الجامعات الخاصه بالكويت

[ايـشو]

السلام ...
حبيت أطرح هالموضوع لان دورت ومالقيت نفس هالمواضيع مطروحه بأي مكان :eh_s(10):

بما إني اخر سنه بالثنويه وحابه ادش تخصص هندسه بجامعه خاصه انشاءلله

على اللي سئلت عنهم عند رفيجاتي قالولي ان auk صعبه حيل وكلها عرب موكويتين وجنوس :eh_s(16):
وجامعه الكويت شايلتها من بالي سمعت انها موشي ومحد مدحلي ياها كلش
gust مدحولي ياها بس مافيها تخصص هندسه
و ack تصير شهادتج دبلوم :eh_s(2):


وانتو شرايكم اللي تعرف اي شي عن الجامعات الخاصه تكتبه سواء نسب القبول او مكانها او طريقه الافنتس اللي يسوونها ,معترف فيها او لا او العالم اللي فيها سنعين مو سنعين ذربين شي جذي:bbbiu:
ادرس ادرس اخر عمري ادش جامعه كلها جنوس واشكال :rerrerek:

 

[laplacekwt]

انا ادرس هندسة ميكانيكية في جامعة الكويت, و كل ما احد يسأل عن رايي بجامعة الكويت اقول مادري لانه ما يفرق رايي الشخصي, نصيحتي لج تروحين الجامعات و تشوفين شكل الجامعة اذا عجبج والا لا, دشي محاضرة استماع ويا احد من صديقاتج اذا تعرفين احد هناك او حتى ااذا ما تعرفين اغلب الدكاترة تتفهم و يدخلونج و شوفي اجواء المحاضرة و الجامعة ككل.

اما سالفة الجنوس و غير كويتيين اولا شعليج منهم؟ ثانيا اول مرة اسمع انه جامعة كلها جنوس؟ و اكثر من نص الكويت مو كويتيين اكيد في منهم بيدرسون و الاغلبية تدخل جامعة خاصة لانه ما يقدرون يدخلون جامعة الكويت بسهولة.

بس فوق كل هذا انا انصحج تلقين على تخصص او تخصصين في الهندسة ترتاحين منهم من الحين و بعدين شوفي اي جامعة تبين.

 

[الـكـايـدة]

الله يوفقج يا رب ويسخر لج

 

[BeYourSelf]

كل الجامعات الخاصه فيها اشياء زينه و موزينه، هل انتي تهمج دراستج ولا تهمج النااااس و الأفنتس ؟ بلنسبه لي اهم شي الدراسه انج تحسين انج فعلا راح تكملين بهلجامعه لللنهاية وتخرجين.
الانه شلفايده تستانسين بلجامعه انه فيها كويتين وايفنتس ووناسه ودراسه عليج صعبه وماتمشين فيها اخر شي بتندمين وتنفصلين.

الامريكيه اعرف ناس يقولون موصعبه ولا سهله يعتمد على الشخص نفسه اذ يدرس ويجابل.
الخليج العموم يمدحها وبنت خالي فيها هم تمدحها وتمدح دكاترتها انه زينين بس نبهت انه اهم شي الحضور.
العربيه هم اعرف ناس فيها ويقولون دراستها صعبه الانه منهجهم بريطاني وواجباتهم صعبه بس مومستحيله هم يبيلها ناس تجابل.

والله يوفقج good luck

 

[Pink_Roses]

مافي على جامعة الكويت