الثعلبة! (عاجل)

[JuJu]

السلام عليكم كويتيات ...

ابصراحة انا وايد متضايقة على وحدة من اعز صديقاتي , مشكلتها "الثعلبة" في شعرها , اول كانت صغيرة بس اللحين تقريبا منتشرة في عدة اماكن من شعرها و راحت حق كل دكاترة الكويت و محد فادها بس خسرت فلوسها على الفاضي ..
انا بدوري قتلها اتروح حق قراي يقرى عليها بس اهي متخوفه .. و اللي ابطلبه منكم تدعونلها بالشفا و اذا احد منكم يقدر يفيدني ابشي عن الثعلبة ياريييتتت والله و جزاكم الله خير

ناطره ردوودكم

 

[سما الكويت]

الله يشافيها ويعافيها يا الغاليه..ويشافي كل مريض..

وشوفى الموضوع اللى بتوقعي وان شاء الله تستفيدين منه بشي..

 

[أحلام العمر]

الله يشفيلها انا قبل كم سنه مريت بظروف صعبه ومن النفسيه الزفت طلعت فيني ثعلبه علاجها تفرك الثوم علي الثعلبه
ومع الاستمرار بيطلع الشعر ولا تنسي تقرا قران وتمسح علي راسها

 

[تاجي الفضيلة]

ثوم وخروع الله يعينها عل الريحه

بس مهما يقولون ما في عالثوم تفرك في راسها ..

الله يشافيها

 

[اميرة نفسه]

لا تخافين حبيبتي زوج صديقتي كان يعاني من الثعلبه بس راح لحلاق مغربي سواله شرط بالمشرط بنفس مكان الثعلبه وبعدين صار يفرك المكان بثوم وفي الاسبوع الثاني طلع الشعر بس على فكره ترى الثعلبه تعدي وبسرعه عشان كذا المفروض تغير غطاء المخده كل يوم ولا احد يستخدم ادواته اواغراضه

أما زوجة اخوي قرأة بالطب النبوي ان خل التفاح مع مطحون الحبه السوداء اذا فرك به الثعلبه لمدة عشرة ايام يروحها باذن الله