التهاب بالبول فيدوني جزاكم الله ألف خير

[Koko7taty]

السلام عليكم ورحمة الله وبركاته


يعطيكم العافية بنات انا حامل بالأسبوع 34 ويومين
وكان حايشني عوار وإفرازات صفرا وحرقه خفيفه بالبول وانتو بكرامه
اليوم رحت الطبيب وكانت الدكتوره هنديه قالتلي ان فيني التهاب بالبول وانتو بكرامه وسويت تحليل
وطلع صحيح هل شي قالتلي لازم كل 8 ساعات اكل حبه سألتها والصيام ماردت علي اللي مضايقني
ان لازم أخذهم اسبوع وكل ثمان ساعات وانا بصوم لان كل اللي باقي اسبوع شورو علي بنات ظروري أخذهم كل 8 ساعات ولا عادي بعد الفطور وجزاكم الله ألف خير

 

[Koko7taty]

بنات فيدوني واللي يعافيكم

 

[Koko7taty]

شدعوه ٣١ شافو الموضوع وولا رد ��

 

[حكاية فرح]

اسالي الصيدلاني يفيدك ... لكن لو انا مكانك افطرت لعدة اسباب الاول ان الحامل بكل الاحوال يجوز لها تفطر والسبب الثاني انه عندك سبب طبي فشرعا ما فيه حرج وثالثا انه التهاب البول ممكن يسبب لا قدر الله زلال او تسمم حمل او ولاده مبكره لو تاخرتي بالعلاج ... الله يشفيك و تولدين بالسلامه

 

[حوريه ...]

انا مثلج بالاسبوع ٣٤

وحاشني التهاب بالاسبوع ال ٣٢ اتوقع

وصرفت لي مضاد مرتين باليوم

اكل بعد الفطور ع طول وقبل السحور او بعده

لمده اسبوع او ٥ ايام

وبس

الله يشفيك يارب

كثري ماي حبيبتي

 

[Aloe Vera]

كلمي صيدلاني
و العلاج وايد مهم التزمي فيه عدل

 

[Koko7taty]

يعطيكم العافية بنات جزاكم الله ألف خير وان شاء الله ربي ينولكم اللي فبالكم ويعطيكم على قد نيتكم

 

[FuSheYa]

ماتشوفين شر ان شاءالله

انا توه حاشني عقب الوﻻده
بغيت اموت من اﻻلم عطوني درب والله حسيت انهم ناسين شي ببطني وقت الوﻻده! تالي اكتشفت انه التهاب

اكو مضاد خذيته كل 12 ساعه و حبوب مدره للبول من هيمﻻيا
من بعد ربي هالحبوب اللي فادتني...

عليييج بالماي دردعي واكلي بلوبري وبﻻكبيري ممتازين للمسالك البوليه

 

[فدوووش]

التوت مفيد لاالتهاب

وخلي الشاي والقهوه لاتشربينهم لانهم يزيدون الالتهاب

وعادي قد صار لي برمضان العام مثلج ورااح ولله الحمد

اهم شي كثري من الماي

 

[@أم يوســـف@]

الله يعينج ويشافيج