الثقة بالنفس .. مشكلة العصر تعالي نعالجها ..

[chee$e cake]

السلام عليكم و رحمة الله و بركاته

شلونكم صبايا

طبعا هذا الموضوع ما انكتب الا على طلب من عضوات و مو عيب الواحد يطلب المساعده العيب

انه يقعد و ما يحرك ساكن المهم حديثنا طويل بس جدا ممتع

و انا من زمان استقبل اي مشكلة لاي عضوة كانت و اساعدها على حلها سواء خاص عام اهم شي تعالجين الخلل و ما تخلينه يكبر و يصير مثل الورم :eh_s(2): اوك يا عسل نبتدي

بما ان الثقة بالنفس عند فئة كبيرة من الناس اصبحت معدوومه و الفئة الاخرى فاهمين الثقة غلط :eh_s(1): قررت اكتب هالموضوع و صارلي فتره اجهزه يعني مو يومين و لا 3 يعني اللي بتنسخ تكتب اسمي و المنتدى و اللي ما تبي لا تنسخ لاني مو راضيه !؟!

الثقة و الغرور فرق السما عن الارض و الغرور مرض !؟ علاج الغرور حاسبي نفسج بنهاية كل يوم انا سويت جذي انا كلمت فلانه بهالطريقه انزين ليش و هكذا رح تتعدلين و اذا ما قدرتي انا موجوده

اللي ثقتها معدومه بنفسها تبتدي معاي و اللي ثقتها ضعيفه تتابع و بسم الله الرحمن الرحييم
اللهم صلي و سلم و بارك على سيدنا محمد ...

أولا لازم تنسخين هالصورة عندج و تعلقينها بالغرفة و كل يووم تشوفينها و هذا المخطط انا مسوويته يعني متعوب عليه

part one
:ggdw::ggdw::ggdw:

لحد يرد بلييز

 

[chee$e cake]

نكمل يا عسسل

part 2

الثقة تحتاج إلى احترام الذات و قدراتها .

1. مسح كلمة (( مستحيل )) من حياتي كلها حيث انها كلمة ليس لها اي نوع من الترجمة في قاموسي . اوكي
2 . عدم تقليل من قدرك و قدر نفسك و مقدرتك حتى لو لم تنجح بأي شي بالحياة و لا مرة تقلل من قدرك لانك اديت اللي عليك و الباجي بيد ربنا .

الفرق بين الثقة <<< مطلووبة و الغرور <<<<مرض ؟!؟! انتبهوا

مشكلة الثقة

هي عدم اعطاء نفسك الفرصة لتحقيق اهدافك و عدم تصديق ذاتك انج قادرة يعني انتي ببالج ما اقدر و ما رح اسوي ؟!؟! و هذا غللللط كبييييييييييييييييييييييير !

سبب فقدانها :
مشاكل - احباط مستمر - حزن - ياس من رحمة الله - كره الحياة -ضعف شخصي - استسلام

سلبياتها و ايجابياتها :

سلبياتها : تعيشين طول عمرج يائسه بين الطوف و النفسج و فاقده ثقتج بالناس كلها و توصل انج تفقدين ثقتج بأمج و ابوج !! ممكن تخلي الفرد يتطرق للتعرف و الحرام بهدف التعويض !!
التفكير بالموت !؟ و القبر و العذاب يعني تفكييرج يكون بالعكس لانج مو قاعده تشوفين اهميتج بالحياة !؟

ايجابياتها واايد و تهبل :ggdw: اول شي تحققين اهدافج كلها و لو كانت مستحيلة تكونين اجتماعية لانج واثقة بكلامج و اسلوبج ممكن تنمين اجيال يعني يشوفونج شخصيتج قوية يقلدونج ياخذون الثقة منج الجراة تقدرين تدافعين عن نفسج تتكلمين بالحق و تدافعين و تنهين الغلط
انتي بثقتج بنفسج ممكن تبنين قصور تشتغلين تسوين مشاريع كللللللله بالثقه مافي شي يصير بدوون الثقة ؟!

طرق غرسها في نفسج بشكل مختصر و رح اشرح بعدين

القناعة بكل الامور يعني >>درستي حق امتحان و انتي من الشطار اوك و ما يبتي علامة زينة او زينة بس مو مستواج لازم تقولين انا درست و الحمدلله و الخيره فيها اختار الله و بس ما تقعدين تبجين على رووحج هذا غلط
انا عن نفسي احاول ما ابجي كلش لان اذا بجيتي رح تنكسرين من داخل و تردين تبنين نفسج صعب بس اللي انكسرت رح تبني و رح يقوى البنيان هالمرره اووك

التفاؤل المستمر اي شي يصير شوفي ايجابياته و لا عليج بالسلبيات

و ادعي ربج دايما و لازم يوميا عالاقل تقرين صفحتين من القران و الله القران كننز بس منو يستغل و يرجع له و رضا امج و ابووج

و نكمل البارت الياي لحد يرد :eh_s(7):​

 

[chee$e cake]

part 3

كيفية زرع الثقة بالنفس و تجنب الغرور ؟!

تحتاج الى ورقة و قلم يا حلووة بسررعه بسررعه

بهالبارت يا حبايبي نحتاج نشغل خيالنا و احساسنا الفني و العقل التصويري

1 . تخيل معاي انك رجل سياسي أو امراة موضة و ناشطة تصاميم رائعة .. woow مثلا عندك شركة .. موظفين .. معاملات .. صفقات .. ربح و خسارة .. فلووس .. تجارة .. سيارت .. مباني .. عقارات ..

انزين اذا بحول الخيال حقيقه ؟! مو مستحيل لازم تشتغل تجمع فلووس تستثمرهم ثم تحقق هدفك و كل هذا يحتاج ثقة . جربوا معاي اسهل شي تبونه و حطوه جدامكم رسموه ركزوا عليه رح تسوونه و الله مو شي غريييييييب

2 . كل انسان انولد ما عنده شي لا تقول ما اقدر ما اعرف شلوون يعني انت ترسم حياتك على ورقة و تبدا تحل الغازها و تطبقها ترسم نجاحاتك ترسم مستقبلك بالظبط بالظبط نفس اللي يتزوج يعني اهوا يقول ابي زوجتي كذا كذا كذا امه تروح تدور اهوا ما رح يقبل بغير هالمواصفات لان اهوا راسم زوجته جذي صح

3 . في مجتمعنا المجتمع الكويتي خاصة في دمهم الطنازة و أثرت في وايد ناس و أدت لفشلهم و عدم قدرتهم على تحقيق اهدافهم و اكمال مسيرتهم لانهم استمعوا و وقفوا و ركزوا مع هالفئة و هذا غلط !؟ لا يأثر فيك هالعامل اللي حولك يتطنز لكن في دتخلة أمنية و هي الوصول لمستواك ولا تقول شكو يوصل لمستواي واايد ناس كانوا جذي

4 . و هالنقطة واااايد مهمة و الله اللي يدش حياتي بيدووخ من هالنقطة

اربط حياتك كل يوم بشي خلك متفائل طموووح عندك هدف تبي توصله ارسم جدامك 5 أهداف لا تزيد عنهم الا بعد ما تحققهم كلهم لان اذا زدت رح تتشتت و ما رح تحرك ساكن يعني كبداية اخذ ورقتين ارسم هدفين حط ايجابيات سلبيات ادوات احتاج شنو مشوورة الخ و اللي تبي اساعدها انا بالشووووفه

و الله انا وحدة حياتي فيها مليوون هدف بس شووي شووي ما ابي اركز عليهم كلهم بوقت واحد لان ما رح اقدر :rerrerek:

و باقي البارت الاخير

لحد يرد يا عسل

 

[chee$e cake]

last part

توقعات
و لازم تحققينها مثل ما أنا حققتها اووك
و هذا لازم تسحبوونه و كل يووم تقروونه ينمي الذات ..

هل تعتقد ان تكون نور حياة احدهم لا يخطي خطوة دون علمك او استشارتك ؟!!
نعم ، عن طريق اسلووبي و تفكيري الناضج و المتسلسل و استماعي لهم و الاصغاء اليهم

هل تعتقد انه بامكانك تعليق احدهم بحضوورك و وجودك ؟!
نعم ، الناس لا تتعلق و لا تهتم الا بوجود المثقفين المفكرين الحكماء و الاذكياء في مجلسهم لذلك كن اكثرهم حكمة و حاسب نفسك على كل حرف تنطقه .

ضع أمامك <<سحبووها

ثقتي بنفسي كثقتي بحب امي لي

اعلم انني مهم في المجالس لكنني متواضع

فشلي هو بداية نجاحي

التحكم في اعصابي وقت الفشل تعني قدرتي على الاستمرار و التحدي .

لا اسمح للاحباط ان يتواجد في حياتي ولو كان زائرا .

كلما فشلت زاد اصراري فليتحداني الفشل .

و أخيرا : عهد علي سوف اجعل الفشل يفشل نفسه يفشل في افشالي

و دمتم

اي اسئله انا لكم

و هالله هالله بالردود اللي تبرد الخاطر

:eh_s(7)::eh_s(7)::eh_s(7)::eh_s(7):

 

[~ كرز ~]

السلام عليكم*
اشكرج عالموضوع الشيق و يسرني اني اكون معاج*
انا الحمد الله واثقة بشخصيتي و طريقتي بالتعامل مع الناس*
بس مشكلتي انه ماعندي ثقة بشكلي و هالشي صار عندي بعد ماحملت وولدت و تغير جسمي و شكلي *و احس دايما اشوف نفسي جيكرة بعد ماكنت *اشوف نفسي حلوة
و بعد انا البس عباية و ما احط مكياج نهائي سابقا كان عندي ثقة كبيرة و اذا الناس سألوني اجاوب بكل ثقة و اناقشهم و اقنعهم بس الحين انا نفسي مو مقتنعة بس ظالة على نفس طريقتي عشان ربي*


بسس سؤال انتي اخصائية اجتماعية و لا دكتورة ولا شنو بالضبط ؟

 

[كيكه توفي]

حلو موضوعج مشكوره

 

[Sweet October]

الموضوع حلو :eh_s(9)::eh_s(9):


يعطيج العافية

 

[chee$e cake]

حياااااااكم الله

و انا كلي لكم يا بعد عمري

 

[متواضعة]

خوووش موووضوع ان شاءالله باجر اقراه

احس شخصيتي ضعيفه ماعرف ليش بس الناس يشوفون انه شخصيتي قوويه

ماقدر ارد على احد لو غلط علي الا بالمووت !

حتى لو كانوا غلطانين على ولدي ما اقدر اكلمهم

ان شاءالله باجر اقره الموضوع وجزاج الله خير

 

[chee$e cake]

السلام عليكم*
اشكرج عالموضوع الشيق و يسرني اني اكون معاج*
انا الحمد الله واثقة بشخصيتي و طريقتي بالتعامل مع الناس*
بس مشكلتي انه ماعندي ثقة بشكلي و هالشي صار عندي بعد ماحملت وولدت و تغير جسمي و شكلي *و احس دايما اشوف نفسي جيكرة بعد ماكنت *اشوف نفسي حلوة
و بعد انا البس عباية و ما احط مكياج نهائي سابقا كان عندي ثقة كبيرة و اذا الناس سألوني اجاوب بكل ثقة و اناقشهم و اقنعهم بس الحين انا نفسي مو مقتنعة بس ظالة على نفس طريقتي عشان ربي*


بسس سؤال انتي اخصائية اجتماعية و لا دكتورة ولا شنو بالضبط ؟

اتشرف فيج حبيبتي و ولو كلنا لبعضنا
اممم انتي اللي صارلج مو فقد ثقة و لا شي و دام عندج قدرة الحديث و النقاش حتى لو كانت فهذا شي ممتاز و دامها كانت اكيد تقدرين تردينها مثل ما كانت و اكثر و هالشي منج انتي مثل ما ذكرت انتي ترسمين حياتج و ما تخلين كل شي يمشي ..

يعني انتي صارلج نقله من وضع لاخر من حال لاخر يعني انتي حلوة و ثملا جسمج كان زين بشرتج كانت صافيه شعرج كان كثيف

بعد الولاده نقول بصفه عامه مثل اللي قاعد يصير حق الامهات البشرة يطلع فيها بثور ممكن و الجسم يترهل او يزيد الشحم و يصير مو مرتب و الشعر يصير خفيف مثلا و اسم الله عليج من كل هذوول بس بشرح لج يعني اللي تولد تتعرض حق هالشغلات مو الكل و ما اشمل بس المعظم و السبب طبي بشكل كلي بس انا ما اقدر اتعمق بأمور طبيه لان اللي اعرفه دروس حياتيه مالي بالطب ما ابي االف عليج ..

المهم نيي للحل

اول شي هذي مو مشكلة هذا نمط حياة جديد يعني كنت و اصبحت و الانسان ما يتعود على شي بسرعه يحتاج وقت اووك انتي مو عاجبج جسمج مثلا دشي نادي لعبي رياضه تحركي او بشرتج عالجيها او شعرج عالجي علاج طبيعي عادي ما فيها شي بس لا تاخذين مواد كيماوية وايد مو زين

و بعد في شي من كلامج حسيت انج كنتي كشيخه و جذي فانتي حسيتي بنقص نوعا ما لانج ما تقدرين تقوولين حق الناس سوي جذي و جذي و انتي مو جذي عرفتي بس انتي رح تعدلين الوضع

:eh_s(15):

المسأله كلها على بعضها مسألة صحة لا اكثر و لا اقل
نامي مبجر - استخدمي كريمات بشرة - اكلي خضروات - فواكه - و الرياضه اهم شي يعني انتي تعرفين شنو يلزمج و اذا عندج اي سؤال انا بالشووفه

و الحكاية يا عسل ان قووة اقناعج قلت عن قبل و السبب الدليل ضعيف يعني قبل تقولين اكلي هذا يحرق الاكل حرق و الله شوفي جسمي ووو الخ

لكن الحين تقولين اكلي هذا و الله يحرق الاكل حرق بتقوولج انتي كليتيه ؟ بتقولج ليش جسمج ما رد مثل اول !؟

يعني المسألة كلها رياااضة و حركة و بووسة و ما عندج مشكلة و لا شي

و انا مو دكتورة و لا بطيخ انا طالبة بس هوايتي جذي اساعد ابحث اتطلع اشتغل في مخي مليوون شي و شي

بس ما افقد الامل و اللي ينكسر مره المره اليايه بيكوون اقوى بووايد

:eh_s(17)::eh_s(17)::eh_s(17)::eh_s(17):

 

[chee$e cake]

خوووش موووضوع ان شاءالله باجر اقراه

احس شخصيتي ضعيفه ماعرف ليش بس الناس يشوفون انه شخصيتي قوويه

ماقدر ارد على احد لو غلط علي الا بالمووت !

حتى لو كانوا غلطانين على ولدي ما اقدر اكلمهم

ان شاءالله باجر اقره الموضوع وجزاج الله خير

حياج يا قلبي و اتوقع ان السالفه سالفة طيبة زيادة عن اللزوم بس لا اكثر و لا اقل

و باجر اقريه و ساليني اي شي اذا تحتاجين و انا بالشووفه يمكن اقدر اساعدج اكثر و اتفهم وضعج
و بالتوووفيق :eh_s(8):

 

[chee$e cake]

فليتحداني الفشل

شعارنا .................

 

[~ كرز ~]

حياتي تسلمين و انا الحين دشيت نادي و بديت اهتم بنفسي و يمكن صج لان قبل الحمل جسمي كان يعتبر مثالي و دايما الناس يسألوني عن اهتمامي بنفسي و الحين بوكتقصير تغير كل شي بس الله يعيني و ارجع مثل قبل

 

[فجرر]

يعطيك العافيه...

 

[chee$e cake]

حياتي تسلمين و انا الحين دشيت نادي و بديت اهتم بنفسي و يمكن صج لان قبل الحمل جسمي كان يعتبر مثالي و دايما الناس يسألوني عن اهتمامي بنفسي و الحين بوكتقصير تغير كل شي بس الله يعيني و ارجع مثل قبل

بالتوفيق يالغالييييييييييه و ان شاء الله تردين نفس قبل و احسن بس ارادة قووووويه و الله كرييم

:eh_s(9)::eh_s(9)::eh_s(9):

 

[chee$e cake]

يعطيك العافيه...

الله يعااااااااااااااااااااااااااااااااااااااااااااااااااااااااااااااااااااااااااااااافيج :eh_s(7):

 

[متواضعة]

ماقصرتي حبيبتي جيز كيك يمكن مثل ماقلتي

ربي يووفقج وعساج على القوة

 

[chee$e cake]

الله يوفقنا كلنا يا قلبي و حيااااااااااااااااااج نورتي و الله

 

[فيونكه تركواز]

موضوعك عجبني كثير ياقلبي
وانا مشكلتي نفس مشكلة متواضعه
حاولت ارز عمري بس مشكلتي بعد اني خجوله زياده عن اللزوم
بس الحمدالله بناتي صاروا واثقين من نفسهم وفيه جراءه حلوه والمشكله انا اللي علمتهم وزرعت فيهم الثقه
بس على نفسي مش قادره
يعطيك الف عافيه

 

[رفيقة دنيا]

و أخيرا : عهد علي سوف اجعل الفشل يفشل نفسه يفشل في افشالي

اعجبتني هالعباره قعدت اضحك عليها هههههههه​