التوأم .. حديث السااااعة وأمنية الجمييييييع

[@سيدة نفسي@]

السلام عليكم

بنات انا بسأل سؤالي علطووووووول

أحد سمع عن وحدة عمرها 40 سنة تعالجت وحملت بتووووم ؟؟

وشلون أثر هالحمل على صحتها بعد الولادة بالتحديد ؟؟

تعرفون أحد شخصيا مر بهالتجربة ؟؟

وهل ندمواا على هالمغامرة الخطيرة أو لأ ؟؟ :eh_s(10):

 

[اريـ الكويت ـاف]

السلام عليكم انا اعرف وحدة قريبة مني حيل عمرها 40تعالجت و بعد 12سنة زواج الله رزقها بنت امورة بس بصراحة الحمل كان ماساة اول اشهر نزيف و قعدت في المستشفى شهرين و هي معاها زيادة وزن و مع الحمل زادت اكثر قامت ما تقدر تتحرك تقوم و تقعد بصعوبة كبيرة و الدكتور من الاساس قابها انتي كبيرة في السن و راح تكون الولادة متعبة لك بس هي اصرت على الطبيعي و طلق صناعي يومين تعبت فيهم حيل و اخر شي فتح رحمها عشرة سانتي بس ما اطلعت البنت و سووها عملسة و ابدا مو ندمامة نسيت اقولك ان صار فيها فتاق و ضغط دائم مو مال حمل و تاخذله علاج بس حامدة ربها على النعمة و مو متحسفة بس لانها كبيرة تحسبن مو مثل الصغيرة يعني بالها مو واسع مع البيبي ما فيها شدة تركض وراه فاهمتني و بس سلامتك طولت عليك سوري

 

[امـ خــزامـى]

توام لا ماعرف


الله يرزق كل محروووووم

 

[Aloe Vera]

ماعندي فكرة
بس اذا الوحدة ماعندها عيال كلش
تستخير ربها و تعالج
بس اذا بس جذي مشتهية توام لا انا ما اايد لان فيها مخاطر و احتمالات فشل و مجازفات

 

[M!SS.LOBY]

الله يرزق كل محرووومه بالذرية الصالحة

 

[@سيدة نفسي@]

مشكورين حبايب قلبي عالمشاركات المفيدة .. طبعا كلنا عارفين ان الفنانة هالة صدقي

حملت بتوأم وعمرها كان ٤٨ سنة .. بس انا كان ودي أعرف حالات من مجتمعنا وشلون

هالحمل أثر على صحتهم بعدين ولا الحمل تعبه جم شهر ومقدور عليه نوعا ما ..

بانتظاااار المزيد من المشاركااات

 

[حمامة صالح]

اللي حابه الحمل وراغبة فيه صدقيني راح تتحمل كل شي وماراح تتأثر بالتعب لانها حابه هالشي
الله يرزق كل محرومه بالذرية الصالحه يارب

 

[بقلآوه،]

الله يرزق كل محرومة يارب،،،

 

[@سيدة نفسي@]

هذي مقتطفات من خبر حمل هالة صدقي :



أعلنت الفنانة هالة صدقي أنها حامل بتوأم من زوجها المحامي سامح سامي الذي تزوجته منذ حوالي أربع سنوات، وكشفت هالة صدقي عن أنها أخفت نبأ الحمل خوفا من الحسد.
تقول هالة صدقي: "أخفيت خبر حملي بالتوأم لأنني أشعر بخوف شديد على الهدية التي أهداني إياها الله، فقد تعرّضت في الأشهر الأولى من حملي لنزيف شديد عندما كنت في موناكو برفقة زوجي، فأخبرني الأطباء هناك أنني فقدت جنيناً من التوأم، ولدى عودتي إلى مصر وبعد إجراء الفحوصات اللازمة أفادني الأطباء أن التوأم بحالة جيدة ولم أفقد أياً منهما. بعد فترة تكرّرت الحالة نفسها، لذلك خشيت من إعلان الخبر خوفاً من عدم اكتماله، إلى أن نصحني أصدقائي بإعلانه بدلاً من إعطاء الفرصة لبعض الأقلام للتشكيك في حملي، ففعلت وتأثرت عندما لمست مدى فرح الجمهور بي".

 

[@سيدة نفسي@]

نسيت أذكر أصالة نصري .. حملت بتوأم وعمرها ٤١ سنة

طبعاً حملت فيهم عن طريق تلقيح صناعي على ذمة

الصحاافة انا ماالي شغل

غير طبعا جوليا روبرتس وجنيفر لوبيز وغيييرهم

 

[طيبة83]

انا وحدة تقرب لي حملت بتوام وهي بالاربعين

بحمالها كانت ما تطلع كلششششششش

وولدتهم في السابع

واحد منهم كانت حالته الصحيه صعبه لان كان وايد صغير

بس الحين الحمدلله كبروا

الله يخليهم لها

 

[مشتطـه]

امي حملت بإختي وولدت عمرها 40 ماتعبت عادي ولا اثر على صحتها

ترى 40 مو كبيرة كلششششششششششششششششششششش


جدآ طبيعي عمرها وعادي شدعوووة عليكم !!


والتوأم عالصغيره تعب ف ما بالج عالكبيرة

يعني اللي عمرها 20 وحامل بتوأم وايد تتعب والاغلب ينزل معاهم دم والاغلب ولادة بالثامن وقيصري


ماله شغل العمررر

بس انا ما أأيد التوأم

اذا ودها بأطفال تحمل وورا بعض

 

[@سيدة نفسي@]

يعطيكم العافية بنات على المشاركات الحلوة مثلكم فديييتكم .. وعلى فكرةأمي جابت اختي وعمرها 42

سنة عاااادي .. بس سالفة تجيبهم ورا بعض ترا ماااااأنصح أحد يسويهاااا

فوق الثلاثين سنة .. انا حملت على ولدي كان عمره 6 شهور .. الله ياني

تعبت تعببببببببببببببببببببببببب .. لو أدري جذي بتعب جان تعالجت

وجبت توووم .. عالأقل حملة وحدة وكلهاا سنة ويغدي شرج أما حملتين

وولادتين هذي سنتين ضاعوا من عمرج

 

[مشتطـه]

سيدة نفسي على طاري حلمتين ويا بعض

يبطون الجبد يقوون اتعب الحين وباجر ارتاح ؟ شكوووووووو


كل وحده تييب خدامتين وتقط عيالها 24 ساعه عليهم وتقول اتعب الحين وارتاح بعدين
نعم اختي ..؟؟؟؟

استغفر الله اللي مو قد المسؤولية المفروض ما تتجرا تحمل ورا بعض

انا عن نفسي اعرف نفسي عدل مدل واحد وبالغصب متحمله التعب هالمرة اثنين

احترمت نفسي واجلت الموضوع بإرادة الله لين اقدر عالثاني

وبخصوص التوأم ترى عذاااااااااااب وماتقدرين بروحج وهني الوحده معذروة لو قطت

واحد عالخدامة

اغلب اللي عندهم توم سسترات عندهم حق الليل

 

[@سيدة نفسي@]

صاااجة والله حبيبتي .. عن نفسي حملي كان مفااااجأة ماتوقعتها أبداااا

لأني من غير موانع أحمل لما يصير عمر عيالي 11 شهر أو سنة وشي

وحبوب المانع مايناسبوني كلللللش تزيد عصبيتي وتتعب نفسيتي حيييل

منهم .. بالنسبة حق الخدامة أتحدى وحدة تقدر تداوم وتجابل عيالها 24

ساعة .. البجر تقدرين تتابعينه يوم بيوم وشهر بشهر لكن من تبدين تجيبين

عيال غيره راح تحسين روحج مووو ملحقة لا على الزوج ولا العيال ولا الدوام

ولا عندج وقت لنفسج الا من رحم ربي .. الله يغفر لنا تقصيرناا والله مقصرين

بكل الجهااات لكن ربنا لطيف خبير عليم ..

 

[انسام الكويت]

انتي تبين توم عشان يتبين اثنينه وترتاحين من الحمال او عشان سالفة الحمل بتوام حابتها وتبين يكون عندج تؤم !!

أما بخصوص العمرر ماله شغل انتي وعافيتج ومقدرتج عالحمل وتحمله وعلى تربية اثنين لاتقارنين نفسج بغيرج في

أمهات تحمل الحمل وتربيه اليهال لمن تييب كذا طفل ورا بعض ويجابلون. عيالهم وفي أمهات لا ما تحمل لا الحمل ولا اليهال اللي ورا بعض فالأنسب لها طفل

واحد وعقبه بجم سنه تحمل المقارنة موحلوه لانه كل وحده ولها قدرتها لحد أيي ويقولي اللي تييب ورا بعض تقط عيالها عالخدامه ومن هالحجي اللي تشوف

اللي حواليها مو معناته كل الأمهات جذي تفكيرهم لا هذولا ضنى والله بيحاسبنا على تقصيرنا فيهم ....

وبعدين الجمل بتوم لها مضاعفات وايد اذا كانت عن طريق علاج ... أما أذا تؤم طبيعي من الله فسبحان الله يكون حمله ولادته زينه ..

اهم شئ انتي شوفي نفسج عالي تقدرين عليه ترا مو بس حمال لا هم بتتعبين فيهم لمن يكملون سنه أهنئ ترتاحين ...

 

[Newbaby]

انا مستحيل افكر بتؤم اخاف حيل خصوصا


اني جربت عمليه بطفل واحد فا ما اتمنى اولد عمليه مره ثانيه



تعبت حيل


وحملت بعلاج وكنت حاطه ايدي على قلبي ولمن بين بسونار ان طفل واحد قمت اضحك بهستيريا من الوناسه


فعلا ما اتحمل اربي توم وتعب الحمال ولا سمح الله يطلع احد منهم تعبان

 

[روزماري]

يا حلات التوم يهبلوون
السهالات من الله سبحانه سواء توام او طفل واحد
انا أتكلم من تجربه
و ترى بعض اللي حملو بتوم يقولون تعب و بغينا نموت و مادري شنو كل هذا خوف من العين
التعب موجود في كل الحالات

و بالنسبه لعمر الأربعين عادي موكبيره اعرف شكثر حملو وولدو بالاربعين و ماشاء الله مافيهم الا العافيه
بس توم مااعرف

 

[@سيدة نفسي@]

بنات انا ماأبي توم حاليا ولاأعتقد اني بسوي أي شي عشان أحمل بتوم .. بس حب فضول

من جهة ومن جهة ثانية أحط بحسابي بعد سنتين لو ماحملت وصار عمري 40 سنة

بيكون ولدي الصغير عمره 3 سنوات وأكون ارتحت جسديا بشكل كبير فقلت أسأل

وأشوف تجارب الناس لاأكثر ولاأقل .. بعدين بالنسبة للتربية يسمحولي البجريات

انا ماخذ بتجاربهم بعين الاعتبار لأن طفل واحد أبدا أبدا أبدا مو مقياااااس

 

[super star]

ماشاءالله من كلامج جنه عندج اكثر من طفل

اللي تقول التوأم مايتعبون منو قال؟

الا مساكين حملهم مرض وولادتهم قيصيريه وتربيتهم تعبببب من خلال تجارب رفيجاتي

وكانو مضطرين علاج

لكن انتي ان شاءالله منتي مظطره

ويمكن تتمنين تجيبين عدد معين من الاطفال بس مو معناته تغامرين مانصح كلللش

خصوصا عمر كبير والحمدلله عندج اطفال موشرط كل من يتمناه الشخص يصير