التوجيب والميزانيه

[لحن الحياة]

قوه

بدش بلموضوع علطول

بنات بغيت اسالكم اذا الوحده ميزانيتها ماتسمح وريلها ميزانيته مودايما عنده ولازم توجبين اهله اذا تخرجت او انجحت اخته او اي مناسبه تصير ان مايبت بقولون ماتوجب يمكن الأكيد بيتحجون والناس بعد ظروف والميزانيه دايما بالحضيض بغيت اعرف الي مثل وضعي شلون تتصرف بهالمواقف ومشاءالله مناسباتشكثر نجاح ولاده زواج و و ورا بعض

وانا بعد عندي اولويات والتزامات
س

 

[مناير ...!]

مواجيب اهله عليه ولو ماوجبتي الخمال من ولدهم

 

[Perfume]

حبيبتي كل واحد وظروفه بعد مو معقولة ماعندكم فلوس حق نفسكم وتشترون للناس على بو انه توجيب
اذا ولادة اخذي ورد او حلويات
واذا زواج روحي باركي واذا بعد فترة تعدلت ميزانيتكم اخذي هدية بسيطة وقوليلها سامحيني عالتأخير
بس انا ضد انج تظغطين على نفسج او ريلج على سوالف مواجيب

 

[om . alzeen]

صح كلام البنات

ومفروض الهدايا الي حق اهله اهو يتكفل فيها ولو ماعنده فلوس ودي اي شي رخيص بسيط ورد ككاو وكافي روحتج هذا بحد ذاته واجب للي والده او تزوجت

وللنجاح ماحسه شي ضروري ولا واجب الناس بتنقد عليج فيه

 

[سارة ة]

اااااب

 

[((غلاي))]

لاتضغطين على نفسج حيل
و دام ماتقدرين
خلاص باركي و كاكاو عادي من هالمحلات
مو شرط كاكاو غالي
و ترى في مناسبات وايد التوجيب بس تباركين للناس

 

[فرحتي2.2]

حبيبتي اذا نجحت كيكه

واذا ولدت حلو وخلاص

والعرس العانيه او لا تعطين ولاتاخذين من احد والعرس اساسا من وين لي وين

حطيلج مثلا حصاله كل شهر قطي ١٠ تنفعج بهالمواقف

ولا تكلفين علي نفسج

ترا اللي بيحبج بيحبج لنفسج مو لهديتج

 

[Gifts&Occaions]

يبيلهم اشياء رمزية

 

[Patcholli]

حبيبتي خليها مره عليج او مره عليه

وبعض المناسبات ماله داعي هديه مثل النجاح يعني خبري الي ينجح امه وابوه ايبونله هديه مو انتي

والزواج تقدرين قميص نوم ناعم ونطري متى يكون سيل اخذيلج جم قطعه خليهم حق المناسبات ..

ولاده كاكاو او ورد اذا بعيده واذا قريبه ظرف فيه فلوس على حسب ميزانيتج وخليها مره عليج ومره عليه طبعا اذا من اهله دايما عليه بس اذا ماعنده ميخالف حطي بداله .. ومثل ما قالت الاخت الي فوق خليلج حصاله كل شهر قطي فيها مبلغ صغير تنفعج حق المناسبات ..

ومو شرط تعطين الكل بوقت واحد يعني مثلا اذا عرسين بشهر واحد عطي وحده والثانيه عطيها الشهر الي عقبه مو لازم نفس الوقت ..

 

[اميره1980]

في هدايا سعرها حلو تقدرين تهدينها من غير تكاليف كبيرة
و بعدين اللي قدرج و جابلج هدية قدرين و اللي عطاج طاف عطيه طاف اكبر

 

[ام زهقانه]

كيكه وباركي لها وبس لاتكلفين علي زوجك ونفس هواش علشان ناس
الي تقدرين عليه

 

[al-musk]

فعلا المواجيب يبيلها ميزانية والواحد ساعات يقصر على نفسه بسبه هالشي
حاولي تستفيدي من فترة لتنزيلات خصوصا بالساعات وبهالسوالف ولاتكلفين على زوجج اكثر من اللازم يعن يمو معقولة يداوم من صباح الله خير ويتعب والمعاش يطير مواجيب

 

[انونا]

حبيبتي البنات ما قصروا


وولا تنسين كل اسبوع يمعي لو 5 دنانير وغير جذي
اذا رحتي بيت الاوادم او شي تقدرين انتي تطبخين انتي سوي كيكه او حلو او قلي مقالي وجذي

عيدميلاد سوي كيكه او تشترين هدايا على قد ميزانيتچ او اهم شي ان تذكرتيها

 

[غرور محمد]

لا تضغطين على عمرج
اذا عندج وجبي واذا ماعندج مو لازم
شوفي انا احب اوجب الي يوجبني
واذا ماعندي ااجل الموضوع لين يصير عندي واوجبهم
لا تفكرين بشنو بقولون عنج اهم شي فكري بنفسج والله سبحانه وتعالى لا يكلف نفس الا وسعها

 

[عادت ذكرياتي]

أب


أب

 

[Vampira]

حبيبتي انتي مو ملزومه بكل مناسبه !! اللي اعرفه النجاح والوظيفه يا تباركين يا ورد او ككاو او طبق حلو كنوع من المجامله والود

 

[ديانا سبنسر]

اببببببببببببببببببببببببببب

 

[A7la-3roosa]

سوي انتي بالبيت رولات ولا حتى لو لقيماات تكون لها طعم خاص لو سوات بيت بالعكس راح يخلون كل الاطباق ويسألون عن طبقج
واذا نجاح البنات يحبون سوالف شور جل ولوشنات أخذي لها سيت حلو مؤ شرط غالي

 

[جذابه بنت ذيابه]

مره عليج ومره عليه

واذا مضغوطين سوي كيكه بالبيت او حلا و اشتري لها هديه بسييطه و تستفيد منها ..

 

[om MaRyooM]

باختصار حبيبتي اذا من اهله عليه اهوا
واذا مايقدر لو مثلا مناسبة عيدميلاد او تخرج .. ككاو او كيكاو هدية بسيطة او عطر كافي
مو شرط أرهق ميزانيتي وميزانيته عشان هدايا


واهم شي ..
اللي يوجبج وجبيه وقدريه
اما اللي مطنش ولاعمرة وجبج ليش تكلفين على نفسج