شخبار ابطال القصة الي كتبتيها سوالف المراهقات خاطري اعرف وينهم

 

[يـاكـرهـي $:]

^ الله يرزقجج بالزوج الصالحح يالمىى

اب اب

 

[قآنون كيفكـ!!]

اكررهه هالحركات لشنو الغش هي ترضاها الام ع بناتها !!
الحمد لله مامريت بهالمواقف

 

[M!SS.LOBY]

نصيحه يابنات لما تنخطبون لا تصدقون كلام الحريم والاهل جذب بجذب يشلخون وااايد نظام ولدنا مو ناقصه شئ والكل يتمناه فاهمين الفيلم الهندي مالهم ولدنا شحلاته واحنا بنتنا بنت البطه السوده ياااسلام يااااا سلام
دربالكم خلى الاهل يسألون عنه وأخوانج و عمامج وخوالج كل العائله الكريمه يستفسرون عنه ويأخذون برنت عن الولد اللي متقدم للزواج دروبالكم هذا من حقنا وأخذو الوقت الكافي للأستفسار عنه ووظفيته وسيرته الذاتي وشهادات دراسته واهم شي عن دينه واخلااقه هذا {اي الشخصي

 

[الأميرة جوري]

مايجوز الغش الناس مادري شصاير فيها ....اهم شي الوحده تخلي اهلها يسالون عنه قبل لا يطيح الفاس بالراس

 

[Adele]

أمبييييييييه حرام يغشون البنت

 

[Laidy n3ooma]

شدعوااا ماسألوا عنه !!!

قولي انتي ممكن ان ماسألتوا لان للحين ماصار شي

اما هذيج اللي منغشه على بو ان ريلها مهندس ليش ماشتغل ليش ماسألوا اهلها عن شهادته ووين بيشتغل مو معقوله متقدم لها وهو ماعنده وظيفه

هذااا غش ومايجووووز

 

[#الخشف#]

عندي يغشون بالوظيفه اهون من اللي يغشون بالرجال نفسه كسرت خاطري وحده كاتبه قصتها بقسم الحياه الزوجيه تخيلوا يابنات زوجها طلع فيه انفصام بالشخصيه ويصيرٍ كنه مجنون لما تجيه الحاااله قصتها طويله بس عن جد معاااناااه الله يصبرها ونسال الله العافيه....


والله من كثر مانسمع بالمصايب اللي صايره صرنا نحاااتي حيييل...


اي وبعد في وحده اعرفها غاشينها بزوجها لما تزوجته طلع عقيم وماعنده قدره .... والمسكينه اهلها رفضوا يطلقونها وللحين عايشه عنده!!!

الله يعافينا ولا يبتلينا

 

[#الخشف#]

:eh_s(2)::eh_s(2):عندي يغشون بالوظيفه اهون من اللي يغشون بالرجال نفسه كسرت خاطري وحده كاتبه قصتها بقسم الحياه الزوجيه تخيلوا يابنات زوجها طلع فيه انفصام بالشخصيه ويصيرٍ كنه مجنون لما تجيه الحاااله قصتها طويله بس عن جد معاااناااه الله يصبرها ونسال الله العافيه....


والله من كثر مانسمع بالمصايب اللي صايره صرنا نحاااتي حيييل...


اي وبعد في وحده اعرفها غاشينها بزوجها لما تزوجته طلع عقيم وماعنده قدره .... والمسكينه اهلها رفضوا يطلقونها وللحين عايشه عنده!!!

الله يعافينا ولا يبتلينا

 

[إيمــآن الكويت]

^^
صاجه خشف الوظيفه اهون من الزوج نفســـــــــه !!
رفيجتي بالكليه بدويه واهلها كآنوآ حيييل محافظين
ولمه يت ليلة عرسها ودخل المعرس الصاله الكل
انصدم من المعرس كآن قزم ويمشي عوي استغفر الله
ويها ما تقدرين اطالعين فيه !!!!!
وربي مو قصدي اذم الريال بس كآن شبه قبيح
اهلها انصدمووووآ لمه شافوا مادري اهم ما شافوا من قبل :/
​

واهي من باجر ردت بيت اهلها وحالتها حاله
صج صج كسرت خاطري ..​

 

[yam_yam]

^^

صاجه خشف الوظيفه اهون من الزوج نفســـــــــه !!
رفيجتي بالكليه بدويه واهلها كآنوآ حيييل محافظين
ولمه يت ليلة عرسها ودخل المعرس الصاله الكل
انصدم من المعرس كآن قزم ويمشي عوي استغفر الله
ويها ما تقدرين اطالعين فيه !!!!!
وربي مو قصدي اذم الريال بس كآن شبه قبيح
اهلها انصدمووووآ لمه شافوا مادري اهم ما شافوا من قبل :/​

واهي من باجر ردت بيت اهلها وحالتها حاله

صج صج كسرت خاطري ..​

عورت قلبي حرام

 

[سارونا العنزي]

في مثل يقول الخطاب رغاااب

يعني يحط شمس بيد والقمر بيد
ناس قليله تقول كلمة الصج
وتشهد شهادة الحق حتى اذا بتكون ضد ولدها
شي ناادر طبعا
بعدين بنت الناس مو لعبه لازم يسألون لو عشرين
مره تعرف من البدايه وهي ع البر احسن لاتعرف
بعد مايفوت الفوت وترجع مطلقه او تربط بطفل او
اموور واايد
ويعطيكم العافيه

 

[معي احلى]

ايه والله ذكرت البنت الذي كان عند زوجها مشاكل نفسيه .. <<الله يأجرها في مصيبتها ويخلف لها خير منها ..



اني حصلت لي مرتين .. الاولى ::

الاولى جاني واحد ايام الجامعه متزوج ..وعنده اولاد اكبر واحد كان اصغر مني باربع او خمس سنين .. وحاول يمين شمال اتزوجه وقال انه طلق زوجته وانها مجنونه .. وبعد سنين من الرفض اتبين ان زوجته مافيها شيء وعلى ذمته واتزوج مع ابنه بليله واحده




والمرة الثانيه ::

عريس متجنس امريكي .. جت امه للبيت .. وكذا بعدين يقولوا لابي . أن عمره 17 سنه في هذيك الايام انا عمري 25 سنه قال لهم ابي مافي نصيب .. قالوا الصدق عمره 35 سنه بس خفنا ترفضوا .. بذمتكم المرة تخفي عمرها وبلعنها بس الرجال يخفوا عمره وكم 18 سنه ..


الذي يعيش ياما يشوف ..

 

[بنك بااستا]

الله لايوقف اللي بجذب

 

[جيرازksa]

انا اختي قبل فتره جاها خطيب يصير اخو زوج بنت خاله ماما <<< ادري خربطه

المهم الام لمن اتصلت قالت ولدي عمره 30 ويشتغل مدير مبيعات

وبعد ماتحققنا من الموضوع طلع عمره 36 وبياع بمحل وسيرته مو ذاك الزود الحمدلله ربي ماكتب لاختي تصيب معاه

 

[sh_mashael]

و الله اخذي و خلي

يبطون چبدي لما يمدحون ولدهم و طيب و كريم و يطلع بخييييييييل و نحيسس
اعرف وحده مطلقه تقدم لها مطلق و قالولها انه عنده ولدين

و عقب الزواج طلع عنده اربع اعيال

و وحده ثانيه تقدم لها واحد و اهي موافقه عليه بس كانوا قايلين لها انه مطلق مرته
و طلع مو مطلقها

وايد اشيا تفشل

اشوف البنات حتى اللي مسويه تكميم تحاتي اقوله و الا لا و بالاخير تقوله و تتفركش السالفه
و هالرياييل يچذبون الچذبه و اهله بعد
و عادي عندهم

الله لايبلانا و يرزقنا الويه الصالح السمح

 

[أمونيتا ~]

امبيه ليش الناس صاروا جذي ؟؟

حرام الغش حتى الزواج صار فيه غش !

بس بنــات اهم شي لاتنسون صلاة الاستخاره عشان الله يوفقكم وييسرلكم اموركم

 

[يرخصلك كل غالي]

شكثر اللي يجذبون ومفروض الواحد مايجي ويشوف البنت الا عقب ما تسالون عنه

 

[ي حليليِ]

امبيييه توني ادري ان فيه جذب بالزواج والله :/

فتحتوا عيوني علو واييد شغلات بنات والله ><


صج صج يحليلي ههههههههههه

مشكوره ي راعية الموضوع وعساتس للجنة ومشكورين بنات والله استفدت
الله ياخذ الشريرين اللي يجذبون ><