التهاب وحامل يوجد خطر علي البيبي او لا؟

[cramela]

هلا بنات شلونكم؟
بنات خذت مسحه الدكتوره ويوم ما وصفت لي مضاد حقي وحق ريلي قلت لها الدوره متاخره 3 ايام وطلعت حامل لما سالتها عن الالتهاب قالت اعالجه لج بالشهر الرابع انا قاعده احاتي علي البيبي حيل خايفه يصير فيه شي
اسم الالتهاب gardnerella vaginalis
الله يعافيكم اللي يعرف عن هذا شي تساعدوني شكرا وجزاكم الله خير عني ?

 

[مــتــنــحــة]

منو دكتورتج هذي ؟؟

بالعكس اللي اعرفه ان الالتهابات حيل يخافون منها وقت الحمال !!!

شلون بتخليج للشهر الرابع من صجها ؟

روحي دكتور ثقه ومعروف ثاني يتاكد من وضعج احسن بعض الدكاتره مادري شلون صايرين !

 

[SARA*]

حبيبتي انا كان فيني التهاب بالمجرى البولي في بداية حملي فالدكتوره قالت لازم تعالجين الحين لان يضر البيبي ويمكن حتى تولدين بالسابع عطتني تقريبا 10 ابر يوميه وحده والحمد لله بسرعه راح منى التهاب

 

[New_bride]

ما يمنع ان تروحين تستشيرين دكتوره ثانيه

وان شاء الله ربي يحفظ لج الجنين

 

[# غنوجة بيبي #]

اللي اعرفه ان الالتهاب يضر ماي البيبي لا سمح الله

و هم المضاد لازم تتاكدين اذا ما يضر تاخذينه

الله يثبت حملج

 

[ام أسد]

اذا ماعالجتيه راح يضر البيبي ويصير وﻻدة مبكرة روحي طوارئ الوﻻدة وقولي للدكتور فيني التهابات انا كان فيني التهابات وكله اروح طوارئ الوﻻدة يعطوني تحاميل والحين الحمدلله احسن بوايد وكل اﻻدوية اللي بالخاص تلقينها بالحكومة

 

[cramela]

انا اراجع عند الدكنورخ نهله في مستوصف الحياه مال الدكتوره فوزيه القطان انصدمت وقاعده واحاتي عاد براجع المستوصف مال الحمل وبتاكد ويعطيكم العافيه علي الردوود لاني صج قاعده واوسوس اشوه في ناس مثلي تحاتي الله يخلي لكم اللي عندكم ويسهل علي اللي يولدون ويرزق كل محروم يارب شكرا وجزاكم الله خيرا عني

 

[مآيكبرني نك]

المضآد الحيوي بعد الشهر ال3

التزمي بالفسؤل وخلي ملآبسج الداخليه تكون قطنيه

وغيريهم باستممرآر

 

[مسـك]

حبيبتي انا ماخذه مضاد وتحاميل اول حملي كنت شهرين


لازم تعالجينه لان الالتهاب يسبب اجهاض بعيد الشر


غيري الدكتوره

 

[TINA]

حبيبتي لازم تراجعي دكتور شاطر الموضوع مستعجل بس ما فيه خوف وايد لان الدكتور الشاطر يسيطر على الالتهاب رفيجتي كان فيها التهاب و عالجها دكتور سامر الريس وة يوم الولاده أعطى البيبي ابرة مضاد حيوي علشان لا يلقط الالتهاب بس الحين ما فيهم شي الله يتمم عليكي يا رب

 

[basma81]

عزيزتي راجعي دكتورة فرجينيا بالمواساة وايد شاطرة و ان شاء الله تفيدج ...ما تشوفين شر و الله يتمم عليج